RSS

العيييييد جه......شيلوا العنكبوت اللي هنا



السلام عليكم اهل الخير طبتم وطاب ممشاكم وتبوئتم من الجنة منزلا ان شاء الله


كان عندي كلام كتيييييير اوي بس المناسبة بقى هاتخلينا نختصر ونبقى نحكي


معاكم وقت تاني ان شاء الله


اولا كل عام وانتم لربكم طائعين ولنبيكم تابعين ولراية دينكم رافعين وللجنة ساكنين


ان شاء الله ويجعله عيد كله فرح وسعادة على الجميع اللهم آمييييييييين


ثانيا جزاكم الله خيرا على سؤالكم ودعائكم المستمر لي فى غيابي واسأل الله الا يحرمنا


من هذه الدعوات دائما ولكم بالمثل ان شاء الله


من كام يوم حد عزيز عليا قالي يلا بقى ادخلي وشيلي العنكبوت اللي على المدونة دا


عجبني التعبير قوي بس الحمد لله لقيت العنكبوت مش معشش اوي بفضل


زيارتكم وتعليقاتكم ....لا حرمنا الله منها دائما اللهم اميييييييييييييييييين


ومعلش بقى انا طماعة اوي وهاطلب عيدية بس ماتقلقوش انا عايزة عيدية


استمرار الدعاء خاصة الفترة دي ان ربنا يفتحها علينا كدا بقى ونركز


ونستعيد قوانا الذهنية اللي فقدناها الفترة دي الحمد لله ونقدر نجمع كدا


ونلم كل اللي فاتنا وندخل الامتحانات على خير والله المستعااااااان


احنا ونصيبنا بقى...اللي مش هايقدر على العيدية دي يسيب عيدية


من نوع اااااااااااااااااااخر ......طبعا اللي انا عايزاها ارحم ... يلا



وانا بقى


كل عام وانتم فى طاعة مرة تانية وتقبل الله منا ومنكم وربنا يرزقنا


جميعا زيارة بيته الحرام العام القادم ان شاء الله

  • Digg
  • Del.icio.us
  • StumbleUpon
  • Reddit
  • RSS

اعتذاااااااااااار

معلش انا عارفة اننا من ساعة ماعملت المدونة
وانا كل شوية غياب واعتذرات بس انا عارفة
انكم هاتستحملوني وبجد والله غصب عني
وان شاء الله تعدي الفترة دي على خير وارجع
اتابع معاكم واعذروني على عدم الرد على
التعليقات وكمان على عدم زيارة مدوناتكم
ودي حاجة تعباني جدا بس بجد غصب عني
هاسيبكم بس ان شاء الله راجعة تاني
وماتنسوش تدعولي بقى معاكم بالاستقرار
الفترة دي وانا بدعي ان ربنا يوفق الجميع

  • Digg
  • Del.icio.us
  • StumbleUpon
  • Reddit
  • RSS

لغز الشاطبي


كان الامام الشاطبي صاحب كتاب الموافقات كثيرا مايتمثل هذه الابيات


اتعرف شيئا فى السماء يطير...............اذا سار هاج الناس حيث يسير

فتلقاه مركوبا وتلقاه راكبا..................وكل امير يعتليه اسير

يحث على التقوى ويكره قربه...............وتنفر منه النفس وهو نذير

فلم يستزر عن رغبة فى زيارة...............ولكن على رغم المزور يزور


ياترى عرفتوا الحل؟ انه النعش من امتطى صهوته كان اسيره

واذا رآه الناس قصر املهم وزاد عملهم ومع ذلك يكرهه الناس

وينفرون من رؤيته بل ويتناسونهحتى يزورهم رغما عنهم


رحم الله الامام الشاطبي كان كلما لمس غياب ذكر الموت

عن القلوب انشد لغزه وذكر نعشه لانه تعلم وعلم ان ذكر

الموت هو الحياة وأن الاتعاظ برؤية النعش على الاعناق

هو السبيل الى الفوز فى هذا السباق


انا لا أخاف الموت بل هو بغيتي..................ووسيلتي لتحقق الغايات

فيه يتاح لي اللقاء وتزدهي...............روحي برؤية سيد القدوات


من كان فى سجن التقى فالموت يطلقه ومن كان

هائما فى بوادي الهوى فالموت له حبس يوثقه


اللهم اجعلنا من عبادك المتقين واجعلنا لك دائما

من الطائعين وابعد عنا الهوى ونزغات الشياطين

اللهم انا نحب لقاؤك فامتنى على محبتك وطاعتك

انك انت على ماتشاء قدير

  • Digg
  • Del.icio.us
  • StumbleUpon
  • Reddit
  • RSS

تاااااااااج وربنا يستر


تاج من عند أخونا الكبير وشيخ المدونين الاستاذ عصفور المدينة



ربنا يكرمه ولون التاج دا هايخليني أجاوب على التاجات اللي فلت منها قبل كدا



يالا ربنا يسترها بس أستحملوا بقى لاني من طبعي يأما اسكت خالص يأما أتكلم



خالص خصوصا على النت يالا الله المستعااااااااااااااااان نبدء الاجابات






قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟

والله انا مافهمش فى التاريخ اوي بس انا قرأت قبل كدا عن الخلفاء ومنهم


طبعا عمر بن عبد العزيز واللي عرفته عنه



انه تفرغ لإقامة الحق والعدل وإشاعة الخير والسلام فى ربوع البلاد الإسلامية


،ورفع المظالم عن الناس، وعمل على إنصاف كل من ظلم فى عهود سابقيه


من بنى أمية، وعوض كل من حرم، واعاد عهد جده "عمر بن الخطاب"


