RSS

ماتنسووووووووووووووش


غدا بمشيئة الله الموافق 15 من شهر رمضان يوم الدعاء

لأخونا المعتقلين ربنا يفك أسرهم جميعا ويعيدهم

لنا ولأبنائهم وزويهم بخير وسلامة وهذا اليوم

كان اقتراح من الاخت صانعة الحرية

وكنت وعدتها بالاعلان عن الموعد ولكن
بعتذر عن التاخير فى الاعلان يعلم الله
بالظروف اللي نستني وبحمد ربنا اني افتكرت
والا كنت هاخد ذنب اخلاف وعدي لها
فالحمد لله على كل حال

طبعا نحن لن ننساهم من دعائنا يوميا ولكن هذا اليوم

سيكون مخصص لهم بالدعاء فى الصلاة والقيام

وفى كل وقت نسال الله ان يتقبل منكم جميعا

صالح الاعمال اللهم امين

  • Digg
  • Del.icio.us
  • StumbleUpon
  • Reddit
  • RSS

بعد المحايلة وباقي الحوار


الاول كل سنة وانتوا طيبين ومن ربكم قريبين وفى الجنة ساكنين ان شاء الله

واكملكم الحوار

انا يارمضان عدا اكتر من يومين وانا وبالنيابة عن كل المدونين عليك كده متحايلين كفاية ده انت كريم

قالي كفاية اديكي قولتيها شوفي عدا مني كام شهر وعرفتكم فيه وانتوا طول الليل والنهار نايمين

او ادام الافلام والمسلسلات مستسلمين وفيكم شوية دايما جاعنيين واللي حتى فى التراويح مش منتظمين

ومن التاريخ كمان مش مستفيدين وللقران مش خاتمين وحتى للصدقة مش فاكرين ولحق ربهم ناسيين

الله يكون فى عونكم هاتفتكروا ميييين ولا ميييين ده فيه ناس حتى للصيام مش مؤديين

قولتله لأ لأ يارمضان ده احنا عن الطعام والشراب ممتنعين وبكده احنا اكيد صايمين

قالي ماهو ده عيبكم وانا مش هاتعبكم وهدلكم على اللي يريح قلوبكم ويصحح صومكم والمشكلة انكم

مفهمتوش يعني ايه رمضان وازاي تخرج منه كسبان واناوانا هاقولكم يعي ايه رمضان.....

رمضان زي ماقال عليه الرحمن (ولتكبروا الله على ماهداكم ولعلكم تشكرون) يعني هدية متقدمالكم

وانتوا مش حاسين بقيمة الهدى الميسر فى الايام دي.. ابواب الجنة مفتحة وابواب النارمغلقة

والشياطين مصفدة يعني اعدائك متسلسلين ولا انتوا على نفسكم حتى مش قادرين

وعند كل واحد فيكم فرصة كمان فى رمضان انه يبني شخصيته ويظهر قوته

..اقدر على نفسك ومن قدر على نفسه كان على غيره اقدر خليها بالنهار صيام وباليل قرأن

خليها زي ماقال خير الانام( الصيام والقرأن يشفعان للعبد يوم القيامة ..يقول الصيام اي ربي منعته الطعام والشهوة فشفعني فيه ..ويقوي القرأنرب منعته النوم باليل فشفعني فيه ..قال فيشفعان) عود نفسك فى رمضان روض نفسك فى رمضان وانا بقى هاقولك على معلومة تهمك انت تعرف ان علماء النفس اثبتوا ان فى حاجة اسمها

البرمجة النفسية ودي بقى معناها ان انت تقدر تبطل او تعود نفسك على اي عادة

بمجرد تكرارها من 6_26 مرة متتالية

قولتله وايه علاقت ده بيك يارمضان..باين عليك سهرااان

قالي ده انا ايامي من 29 ل30 يوم يعني كفاية جداااا لتغيير حياتكم كلها وكل ده ارضاء للرحمن

