RSS

حاجة عجيبة خااااااالص



فى يوم كنت ماشي فى الشارع والدنيا زحمة خالص


لقيتها واقفة زي الملاك ولفتت انتباهي خالص


ومش عارفة تعدي الشارع وماحدش بيساعدها خالص


قولت ياواد روح ساعدها وعديها تلفت انتباها خالص


وشوية والكلام خدنا واتعرفنا على بعض خالص


وفى اسبوعين كنت مدهول وقولتلها انا معجب بيكي خالص


قالتلي روح كلم بابا وانا موافقة خالص


وروحت لابوها وفى شهرين كان الموضوع خلص خالص


واتجوزنا وقضينا شهر عسل حلووووو خالص


وفى اليوم الواحد وتلاتين الموضوع ابتدا يقلب خالص


كل يوم مشاكل واهلها بييجو والبيت بئا زحمة خالص


فات كام سنة وجبنا عيلين مش بيبطلو عياط خالص


وامهم مشغولة بصحابها وسيباهم ومش مهتمة بيهم خالص


طب وبعدين اسيب الشغل واقعد اغير للعيال اللي مبللاني خالص؟


ولا اجيبلهم دادا وتخلصلي على المرتب خالص؟


كام سنة والعيال كبرو ومصاريفهم ذادت خالص


اشي دروس واشي ملازم وحاجات كتير خالص


اعمل ايه بس ياربي وامهم مش بتبطل مصاريف خالص


شوية عند الخياطة وشوية عند الكوافير ولا بحسلها بتغيير خالص


فييين الي خطفتني بسحرها من كام سنة وشحورتني خالص


وبقيت اقوول ياريتني مامشيت فى الشارع يومها خالص


او كانت خبطتني عربية ولا كنت شوفتها ولا روحتلها خالص


انتــــــــــــــــــــــــــــــهــــــــــــــــــــــــــــــــــــــــــــى


انا كتبت الحكاية دي علشان الفترة دي انا تعبت خالص





الدنيا مالها كدا حالها اتشقلب خاااااااالص


اه والله مريت بتجربة عجيبة غريبة مريبة خالص


ربنا يقدرني واقدر احكيها لاني محتاجة لرئي ناس منكم خالص


لاني للاسف معنديش اي خبرة ولا هايبقى عندي ان شاء الله خالص


بس تقولو ايه هي الدنيا دي كدا اللي بيحاول يمشي صح فيها لازم يتعب خالص


بس على ميييييييييين يارب ثبتنا وارزقنا الاخلاص وابعد عنا الناس اللي معندهاش


حياااااء خالص .. بس كدا احسن انا متغاظة خااااااااااااااااااااااااااالص


اه صحيح اعذروني على قلة االزيارات والتعليقات بس بجد محتاسة الفترة دي خالص


ادعولي معاكم بئا وادعو لشباب اليومين دول ربنا يهديهم ويصلح حالهم


خاااااااااااااااااااالص كنت هنساها :)