الخليفة العادل الذى ملأ الدنيا عدلا، وكان بيتشبه بيه فى ذهده، وتقشفه،


وإيمانه بالله، وتمسكه بكتابه، وسنة رسوله صلى الله عليه وسلم


وكان بيشجع الناس على مكارم الأخلاق، وكان بيفرض العقاب الصارم


على أى عدوان مهما صغر وحقر؛ علشان يقضى على الفساد مش ينشره زيادة،




أول أولوية فى حياتك عيلتك ولا شغلك ولا اصحابك؟



طبعا عيلتي ومش كلهم كمان هما بس حضرة الناظرة والدتي ربنا يخليهالي ويباركلي فى عمرها

وسي السيد احمد اخويا ربنا يجوزه بقى قريب علشان ارتاح شوية من دور امينة اللي شغالهولوا ده


بعد كدا بقى اصحابي ولسه مفيش شغلي دي ممكن نقول دراستي وشغلي بس مش الدنيوي يعني



ايه أكتر حاجة بتحبها فى رمضان ؟



يااااااه رمضان وحاجة واحدة ماتمشيش بس انا ممكن اقول ان اكتر حاجة كنت بحبها ارتباطي بناس معينة


وعلاقتي بيهم اللي بحاول اخليها تستمر على طول بس ربنا ييسرلي الحال



اوصف أجمل فطار ممكن تفطره؟



دا على اساس ايه رمضان ولا دلوقتي ؟ عموما انا قولت قبل كدا موضوع


دا مش بيفرق معايا وذكرت السبب


فى تاج قبل كدا وبعدين انا فى تلت حاجات بشجعهم فى حياتي وهما


قلة الاكل


قلة الكلام


قلة النوم


هاتقولولي وعايشة ازاي هاقولكم فى احسن حاااااااااااااااااال والحمد لله بس ربنا يثبتنا


لكن لو هاجيبها من ناحية تانية اهم حاجة فى الصحبة وخاصة لو بنتكلم على رمضان احلى فطار



كنت بفطره مع الناس اللي قولتلكم عليهم قبل كدا. واللي اكتشفت ان انا اللي كنت محتاجالهم مش العكس



لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟


اولا لو طلبوا مني احكم حد هارفض طبعا لانه لايجوز (لعن الله قوما امتهم امرءة) يرضيكم احكمهم


واحل عليهم اللعنة مش يبقى حرااااام ومش محتاجة اتاكد اني حاكم عادل او لأ لاني قولت مش هاحكم من اساسه


ايه اللى بيبوظ الحكام .. نفسهم ؟ ولا الشعب ؟ ولا الحاشية المقربة ؟؟



الحكام ربنا يهديهم هداية من عنده طبعا كل دا اولا نفسهم وطمعها فى الدنيا ونعيمها


ثانيا الشعب بضعفه واستسلامه للي بيحصل والسلبية اللي خلاص بقت نمط حياتهم العادي


وثالثا الحاشية المقربة بنفاقها وحبها للدنيا



مين أكتر اعلامى مصرى بتحترمه ؟

والله ايام ماكنت بتابع الاعلام ماكنتش بشوف حد يحترم او لو كان فيه حد يحترم ماكنش بيبان كالعادة



ودلوقتي لله الحمد عايشة فى حالة جهل اعلامي ربنا يديمها عليا يارب ويحفظها من الزوال لكن مايمنعش اني



بسمع عن ناس كتير كويسين لكن انا شخصيا ماعرفهمش ولذلك ماقدرش اذكر حد معين



قريت ديوان "........." صاحب بلوج ".........." عن دار "......." ولا لسة ؟؟



لو كنت قريت ايه اللي هايحصل؟ ولو لسه ايه اللي هايحصل؟اعرف وبعدين اجاوب وبالمره اعرف النقط دي



كان فيها ايه اكيد مش فيل يعني مش عارفة ايه التاجات دي اموت واعرف اللي اخترعها



لو ممكن تشتغل شغلانة تانية كنت تتمنى تبقى ايه ؟؟


هو انا لسه ماشتغلتش بعد التمهيدي ان شاء الله لكن لو هاتمنى


شغلانه غير اللي هاشتغلها ان شاء الله اتمنى اني اكون عامله فى

دار مسنين وعامله مش مشرفة ولا مديرة حتى لو انا اللي عاملة الدار دي


علشان اخد بالي من النزلاء واقضيلهم كل طلباتهم

وكمان اقضي معاهم اكتر وقت ممكن ماتتخيلوش بحب السيدات كبار


السن قد ايه ومرتبطه بيهم لدرجة اني احيانا بفكر زيهم


ايه تانى بلد تتمنى تعيش فيها بعد مصر ؟؟


دولة تانية يعني.؟ لا انا لا أرضى بغير مصر بديل وماتمنيتش اني اعيش


فى غيرها ابدا ولو حصل هايكون غصب عني اكيد



اوصف ترتيبات اجمل فرح ممكن تحضره ؟



امممممممم ماليش انا فى نظام الافراح ده حتى الاسلامي دانا حتى اصحابي بروحلهم فى اليوم اللي قبل الفرح



اللي بيسمه الحنة وماعرفش ليه برضه بيسمه كدا. بسجل حضور وامشي على طول حتى فرح اخويا قرب


ومش عارفة هاحضره ازاي دانا بفكر ماحضرش فرحي دا اذا وافقت على مبدء الزواج من اساسه وقالولي هانعملك فرح


وبعدين مش فاهمه يعني هي الناس عايزة ايه بعد الموضوع


ما تمم بخير زي مابيقولوا مايعرفوش يفرحوا يعني غير بهيصة

وكلام من دا طبعا بعد الكلام دا كله عرفته اني ماينفعش اقولكم على ترتيبات اي فرح انا لغيت الفكرة


نهائي اصلا. وعجبتني اوي اجابة الاستاذ عصفور




بتراعى كلام الناس والقيل والقال ؟؟ ولو اه او لا قول ليه ؟



لا طبعا وبالثلث كمان لان ببساطة لو اه يبقى عمري ماهمشي بما يرضي الله ابداااااا



وبعدين كل انسان بصير على حالة وعارف كويس ان ربنا مطلع عليه اولى بقى اننا نركز فى


علاقتنا بربنا ونسيبنا من البني ادمين اللي زينا واللي منهم شياطين الانس اللي عايزة تبعدنا عن الطريق الصحيح



صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟



هما الناس فى الوقت دا ماكنوش سعدا يبقى ليه انا ماكنش سعيدة يعني

.وبعدين صعب اوي نربط بين سعادتنا وبين اشياء

صحيح ليها اهميتها لكن مش لدرجة انها تقيم حياه او تهدمها دي

كلها كماليات زايدة ونعم ربنا هايحاسبنا عليها اكيد




السعادة هى ..؟



قيل للسعادة اين تسكنين؟...................................قالت فى قلوب الراضين



قيل فبما تتغذين؟.......................................قالت من قوة ايمانهم



قيل بما تدومين؟.......................................قالت بحسن تدبيرهم



قيل فبما تستجلبين؟..............قالت ان تعلم النفس ان لن يصيبها الا ماكتب الله لها



قيل فبما ترحلين؟................قالت بالطمع بعد القناعة



وبالحرص بعد السماحة وبالهم بعد السرور وبالشك بعد اليقين





عندك أمل ؟ اسبابك ؟


وليه لأ الحمد لله الامل فى الله كبير بس فعلا زي ماقال الاستاذ عصفور فى حاجات لابد وان ينقطع فيها


الامل او بمعنى اصح مانضيع وقت فى التعلق بيها



لما بتحب تهرب من كل شئ بتروح فين ؟؟


والله هو غالبا انا بقعد لوحدي وفى الاوقات دي بقفل على نفسي غرفتي وافضل اكلم نفسي شوية وبعدين


علشان انسى اي شىء ممكن اجبر نفسي على حاجة معينة اعملها بتكون طاعة يعني الحمد لله بس بقالي فترة كدا


ليه صديقة قريبة مني اوي عمرها حوالي 8 شهور كدا فى الأوقات دي بروح اخدها من ماماتها والست مابتصدق الحمد لله


وافضل اتكلم معاها والاعبها وهي تفضل تضحكلي وطول ماهي بتضحكلي


انا بنسى كل حاجة ونفضل على الحال دا لحد ماتنام مني




امتى اول مرة خدت فيها نفس طويل وقلت ياااه انا فعلا كبرت ؟؟


والله انا محسيتش بالموضوع دا غير لما بدءت احس بالمشاكل اللي حواليا


وللاسف كان فيه مشاكل يعني اكبر من سني اوي


بس الحمد لله كل شىء بيعدي وكمان بحس اني كبرت لما حد اكبر مني


ييجي ياخد راي فى اي موضوع مهم لكن رغم كل دا الناس مش محسساني بكدا


ابدا حتى فى البيت دا اخويا كل ماعدي من جنبه فى البيت يقولي


اركني على جنب ياشاطرة حتى لما يشوفني خارجة يقولي اوعى تمشي فى وسط الناس


احسن حد يفتكرك لقمة يركنك على جنب ولما يكون بيعمل


شغل على الاب توب احب اروح اتفرج عليه يقولي امشي ياماما


اللعبي بعيد اروح اشتكي لماما وقولها شايفة احمد بيقولي ايه


تقوله ليه بس تقول لاخت كدا معلش ياحبيبتي ماتزعليش تعالي اللعبي جنبي هنا


.دا حتى الناس الغريبة مش بتصدق اننا خلصت الكليه وبحضر دراسات عليا كمان


بالزمة حد يتعامل المعامله دي ويحس انه كبر مش عارفة ايه الظلم دا



بتشرب سجاير ؟؟ وايه شعورك اما ست او راجل بيشرب سجاير ؟ ليه ؟


امممممممم ليه كدا طيب انا هابدء من الجزء التاني فى السؤال والله شعوري


بيكون شفقة على حالهم وخصوصا لو ست


وهي بكدا اصلا خرجت عن كونها ست من اساسه ومش هاتكلم فى النقطة


دي كتير وبالنسبة للرجال انا بقى بعتبر


التدخين دا اكبر دليل على ضعف شخصيتهم لان اللي يسيب مجرد شىء


زي السيجارة تتحكم فيه يبقى غير قادر على انه يتحكم فى


اي امر والواحد ليه كذا موقف مع المدخنين ربنا يهديهم خصوصا فى المواصلات


وانا للاسف مريت بفترة صعبة


وكنت بنزل القاهرة للمتابعة ولما والدتي او اخويا كانوا بيبقوا


معايا كانوا بيعرفوا يتصرفوا فعلا لاننا اي دخان


ممكن ينزل نسبة الهيموجلوبين فى الدم عندي بسرعة غريبة


لكن لما اكون لوحدي انا من النوع اللي استحاله ادخل فى حوار مع اي حد غريب


وخاصة الرجال بس اخر مره حصل معايا فيها موقف زي كدا


كنا اليوم اللي قبل رمضان على طول


وكنت نازلة القاهرة ولوحدي فافيه رجل وكبير فى السن مالقاش غير المكان


اللي جنبي يقعد فيه واول ماقعد قال بس انا كدا مش هاينفع ادخن


انا عارف الحريم طبعا انا كان المفروض فعلا اقوله يطلع مكان تاني لان


اننا فعلا مش هاستحمل الدخان بس سكت وياريتني ماسكت


اول مالعربية طلعت لقيته بيطلع السجاير طبعا لو سيبته انا لوحدي يعني لو


حصلي حاجة مش هلاقي حد يساعدني فاقولت بصوت غير مسموع


لو سمحت السجاير بتتعبني طبعا ماسمعش عليت صوتي شويه لقيت


الراجل بصلي وماتعرفوش الصوت دا طلع منين قنبله انفجرت فى


وشي (ماهو دا اللي قولنا عليه من الصبح انا قولت ماقعدش جنب حريم علشان كدا


عارفين انتوا الصعايدة لما بيتعصبوا .تعرفوا


لو الشباك اللي جنبي كان مفتوح كان زماني بره العربية من الخضة


وانا بخاف فعلا يعني اي حد يزعق فيا ممكن اعيط فيها .الناس طبعا فضلت تهدي فيه


دا على اساس انه انهار ياعيني وانا فضلت طول الطريق ادعي


ربنا يهديه وعندنا المسافة من بلدنا للقاهرة حوالي ساعتين ونص بحاول استغلهم


فى الدعاء بما ان دعاء المسافر مستجاب وفجأة سمعته بيقول يلا اكننا النهاردة اول يوم رمضان