وتأكد انك مع الرحمن استحالة تكون خسران

وكل مايكون همك وراء عمل اي حاجة تهمك هو ارضاء لله تعالى يبقى انت كده حققت

معنى (الاخلاص) وهو ده اللي فقدتوه خلاص ولوخرجت بيه من رمضان يبقى انت كده اكيد كسبان

ولما تحس دايما ان ربنا معاك ومطلع عليك هتلاقي فى حياتك شغل بأتقان واخلاقك هاتبقى تمام

وهتبقى اخر روقان يعني مطيعين ومستسلمين لله دون جدال مش تلاقى دلوقتي

واحده بتصوم رمضان من غير ماتسال ليه الوقت او الشهر او الكيفيه دي بدءت

وتيجي عند الحجاب والصلاه والاختلاط تقولك اقنعني والجداااال شغااااااااال

مع ان اللي شرع وامر بصيام رمضان هو اللي امر بباقى الاحكام

قولتله ياااااه معقول يارمضان يعني الرحمن يميزنا بيك عن كل الانام ونبقى زي اشرهم

ويتقالنا اللي اتقلهم (افتؤمنون ببعض الكتاب وتكفرون ببعض)يااااه يارمضان ده انت طلعت شهر عظيم ده احنا كمان فيك بنبقى متوحدين وبالاخوه حاسين فعلا شهر صيام وقرأن وصدقة................بس ماتكمليش

قالي ماتكمليش ده انا عارف كل حاجة هو انتوا مش عارفين

قولتله لااااا احنا عارفين بس عليك مخبيين هو انت عرفت منيييييين

قالي العصفورة ....عصفورة المدونيين قالتلي وانتوا نايميييييييين

قولتله قولي بسرعة قالتلك ايه يارمضان

قالي ...قالتلي ان 375 الف عامل فلسطيني مشردين ملقوش اللي يساندهم

ولا حتى باللي فى ايدهم لا بالدعاء ولا بالمقاطعة مساهمين

قالتلي .ان 20 مليون مسلم فى اندونسيا وضعفهم بالظبط فى افريقيا استنصروا

علشان ملاقوش اللي يسد حاجتهم

قالتلي ان 600 مليون نسخة من انجيل اتوزعت فى افريقيا مجانا وفى عام واحد

واحنا حتى على حمل المصحف مش قادرين اما بالنسبة لحفظه ولا حتى تلاوته هاجرييييييين

قالتلى ان دعاة الباطل مسنودين وان انتوا دعاة الحق دايما متخليين وانكم دايما محبطين ويأسين

قالتلي كمان على عدد المبشرين(دعاة النصرانية والمسيحية) فى افريقيا

وانه وصل عددهم 20 الف مبشر 1040مستشفى 10600مدرسة

ده غير490 معهد لتربية المبشرين وانتوا نايميييين وفى السينما والمسارح ومع البنات

وعلى النت وفى اختراع الخيم ال ايه الرمضانيه فلوسكم واوقاتكم وطاقتكم مضيعين

وعرفت ان ايرادات الفيلم الواحد ممكن توصل ل40 مليون جنيه وان معظمكم علشان فيلم

ولا شريط لواحد من الهابطين بالعشرة وبالعشرين دافعين لكن عند فلسطين عند تبرع للمحتاجين