  • Digg
  • Del.icio.us
  • StumbleUpon
  • Reddit
  • RSS

فكرو معانا



اولا بقول للناس اللي عزتني فى وفاة خالي جزاكم الله خيرا

وثانيا بقول لاي حد دخل المدونة ولقاها مقفولة معذرة

بس حقيقي لا كنت قادرة اكتب ولا اعلق ولا افكر ولا اتابع

فاعزروني والحمد لله على كل حال




نرجع لموضوعنا يلا فكرو معانا

حملة حبا فى رسول الله هاتشارك فى تنظيم حفل

الحفل دا لاطفال من زوي الاحتياجات الخاصة

عايزين نعملهم احلى يوم ان شاء الله فايلا همتكم معانا

اي حد عنده اي فكرة او اي اقتراح او اي حد يفيدنا

فى كيفية التعامل معاهم ياريت ماتبخلوش علينا

وان شاء الله فى ميزان حسناتكم

تقدرو تبعتو على ميل المدونة اوفى التعليقات

زي ماتحبه المهم ان شاء الله تشاركو معانا علشان

نحاول ندخل السرور على قلوبهم فى اليوم دا

وبجد هايكون احساس جمييييييييل اوي ليهم ولينا احنا كمان



ومرة تانية بعتذر على قفل المدونة الكام يوم اللي فاته

ولا تنسونا من صالح دعائكم




  • Digg
  • Del.icio.us
  • StumbleUpon
  • Reddit
  • RSS

متاخرة شوية ..معلش



كل عام وانتم جميعا من الله اقرب ..متاخرة شوية معلش


انتو الكبار بردو وهاتعذروني طبعا . استنو اصالحكم اصل انا جاتلي

عدية كبيرة اوي وقولت ماينفعش حتى تبقى انانية لو ماشركتكمش فيها





شوفتو معزة (بتشديد الدال طبعا ) اكتر من كدا يلا بئا كله لله

يلا كفاية عليكم كدا احسن انا اليومين دول حالتي صعبة على الاخر


محدش يسال ليه وفين وازاي وعلشان ايه وكان ايه اللي حصل


مالكم بتسالو كتير كدا


اشحال لو مكنتوش لسه مقاسميني فى العيدية بتاعتي


طبعا عاشقة الفرودس مش هاتفتن عليا وتقول لحد انا فعلا اخدت


اد ايه عيدية كلام فى سركم يعني بردو وماتقولوش لحد انا كمان


اتبعتلي عيدية من خارج البلااااااد بس ماينفعش اقسمها مع حد


انا هاشيلها لوقت زنقة حد فيكم يحتاج لاي حاجة فى اي وقت عارفني طبعا حونينة


انا بقول كفاية عليكم كدا فعلا علشان لو فتحت هاقول


حاجات كتير اوي بقالي فترة كاتماها وساكتة يلا
دعاااااااااوتكمممممم



  • Digg
  • Del.icio.us
  • StumbleUpon
  • Reddit
  • RSS

ياااااااارب استجب



السلام عليكم جميعا يارب تكون بخير حال

للاسف مش عارفة اقول ايه مليت الدرافت موضوعات

من اول الشهر وماقدرتش انزل ولا واحد لعله خير
الايام خلاص بتمر وتعدي هوا افتكرت البوست دا