قولت ياااااااااااه اخيرا افتكرت ربنا يهديك ياولدي وفضلت الطريق كله ادعيله هو بس


بيني ويبنكم كان خوف والله مش اكتر


وتشوفهم بقى عند اي كمين كلوا يطفي السيجارة كلوا يطفي السيجارة


خايفين على عشرة جنيه غرامه ومش خايفين على صحتهم


تعرفوا انا بتمنى ان اي مدخن عايز يتجوز مايلاقيش اللي توافق عليه


علشان يعرف ان الموضوع دا مش هايدمروا صحيا بس لا اجتماعيا كمان


واقتصاديا ودينيا فعلا ربنا يهديهم ويصلح حالهم معلش


رغيت فى السؤال دا كتير بس بجد بعاني منه تقريبا يوميا


بتعرف ايدك اليمين من الشمال ازاى ؟؟


سبحان الله ايدي اليمين بحس انها بتتحرك من غير اشارة من المخ


لكن الشمال لكعية لازم المخ يزقها باشارة علشان تتحرك


الا ايه الاسئلة الغريبة دي؟



ايه اكتر الة موسيقية بتحبها ؟


الحمد لله مفيش ومش بسمع اصلا لا موسيقى ولا غناء حتى بفضل الاناشيد اللي بدون معازف



فى رأيك ليه الذوق والنخوة اتعدموا ؟


لا هما ماتعدموش هما ممكن يكونوا قلوا لانهم لو اتمنعوا يبقى هانعيش فى


غابة بمعنى الكلمه ربنا بس يحافظلنا على الشويه اللي فاضلين


ايه الحاجة اللى لو حصلت لك حتبقى سعيد اوى ؟


طيب هاستأذنكم احتفظ بالاجابة لنفسي



تحب يبقى عندك ارض زراعية ولااجنس عربيات ولاكام عمارة ولافلوس فى البنك ؟


ولا حاجة من دول الحمد لله على نعمة الفقر ربي احييني فقيرة وامتني فقيرة


دي كلها نعم هانتحاسب عليها وكشف الحساب مش ناقص الحاجات دي



البحر ولا النيل ؟


لا انا بخاف من الميه عامتا بس ماتقولوش لحد



مركب ولا طيارة ؟


لا دا ولا دا لو فيه جمل وهودج زي زمااااااااااااان ياريت



مجنون ولا عاقل ؟


اممممممم انتوا شايفين اييييييه؟ انا شايفة ان الاتنين عندي شغلين كويس اوي بس ربنا مايوريكم

تأثير الاولنيه بيكون ازاي لي تصرفات لاتوصف بغير انها تصرفات جنان فعلا بس ماتقلقوش فى الغالب يعني عاقلة



تقرا كتاب ولا تتفرج على فيلم ؟


طبعا كتاب هو انت ممكن تلاقي كل اللي فى الكتب فى افلام؟ لا طبعا ممكن العكس كل اللي هاتلاقيه فى الافلام


ممكن ببساطة تلاقيه فى كتب دا على الافلام اللي ليها فكرة وموضوع وبعدين انا نسيت اختراع المفسيديون من


زمااااااااااااااان


تمرر التاج ده لمين ؟

انا اللي هامرر برضه شكل الناس كلها اتمررت خلاص بالتاج دا اصدي اتمررلهم يعني بس ممكن

امرره لبنت ابيها ظبط دماغك معلش بلدياتي بقى ومين تاااااااااني
ولاميرة محمد محمد صاحبة اساطير الخريف

ولنور ظل قلم ولحياة الاحلام واي حد بقى لسه ماداقش المر دا يتفضل يدوق


معلش طولت عليكم علشان تحرموا تبعتولي تاجات تاني انا بقولكم اهو




  • Digg
  • Del.icio.us
  • StumbleUpon
  • Reddit
  • RSS

لمن أراااااااد الفوز بعد رمضان



صيام مابعد رمضان صيام النفس عن الاثام
فمن صام عن شهوته فى الدنيا ادركها غدا فى الاخرة


ومن صام عما سوى الله فعيده يوم يلقاه


(ا(من كان يرجوا لقاء الله فان اجل الله لات


العنكبوت الايه 5


فالصبر الصبر.....والبذل البذل......والتعب التعب


والجزاء من جنس العمل فقد بشرنا الله بان





كل ذلك فى الجنة التي


ظلها ممدود.............لمن لايتعدى الحدود


عيشها مقيم.............لمن على اوامر الله يستقيم


بساتينها زاهرة................لمن له عين لله ساهرة


ماؤها مسكوب.................لمن بذكر الله احيا القلوب


قطوفها دانية.........لمن روحه لحب الصالحين دانية


فيها قاصرات الطرف فى الخيام....لمن قصر طرفه عن الاثام


فيها عينان تجريان.......لمن له اليوم عينان من خشية الله تجريان


لايسمع فيها لاغية........من صان سمعه فى دنياه عن السماع لغانية


فطوبى....لمن


جوع نفسه ليوم الشبع الاكبر


وطوبى....لمن


اظمأ نفسه ليوم الري الكامل


وطوبى....لمن


صبر عن شهوات زائلة ليسعد بنعيم جنات خالدة


والان لنضع نصب اعيننا جميعا هذه الدرر التي قالها ابن الجوزي


وننقشها فى اذهاننا ونعمل بها لكي نفوذ بالجنة ان شاء الله


فالنعيم لا يدرك بالنعيم ومن اثر الراحة فاتته الراحة


بحسب ركوب الاهوال واحتمال المشاق تكون الفرحة واللذة


فلا فرحة لمن لاهم له ولا لذة لمن لا صبر له


ولا نعيم لمن لا شقاء له ولا راحة لمن لاتعب له


فصبر ساعة خير من عذاب الابد واذا تعب العبد قليل


استراااااااااااااااااااح طويلا نسال الله لنا الراحة بعد تعب
ونسال الله ان نتغلب على شياطيننا