ماشاء الله عليكم دايما قايلين طعاطفك لوحده كفاية

ويوم ماتشدوا حيلكم اتبرع ولو بجنيه والله انا خايف احسدكم

يعني الله يكون فى عونكم وربنا يعينكم وفى النهاية اللخص و

كل اللي اقدر اقولهولكم اوعوا تكونوا من اللي قولت عليهم محبطين

ولازم تبقوا للواقع مدركين وبأديكم ليهم مغيرين وللي اتعلمتوه مني منفذين

وتكونوا على اخوتكم حريصين وعلى اللي بيدور فى بلادكم عارفين

وقبل ده كله لرضا الله تعالى وجناته مشتاقين وباذن الله وفضله لاهل الجنه منتميييين

واشوفكم على خير وكل رمضان وانتوا طيبيين

تحزيييييييييير خلوا بالكم من عصفورة المدونيين واعرفوا ان كلكم متراقبين

واي حاجة هاتوصلني واللي هايوصلني هو اللي هابلغوا لربنا لما يسالني عنكم

وعايز كل واحد فيكم كل يوم يقولي يارمضان اذكرني عند ربك ويشوف انا ممكن اذكره بايه

بالخيييييير والااااااا بالخيييييير الكثير

دي كانت نهاية الحوار اخر حاجة هاقولها لحضراتكم اني للاسف مش عارفة هاقدر اتابع

خلال هذا الشهر ولا لا

العام الماضى ماكنتش فى حياتي المدونات وفاكرة اني كنت ببقى محتاجة 24 ساعة زيادة

علشان اقدر اعمل كل اللي انا عايزاه خلال اليوم

بس اوعدكم لو قدرت فى اي وقت اتابع ان شاء الله هاتابع ولو ماقدرتش ياريت تسامحوني

ولي رجااااااااااااااااااااااااااء اخير

ياريت تدعولي كتيييييير ادعولي بالشفاء لاني تعبانة بجد ولاول مره بشتكي او اقول حاجة زي كده

بس اديني قولت

وادعولي علشان عندي مسابقة قران وعايزة ربنا يوفقني فيها


وادعوا للبنانيت بتوعي الصغنتتين علشان هما كمان عندهم مسابقة


وادعوا للفريق بتاعي بتاع الكليه ربنا يعينهم بعد الايحة الطلابية الجديدة


وكل اللي يقدر على دعاء يدعي بيه ولكم مثله ان شاء الله


اراكم على خير دائما واسال الله ان يحفظ الجميع من كل سوء

  • Digg
  • Del.icio.us
  • StumbleUpon
  • Reddit
  • RSS

حوار مع رمضان


قبل ماقولكم الحوار وبعد السلام عليكم عايزة الاول اهنيكم بمناسبة ضيف كريم هايحل عليكم

بمناسبة 30 يوم لازم يساعدوكم ا وفى حياتكم هايفيدوكم ومن ربنا ها يقربوكم

طبعا هايعدي اول اسبوع وهايعدي الشهر كله بس لازم تعرفوا ان الشهور مش بعدد ايامها

والايام مش بعدد ساعتها .عامة وعلى كل حال انا كنت قاعدة كده من كام يوم فى وقت السحر

يعني بعد القيام ومنتظرة اذان الفجر كنت بتذكر رمضان وهايكون فيه ايه هذا العام

وبعدين سالت نفسي سؤال هو ليه واحنا صغيرين كنا بنبقى فرحنين برمضان

على الرغم من اننا مش فاهمين ومش عارفين فضل هذا الشهر الكريم

لكن براءة قلوبنا هي اللي كانت بتحسسنا بحلاوته لكن لما كبرنا والمعاصي والذنوب

ذادت فى قلوبنا كل ده جوه القلب خلاه مش عارف يحس برمضان قلت فى نفسي يااااااااه

كفايه ان رمضان هيدخل على احزان فى قلوب المسلمين هيدخل علينا واحنا متفرقين

واحنا مشتتين ومن غير اهداف عايشين هيدخل على دماء فى فلسطين

والعراق وافغانستان وكشمير والشيشان واندونيسيا والبلقان و.........كفاية وحسيت وكاني سمعت صوت

رمضان.. بيقولي كفاية كفاية ياس واحباط خلي عندك امل انا هادخل على كل ده وهاخرج ومعايا كل ده