وان يثبتنا على الطاعة بعد رمضان
اللهم اااااااااااااامين

  • Digg
  • Del.icio.us
  • StumbleUpon
  • Reddit
  • RSS

عيييييييد وكله جديييييييييييد



كل سنة وانتوا طيبييييييييين رمضان خلاص خلصة ايامه


بس يارب ماتخلص من قلوبنا نفحاته ونفضل دايما


متمسكين بكل طاعاته وان شاء الله ربنا هايعينا على


الثبات وهايتقبل منا جميعا باذن الله طبعا انا بقالي


بوستين بتكلم معاكم بحزن وبعتذر على كده لكن


كان غصب عني ومش هانتكلم فى الموضوع ده


علشان احاول اخرج من الحالة دي معاكم المهم

مرة تانية عيد سعيد عليكم وان شاء الله ربنا

يحققلكم كل امانيكم وبقول لكل واحد فيكم



شوفوا بقى....... شوفواااااااااااااااااااااا بقى


طبعا ملاحظين التصميم الجديد بتاع المدونة


انا قولت اشمعنا انا اجيب لبس جديد


هي المدونة دي مش جزء مني يبقى لاااااااااازم


اعملها تصميم جديد والحقيقة بجهز فيه من زمااااان


وربنا يخليلي حبيبة قلبي بنت ابيها ومايحرمني

من تصميماتها ابداااا طبعا انا غلبتها معايا


وكنت مختاره تصميم قبل كده وهي عملتلي بانر ليه


بس جيت احطه قبل كده التصميم راسه والف سيف

ماينزلش وسبحانه الله التصميم ده كنت مختاراه الاول


بس اترددت احطه علشان السيد بار شمال وكمان

خفت تقولوا عليه اطفالي وهو علشان كده شدني


وبعدين فيه ناس كتيييييييير بتقول اني لسه طفلة واني


كبرت غلطة وهو الحقيقة عندهم حق بس انا طفلة من


جوايا بس لكن والله انا كبيرة وشاطرة واحيانا


بتطلع مني افكار ارهابية خطيرة بس كلها فى


الخير لحد دلوقتي وان شاء الله تفضل فى الخير على طول


على فكرة محدش يتعب نفسه ويحاول انه


يبلغ عني امال الحارس اللي على باب

المدونة بيعمل ايه بس ماتقلقوش ده جاي علشاني

اصلهم بيعزوني اوي من ايام الكليه رغم


ان عمري ماحتكيت بيهم احتكاك مباشر


سيبكم من الموضوع ده ابقى اقولكم عليه بعدين


عايزة اقولكم على حاجة بقى ياريت بعد


ماتقولولي كل سنة وانا طيبة تقولوا للمدونة


مبروك التصميم الجديد ومفيش ماااااااانع ان


اللي مش عاجبه التصميم يقول ....يعمل ايييييه؟


يقوووووووووووووووووووووووووووول


ماتخلوش فى نفسكم حاجة واللي مش


عاجبه الموضوعات كمان يقول واللي

مش عاجبة صاحبة المدونة كماااااااااااااان


يقول المهم ماتخلوش فى نفسكم حاجة


هو احنا هايجينا اعز منكم بس ياربت بقى


اللي مش عاجبه التصميم يسيب غيره قبل


ما يمشي ويارت كمان بانر فوقيه هدية واللي مش


عاجبة الموضوعات يقترح غيرها الحكاية مش بالساهل


كده انا احب التعاون خصوصا لحد غلبااااااان زيي


اما بقى اللي مش عاجبه صاحبة المدونة يسيب


الموضوع ده عليا علشان مش عاجباني انا


كمان وبفكر من زماااااااااااان اغيرها


يالا بقى عيد وفرصه كله يعمل اللي فى نفسه

المهم فى الاخر ومرة تالتة بقول لكل الناس
وماتنسوش اللي اتفقنا عليه اوعى حد يقول انه فيه حاجة مش عجباه
انا حذرت .. وخلااااااااااااااااااااااااااااااااص

  • Digg
  • Del.icio.us
  • StumbleUpon
  • Reddit
  • RSS

كلمات تذكرتها


هذه الكلمات تذكرتها فى دعائي هذه الليلة

ولا اعلم لماذا هذه الكلمات ولكن اعتبرتها

رساله من ربي يزكرني بشيء ما ولكي

لا انساها ابداااا قررت ان اكتبها لعلكم

تنتفعوا بها وتعتبروها رسالة لكم ايضا


اما ان يامسكين ان تقلع عن هواك؟

اما ان لك ان ترجع الى باب مولاك؟

انسيت ماخولك واعطاك؟

اما خلقك وسواك؟

اما كشف عنك الكروب وبرزقه غذاك؟

اما الهمك الاسلام واليه هداك؟

اما قربك بفضله وادناك؟

اما بره في كل طرفة عين يغشاك؟

فقابلت ذلك بالغفلة وركوب الشهوات

والمبادرة بالخطايا والزلات

فتقضت عهده وعصيت امره؟

ودمت على الاصرار واطعت هواك وخالفت الجبار

اما ان لك ان تستحي ممن شاهدك على المعصية وراك؟

ومع هذا الحرمان والبعد عن مولاك

ان عدت اليه قبلك وارتضاك

وان لزمت خدمته قربك وادناك

اعتقد الرسالة لي كانت فى اخر سطر

اسل الله لكم جميعا ان تكونوا من المطيعين

غير العاصين وان نكون جميعا عند رب العالمين

من المقبولين ولا تنسوني من دعائكم


  • Digg
  • Del.icio.us
  • StumbleUpon
  • Reddit
  • RSS

سمعته يناااااااااادي



رمضان ينادي عباد الله


اني قد عزمت على الرحيل ولم يتبقى مني الا القليل


فمن كان منكم احسن فعليه بالتمام


ومن فرط فليختمه بالحسنى فالعمل ختام


فاغتنموا مني مابقى من الليالي اليسيرة والايام


واستودعوني عملا صالحا يشهد لكم به عند الملك العلام


وودعوني عند فراقي بأذكى تحية وسلام


سلام على الرحمن كل أوان على خير شهر قد مضى وزمان


سلام على شهر الصيام فأنه أمان من الرحمن كل أمان


لئن فنيت ايامك الغر بغتة فما الحزن من قلبي عليك بفان



ووقفت أناديه وأناجيه وعيناي تذرف بالدموع






ياشهر رمضان ترفق


دموع المحبين تدفق


قلوبهم من ألم الفراق تشقق


عسى وقفة للوداع تطفىء من نور الشوق ماتحرق


عسى ساعة توبة وأقلاع ترفوا من ثوب الصيام ماتخرق


عسى منقطع عن ركب الصالحين يلحق


عسى اسير الاوزار يطلق عسى من استوجب النار يعتق


عسى وعسى من قبل وقت التفرق الى كل مانرجوا من الخير نلتقي


فيجبر مكسور ويقبل تائب ويعتق خطاء وسعد من شقى



وقال وهو يهم بالرحيل


ولكن هذه سنة الحياة فلابد لكل لقاء من فراق


ولابد بعد كل اجتماع من وداع فوداعا أيها الصائمون حقا


ويا شباب الاسلام ويا فتيات الاسلام


أخشى ان ازوركم العام القادم وقد رحلتم عن الحياة


(فاغتنموا كل ماتملكون)


أو ان اجدكم على نفس الحال التي تركتكم عليها


ان لم تزيدوا فلا تنقصوا (ولا تكونوا كالتي نقضت غزلها من بعد قوة انكاثا) يا


من عرفتم لذة حب الله لا تحرموها ... سلكتم الطريق فلا ترجعوا


أستمروا في طريق الله لعل الله يبني بكم أمة تقود العالم من جديد


ملحوووووووظة بعض هذه الكلمات ليست كلماتي ولكن نظرا لاني دائما اجد صعوبة


فى التعبير عن مابداخلي فى كلمات فاعندما فرات هذه الكلمات وجدتها اكثر


تعبيرا عن ماأمر به هذه الايام وأسال الا تكون حالة الحزن هذه والتي بدءت


منذ بداية الشهر وليس فى هذه الايام فقط الا تكون بسبب تقصير فى شىء ما لااعلمه


واسال الله للجميع ان يكونوا من المقبولين فى هذا الشهر وان نكون جميعا من عتقائه


وممن غفر لهم وان يدخلنا جميعا جنته بغير حساب ولا سابفة عذاب اللهم امين

  • Digg
  • Del.icio.us
  • StumbleUpon
  • Reddit
  • RSS

ماتنسووووووووووووووش


غدا بمشيئة الله الموافق 15 من شهر رمضان يوم الدعاء

لأخونا المعتقلين ربنا يفك أسرهم جميعا ويعيدهم

لنا ولأبنائهم وزويهم بخير وسلامة وهذا اليوم

كان اقتراح من الاخت صانعة الحرية

وكنت وعدتها بالاعلان عن الموعد ولكن
بعتذر عن التاخير فى الاعلان يعلم الله
بالظروف اللي نستني وبحمد ربنا اني افتكرت
والا كنت هاخد ذنب اخلاف وعدي لها
فالحمد لله على كل حال

طبعا نحن لن ننساهم من دعائنا يوميا ولكن هذا اليوم

سيكون مخصص لهم بالدعاء فى الصلاة والقيام

وفى كل وقت نسال الله ان يتقبل منكم جميعا

صالح الاعمال اللهم امين

  • Digg
  • Del.icio.us
  • StumbleUpon
  • Reddit
  • RSS

بعد المحايلة وباقي الحوار


الاول كل سنة وانتوا طيبين ومن ربكم قريبين وفى الجنة ساكنين ان شاء الله

واكملكم الحوار

انا يارمضان عدا اكتر من يومين وانا وبالنيابة عن كل المدونين عليك كده متحايلين كفاية ده انت كريم

قالي كفاية اديكي قولتيها شوفي عدا مني كام شهر وعرفتكم فيه وانتوا طول الليل والنهار نايمين

او ادام الافلام والمسلسلات مستسلمين وفيكم شوية دايما جاعنيين واللي حتى فى التراويح مش منتظمين

ومن التاريخ كمان مش مستفيدين وللقران مش خاتمين وحتى للصدقة مش فاكرين ولحق ربهم ناسيين

الله يكون فى عونكم هاتفتكروا ميييين ولا ميييين ده فيه ناس حتى للصيام مش مؤديين

قولتله لأ لأ يارمضان ده احنا عن الطعام والشراب ممتنعين وبكده احنا اكيد صايمين

قالي ماهو ده عيبكم وانا مش هاتعبكم وهدلكم على اللي يريح قلوبكم ويصحح صومكم والمشكلة انكم

مفهمتوش يعني ايه رمضان وازاي تخرج منه كسبان واناوانا هاقولكم يعي ايه رمضان.....