قولتله.. ازاي يارمضان انت مش فاكر مش فاكر اول رمضان صامه المسلمين كان فيه انتصار

غزوة بدر الكبرى (يوم الفرقان) واحنا دلوقتي خليناك شهر كله انهزامات

مش فاكر دخول الرسول صلى الله عليه وسلم فيك مكه منتصر بعد 8 اعوام من طرده

وغزوة تبوك اللي المسلمين مشوا فيها الاف الاميال على اقدامهم فى الحر الساخن

وفيه ناس دلوقتي مش قادرين يوقفوا ساعة بين ايدين ربهم فى صلاة التراويح

فاكر لما المثني بن حارثة فى معركة البويب الفاصلة قال لجنوده (لا تفضحوا

العرب اليوم فاعتدلوا ويامعشر المسلمين عادتكم ان تنصروا الله ينصركم) لكن

احنا فضحنا المسلمين وخذلنا المجاهدين وعلى المقاطعة مش قادرين وتصور

حتى فى الدعاء فيه ناس مقصرين

فاكر لما 12 الف مسلم فتحوا اسبانيا ومليار و300 الف مسلم مش عارفين

يحرروا الاقصى

فاكر كيف انطلقت صيحة مسلمة ابيه كشف الروم عورتها وقام فى سبيلها جيش المعتصم

واحنا دلوقتي الامر بقى بمازجنا ولا حول ولا قوة الا بالله واقولك وبكل اسى ان 50 الف

مسلمة اغتصبت فى كوسوفو وزيهم فى البوسنا والشيشان

فاكر انتصار قطز على التتار وفاكر كيف فتح السلطان العثماني(سليمان القانوني) بلاد

المجر ورومانيا وبلغاريا ودول البلقان وازاي احنا ضاعت مننا كل البلاد دي

وبمجازر وحشية لم يشهد لها التاريخ مثيل لا وكمان مشغولين بالموضة والتقليد الغربي الاعمى


استنى استنى فاكر انتصار اكتوبر وفاكر صيحة الله اكبر واحنا وبكل شياكة حطينا ايدنا

فى ادياهم قال ايه بحجة السلام السلام اللي استبيح به دماءنا واحنا بنتفرج من غير

مانعمل اي حاجة ان شا الله حتى دعاء ولا مقاطعة

مش هو ده نفس الكلام اللي هاتقولوا لربنا يارمضان لما يسالك عنا

قالي.. ايه كل ده مين قالك اني هاقول كل ده انا هقول كانوا كده وتابوا

وحرروا ارضهم وجددوا مجدهم فيا فى رمضان

قولتله.. ازاي بس واحنا غيرناك وبدلناك وظبطناك على الاخر

قالي.. لو سمحتي انتوا اللي اتغيرتوا انا ماتغيرتش عن اول مره جيتلكم فيها

قولتلوا.. خلاص يارمضان علشان خاطري قولي ازاي اديلك حقك

قالي..مش هقولك

قولتله..كمان مره علشان خاطري

قالي..خلاص اتحايلي عليا شوية لحد المره الجايه

خلاص بقى ياجماعة اكملكم المرة الجايه اكون انا اتحايلت عليه شويه

طلعت نفسه عزيزة على الاخر مش زينا علشان مصالحنا عدونا ممكن يبقى حبيبنا

  • Digg
  • Del.icio.us
  • StumbleUpon
  • Reddit
  • RSS

اني صائم




الحقيقة كنت ناويه اكلمكم عن حوار دار بيني وبين رمضان بس اجلته لما استكمل الحوار معاه ان شاء الله

طبعا بتقوله حوار ايه ومع رمضان مين ماتشغلوش بالكم هاتعرفوا ان شاء الله فى الوقت المناسب

وبما ان كل الناس بتتكلم عن رمضان قولت اكلمكم بقى انا عن الصيام قال يعني فيه فرق اااااااه فيه فرق

انا اصلي مش هاكلمك عن الصيام الصيام انا بس هاكلمكم عن كلمة (اني صاااائم) هاتقولولي ليه
هاقلكم علشان نتدرب عليها من دلوقتي علشان تخرج من جوانا فى الوقت المناسب ومن غير مجهود

طيب واصل الكلمه دي ايه فى السنه النبوية المشرفة ؟ هاقولكم بس ركزوا معايا شوية

طبعا الاول احنا عارفين الصيام ده سمو روحي واخلاقي بيرفع الانسان الى قمة عاليه من النبل والكرم