رمضان زي ماقال عليه الرحمن (ولتكبروا الله على ماهداكم ولعلكم تشكرون) يعني هدية متقدمالكم

وانتوا مش حاسين بقيمة الهدى الميسر فى الايام دي.. ابواب الجنة مفتحة وابواب النارمغلقة

والشياطين مصفدة يعني اعدائك متسلسلين ولا انتوا على نفسكم حتى مش قادرين

وعند كل واحد فيكم فرصة كمان فى رمضان انه يبني شخصيته ويظهر قوته

..اقدر على نفسك ومن قدر على نفسه كان على غيره اقدر خليها بالنهار صيام وباليل قرأن

خليها زي ماقال خير الانام( الصيام والقرأن يشفعان للعبد يوم القيامة ..يقول الصيام اي ربي منعته الطعام والشهوة فشفعني فيه ..ويقوي القرأنرب منعته النوم باليل فشفعني فيه ..قال فيشفعان) عود نفسك فى رمضان روض نفسك فى رمضان وانا بقى هاقولك على معلومة تهمك انت تعرف ان علماء النفس اثبتوا ان فى حاجة اسمها

البرمجة النفسية ودي بقى معناها ان انت تقدر تبطل او تعود نفسك على اي عادة

بمجرد تكرارها من 6_26 مرة متتالية

قولتله وايه علاقت ده بيك يارمضان..باين عليك سهرااان

قالي ده انا ايامي من 29 ل30 يوم يعني كفاية جداااا لتغيير حياتكم كلها وكل ده ارضاء للرحمن

وتأكد انك مع الرحمن استحالة تكون خسران

وكل مايكون همك وراء عمل اي حاجة تهمك هو ارضاء لله تعالى يبقى انت كده حققت

معنى (الاخلاص) وهو ده اللي فقدتوه خلاص ولوخرجت بيه من رمضان يبقى انت كده اكيد كسبان

ولما تحس دايما ان ربنا معاك ومطلع عليك هتلاقي فى حياتك شغل بأتقان واخلاقك هاتبقى تمام

وهتبقى اخر روقان يعني مطيعين ومستسلمين لله دون جدال مش تلاقى دلوقتي

واحده بتصوم رمضان من غير ماتسال ليه الوقت او الشهر او الكيفيه دي بدءت

وتيجي عند الحجاب والصلاه والاختلاط تقولك اقنعني والجداااال شغااااااااال

مع ان اللي شرع وامر بصيام رمضان هو اللي امر بباقى الاحكام

قولتله ياااااه معقول يارمضان يعني الرحمن يميزنا بيك عن كل الانام ونبقى زي اشرهم

ويتقالنا اللي اتقلهم (افتؤمنون ببعض الكتاب وتكفرون ببعض)يااااه يارمضان ده انت طلعت شهر عظيم ده احنا كمان فيك بنبقى متوحدين وبالاخوه حاسين فعلا شهر صيام وقرأن وصدقة................بس ماتكمليش

قالي ماتكمليش ده انا عارف كل حاجة هو انتوا مش عارفين

قولتله لااااا احنا عارفين بس عليك مخبيين هو انت عرفت منيييييين

قالي العصفورة ....عصفورة المدونيين قالتلي وانتوا نايميييييييين

قولتله قولي بسرعة قالتلك ايه يارمضان

قالي ...قالتلي ان 375 الف عامل فلسطيني مشردين ملقوش اللي يساندهم

ولا حتى باللي فى ايدهم لا بالدعاء ولا بالمقاطعة مساهمين

قالتلي .ان 20 مليون مسلم فى اندونسيا وضعفهم بالظبط فى افريقيا استنصروا

علشان ملاقوش اللي يسد حاجتهم

قالتلي ان 600 مليون نسخة من انجيل اتوزعت فى افريقيا مجانا وفى عام واحد

واحنا حتى على حمل المصحف مش قادرين اما بالنسبة لحفظه ولا حتى تلاوته هاجرييييييين

قالتلى ان دعاة الباطل مسنودين وان انتوا دعاة الحق دايما متخليين وانكم دايما محبطين ويأسين

قالتلي كمان على عدد المبشرين(دعاة النصرانية والمسيحية) فى افريقيا

وانه وصل عددهم 20 الف مبشر 1040مستشفى 10600مدرسة

ده غير490 معهد لتربية المبشرين وانتوا نايميييين وفى السينما والمسارح ومع البنات

وعلى النت وفى اختراع الخيم ال ايه الرمضانيه فلوسكم واوقاتكم وطاقتكم مضيعين

وعرفت ان ايرادات الفيلم الواحد ممكن توصل ل40 مليون جنيه وان معظمكم علشان فيلم

ولا شريط لواحد من الهابطين بالعشرة وبالعشرين دافعين لكن عند فلسطين عند تبرع للمحتاجين

ماشاء الله عليكم دايما قايلين طعاطفك لوحده كفاية

ويوم ماتشدوا حيلكم اتبرع ولو بجنيه والله انا خايف احسدكم

يعني الله يكون فى عونكم وربنا يعينكم وفى النهاية اللخص و

كل اللي اقدر اقولهولكم اوعوا تكونوا من اللي قولت عليهم محبطين

ولازم تبقوا للواقع مدركين وبأديكم ليهم مغيرين وللي اتعلمتوه مني منفذين

وتكونوا على اخوتكم حريصين وعلى اللي بيدور فى بلادكم عارفين

وقبل ده كله لرضا الله تعالى وجناته مشتاقين وباذن الله وفضله لاهل الجنه منتميييين

واشوفكم على خير وكل رمضان وانتوا طيبيين

تحزيييييييييير خلوا بالكم من عصفورة المدونيين واعرفوا ان كلكم متراقبين

واي حاجة هاتوصلني واللي هايوصلني هو اللي هابلغوا لربنا لما يسالني عنكم

وعايز كل واحد فيكم كل يوم يقولي يارمضان اذكرني عند ربك ويشوف انا ممكن اذكره بايه

بالخيييييير والااااااا بالخيييييير الكثير

دي كانت نهاية الحوار اخر حاجة هاقولها لحضراتكم اني للاسف مش عارفة هاقدر اتابع

خلال هذا الشهر ولا لا

العام الماضى ماكنتش فى حياتي المدونات وفاكرة اني كنت ببقى محتاجة 24 ساعة زيادة

علشان اقدر اعمل كل اللي انا عايزاه خلال اليوم

بس اوعدكم لو قدرت فى اي وقت اتابع ان شاء الله هاتابع ولو ماقدرتش ياريت تسامحوني

ولي رجااااااااااااااااااااااااااء اخير

ياريت تدعولي كتيييييير ادعولي بالشفاء لاني تعبانة بجد ولاول مره بشتكي او اقول حاجة زي كده

بس اديني قولت

وادعولي علشان عندي مسابقة قران وعايزة ربنا يوفقني فيها


وادعوا للبنانيت بتوعي الصغنتتين علشان هما كمان عندهم مسابقة


وادعوا للفريق بتاعي بتاع الكليه ربنا يعينهم بعد الايحة الطلابية الجديدة


وكل اللي يقدر على دعاء يدعي بيه ولكم مثله ان شاء الله


اراكم على خير دائما واسال الله ان يحفظ الجميع من كل سوء

  • Digg
  • Del.icio.us
  • StumbleUpon
  • Reddit
  • RSS

حوار مع رمضان


قبل ماقولكم الحوار وبعد السلام عليكم عايزة الاول اهنيكم بمناسبة ضيف كريم هايحل عليكم

بمناسبة 30 يوم لازم يساعدوكم ا وفى حياتكم هايفيدوكم ومن ربنا ها يقربوكم

طبعا هايعدي اول اسبوع وهايعدي الشهر كله بس لازم تعرفوا ان الشهور مش بعدد ايامها

والايام مش بعدد ساعتها .عامة وعلى كل حال انا كنت قاعدة كده من كام يوم فى وقت السحر

يعني بعد القيام ومنتظرة اذان الفجر كنت بتذكر رمضان وهايكون فيه ايه هذا العام

وبعدين سالت نفسي سؤال هو ليه واحنا صغيرين كنا بنبقى فرحنين برمضان

على الرغم من اننا مش فاهمين ومش عارفين فضل هذا الشهر الكريم

لكن براءة قلوبنا هي اللي كانت بتحسسنا بحلاوته لكن لما كبرنا والمعاصي والذنوب

ذادت فى قلوبنا كل ده جوه القلب خلاه مش عارف يحس برمضان قلت فى نفسي يااااااااه

كفايه ان رمضان هيدخل على احزان فى قلوب المسلمين هيدخل علينا واحنا متفرقين

واحنا مشتتين ومن غير اهداف عايشين هيدخل على دماء فى فلسطين

والعراق وافغانستان وكشمير والشيشان واندونيسيا والبلقان و.........كفاية وحسيت وكاني سمعت صوت

رمضان.. بيقولي كفاية كفاية ياس واحباط خلي عندك امل انا هادخل على كل ده وهاخرج ومعايا كل ده

قولتله.. ازاي يارمضان انت مش فاكر مش فاكر اول رمضان صامه المسلمين كان فيه انتصار

غزوة بدر الكبرى (يوم الفرقان) واحنا دلوقتي خليناك شهر كله انهزامات

مش فاكر دخول الرسول صلى الله عليه وسلم فيك مكه منتصر بعد 8 اعوام من طرده

وغزوة تبوك اللي المسلمين مشوا فيها الاف الاميال على اقدامهم فى الحر الساخن

وفيه ناس دلوقتي مش قادرين يوقفوا ساعة بين ايدين ربهم فى صلاة التراويح

فاكر لما المثني بن حارثة فى معركة البويب الفاصلة قال لجنوده (لا تفضحوا

العرب اليوم فاعتدلوا ويامعشر المسلمين عادتكم ان تنصروا الله ينصركم) لكن

احنا فضحنا المسلمين وخذلنا المجاهدين وعلى المقاطعة مش قادرين وتصور

حتى فى الدعاء فيه ناس مقصرين

فاكر لما 12 الف مسلم فتحوا اسبانيا ومليار و300 الف مسلم مش عارفين

يحرروا الاقصى

فاكر كيف انطلقت صيحة مسلمة ابيه كشف الروم عورتها وقام فى سبيلها جيش المعتصم

واحنا دلوقتي الامر بقى بمازجنا ولا حول ولا قوة الا بالله واقولك وبكل اسى ان 50 الف

مسلمة اغتصبت فى كوسوفو وزيهم فى البوسنا والشيشان

فاكر انتصار قطز على التتار وفاكر كيف فتح السلطان العثماني(سليمان القانوني) بلاد

المجر ورومانيا وبلغاريا ودول البلقان وازاي احنا ضاعت مننا كل البلاد دي

وبمجازر وحشية لم يشهد لها التاريخ مثيل لا وكمان مشغولين بالموضة والتقليد الغربي الاعمى


استنى استنى فاكر انتصار اكتوبر وفاكر صيحة الله اكبر واحنا وبكل شياكة حطينا ايدنا

فى ادياهم قال ايه بحجة السلام السلام اللي استبيح به دماءنا واحنا بنتفرج من غير

مانعمل اي حاجة ان شا الله حتى دعاء ولا مقاطعة

مش هو ده نفس الكلام اللي هاتقولوا لربنا يارمضان لما يسالك عنا

قالي.. ايه كل ده مين قالك اني هاقول كل ده انا هقول كانوا كده وتابوا

وحرروا ارضهم وجددوا مجدهم فيا فى رمضان

قولتله.. ازاي بس واحنا غيرناك وبدلناك وظبطناك على الاخر

قالي.. لو سمحتي انتوا اللي اتغيرتوا انا ماتغيرتش عن اول مره جيتلكم فيها

قولتلوا.. خلاص يارمضان علشان خاطري قولي ازاي اديلك حقك

قالي..مش هقولك

قولتله..كمان مره علشان خاطري

قالي..خلاص اتحايلي عليا شوية لحد المره الجايه

خلاص بقى ياجماعة اكملكم المرة الجايه اكون انا اتحايلت عليه شويه

طلعت نفسه عزيزة على الاخر مش زينا علشان مصالحنا عدونا ممكن يبقى حبيبنا

  • Digg
  • Del.icio.us
  • StumbleUpon
  • Reddit
  • RSS