يعني المفروض لا تصدر عن الصائم الا المكارم فى سائر احواله حتى ان اعتدى عليه احد يعني الصيام
بيمنعنا من روح الانتقام لنفسنا والانتصار لذاتنا امال هانسيبه يغلط فينا ومانردش لا طبعا ترد بس كل

اللي عليك انك تقول اني صائم وتكررها اذا لزم الامر

فاعن ابي هريرة عن النبي صلى الله عليه وسلم قال (لا تساب وانت صائم فان سبك احد فقل اني صائم وان
كنت قائما فاجلس) صدق رسول الله صلى الله عليه وسلم

اخرجه احمد والنسائي وصححه ابن خزيمة وابن حبان

وعنه قال قال رسول الله صلى الله عليه وسلم(اعفوا الصيام فان الصيام ليس من الطعام ولا من الشراب
ولكن الصيام من المعاصي فاذا صام احدكم فجهل عليه رجل او شتمه فليقل اني صائم) صدق رسولنا الكريم
اخرجه الطيالسي بسند ضعيف لكن يشهد له مابعده

وقال رضي الله عنه قال رسول الله صلى الله عليه وسلم (ان الصيام ليس من الاكل والشرب فقط انما الصيام من

اللغو والرفث فان سابك احد اوجهل عليك فاقل اني صائم) صححه ابن حبان والحاكم

دي كانت الاحاديث الوارده فى هذه المقوله

لكن الواحد بيسال نفسه هو بيقول لمين اني صائم؟ بيقولها لنفسه ولا لمن اخطا فى حقه
في بعض العلماء قال ان الصائم بيقول ذلك فى قلبه دون نطق بها وفى روايه للطبراني

(الصيام جنه فان قاتله احد او شتمه احد فلا يكلمه وليقل اني صائم)

ومعنى ذلك ان الصائم لا يرد على من اذاه بالقول او بالفعل لكن بيصبر على هذا الاذى ويقول فى نفسه ولنفسه اني صائم يانفسي

فلا سبيل الى شفاء غيظك برد الاساءة ومانظهرش قول اني صائم خشية الرياء واطلاع الناس على اعمالنا

لان طبعا الصوم من الاعمال غير الظاهرة ولذلك يجزي الله الصائم اجره بغير حساب

المقصود من الكلام ده كله ايه ياجماعة المقصود هو تربية نفسية سامية لانفسنا وتدريب راقي على الصبر

وكظم الغيظ وياريت ننظر نظرة عاقلة لحقيقة هذه العبادة الكريمة ربنا يرزقنا وايكم حسن الخلق

كمان بعض العلماء زكروا انك ممكن تقول للي هايخطىء فى حقك (اني صائم وصومي يمنعني من الرد عليك


لاني اصون صومي وربنا امرني بكده ولولا ذلك لانتصرت لنفسي برد الاساءة وهكذا) و فيه

حاجة كمان لطيفة ذكرها العلماء وهي انك تقول مرتين اني صائم مره بقلبك علشان تكف لسانك

عن خصمك ومره بلسانك علشان تكف خصمك عنك

في حاجة تانيه ماينفعش تسعى لمصادر الذنوب وترتكبها وبعدين تقول اني صائم واعتقد الصوره هاتوضح قصدي ايه





لكن اعلم يأخي ويأختي




انا عارفة اني اطالت عليكم لكن انا بدعوكم فى النهايه الى هذا الخلق الكريم وليكن رمضان والصيام سبيل للتدرب

على التسامي فوق مقتضيات الطبع البشري ونزغات الشيطان وواجب علينا اننا نتهىء فى هذا الشهر الكريم خيرا

مما كنا فى غيره واننا نخرج منه احسن اخلاقا واعمالا ان شاء الله ربنا يرزقنا واياكم الاخلاص ويبلغنا هذا الشهر الكريم
وبعتذر مره اخرى اني طولت عليكم وربنا يتقبل منكم صالح الاعمال ان شاء الله
وبقول لكل واحد فيكم





  • Digg
  • Del.icio.us
  • StumbleUpon
  • Reddit
  • RSS