من رمضان اللي فات سمعته ينااااااااادي نفس المشاعر بتتكر

لكن ياترى ايه الفايدة كدا كدا ايامه بتفوت وبتعدي زي الريح

وياترى فوزنا برحمة ربنا ولالا ؟ فوزنا بمغفرته ولالا ؟

هانكون من المعتوقين ولالا ؟ يارب اجعلنا منهم يارب اجعلنا منهم


ياااااااااااااااااااااااااااااااااااااارب اجعلنا منهم




يارب مازال لطف منك يشملني


وقد تجدد بي ماانت تعلمه


فاصرفه عني كما عودتني كرما


فمن سواك لعبد مثلي يرحمه

اتذكركم دوما فى دعائي اتمنى يارب الايام دي محدش ينساني


  • Digg
  • Del.icio.us
  • StumbleUpon
  • Reddit
  • RSS

ماكنش العشم


اه والله ماكنش العشم بنات افكاري تغيب كل دا ومحدش يسال عليها

ماكنش تعليقات وبوستات اللي بينا دي دا انا طيبة وماكنتش عايزة حاجة والله

يعني كيس جوافة بس حتى مش هاقول مانجا علشان غالية يلا انا مسامحاكم

بمناسبة التسامح اللي متكلمة عنه من شهر دا واللي ربنا يقدرنا عليه اللهم آمين


المهم غبت كتير اوي وطبعا لازم المدونة وكل حاجة توحشني اوي يلا الحمد لله

المهم بنغيب نغيب ونرجع الله المستعان وربنا يقدرنا بس ونقدر نستمر ان شاء الله


ااقولكم بئا انا غبت كل دا ليه اولا كدا لله الحمد مريت بفترة تعب ومازلت بحاول

الخروج منها والحمد لله على كل حال وثانيا انشغلت بمجموعة كورسات

وثالثا لي صديقة صاحبة معمل تحاليل كانت هاتتجوز عقبالكم جميعا فاكنت

ماسكالها المعمل لحد ماترجع هاتقولولي انتي جيولوجيا مالك انتي بالتحاليل

هاقولكم معلش اصلي حشرية اوي وغاوية ادخل نفسي فى كل حاجة ولله الحمد

اكتسبت خبرة فى مجال التحاليل كمان خصوصا اني دارسة كيميا وكمان كنت

بعمل حاجة عجيبة شوية كنت وقت ماكون فاضية فى ايام الدراسة كنت ادخل

احضر سكاشن مش مهم بئا مش تخصصي دفعة اكبر دفعة اصغر كنت بحضر

لدرجة المعيدين حفظوني ابقى معدية عليهم بدل مايقلولي اتفضلي شاي ولا حاجة

يقلولي اتفضلي سكشن بس كل دا طبعا مايجيش حاجة جمب حبي للجيلوجيا

كفاية كدا فى النقطة دي نيجي بئا لرابعا والاهم سي السيد بتاعنا خطب الحمد لله

عقباااالكم جميعاااااااا والخطوبة كانت امبارح وكانت فى القاهرة كان نفسي اعزمكم

جميعا بس ملحوقة فى الفرح ان شاء الله بس دعواتكم ليه علشان تعبني على ماخطب

مش عارفة على مايتجوز بئا هايعمل فيا ايه المهم ربنا يحميه يارب ويتممله على خير


بس كدا دا اللي كان شغالني وفيه حاجات مازالت شغلاني بس ان شاء الله احاول اظبط

نقطة تانية كل عام وانتم الى الله اقرب اقترب شهر رمضان وربنا ييسرها ان شاء الله

ونقدر نتابع معاكم ونستفيد منكم ونحاول نفيدكم باي شىء فالله المستعان دا هايكون تاني

رمضان ليا معاكم السنة اللي فاتت انا فاكرة كنت تعبت قبلها بردو لفترة الحمد لله

وكمان كنت بتابع قليل نحاول السنة دي نستمر بس ربنا يقدرنا ان شاء الله
ويدينا الوقت ويباركلنا فيه واقدر اتباع الله المستعان وماتنسوناش

من دعائكم بئا وابقو اسالو نرجع لماكانش العشم تاني كنت فاكرة ورايا ناس تسال

رجعت لقيت العنكبوت مالي المدونة بس يلااا سماح بردو المرة دي وربنا يعينكم

يارب جميعا ويقدركم وييسرلكم الخير ويباركلكم فى شعبان ويبلغكم رمضان اللهم امين

صحيح لازم اشكر حبايب قلبي اللي كانو معايا الفترة دي ودايما يسالو عليا

حبيبتي عاشقة الفردوس اللي زهقت من كتر ماببعتلها وش مكسوف لما بكلمها

ورغم كدا مستحلية الحكاية وهي عارفة ان ااقل حاجة بتكسفني بس بموت فيها بردو

وحبيبتي اميرة اساطير اللي هاتعلمني حاجة كدا بس مش هاقولكم عليها

وحبيبتي اللؤلؤة المكنونة اللي مش بشبع من الكلام معاها ابداا ربنا يسعدها يارب


ماتنسوش بئا تدعولي كتيييييييييير بالاستقرار ان شاء الله ولكم مثله وزيادة

  • Digg
  • Del.icio.us
  • StumbleUpon
  • Reddit
  • RSS

تمسك بدفء التسامح


قيل لأحد الحكماء ماذا تقول فى العفو والعقوبة

فقال هما بمنزلة الجود والبخل , فتمسك بأيهما شئت


هل اخطأت يوما فلامتك نفسك وضاق بهمك صدرك وحملت معاذيرك واسفك

وذهبت الى من أخطأت بحقه تستسمحه فردك وأغلق دونك باب قلبه؟

ترى ماشعورك وقتها؟ وقد أسلت على أعتاب قلبه ماء وجهك وبادرته بالأسف

والأعذار والندم ..ولكنه أراك أشد مواطن نفسه قسوة وصلابة؟؟؟


لا أعتقد ان احد منا يحب ان يوضع فى مثل هذا الموقف . فكلنا يطمح فى ان

يعفو عنه الآخرين حال خطأه.. كلنا يرجو الصفح والغفران.. يبدو ان العفو

عملة نادرة فى زمننا هذا ! فلم لانكون نحن تلك العملة النادرة؟؟؟


قال احد أصدقاء الزاهد بن سماك -واعظ هارون الرشيد-يوما

(الميعاد بيني وبينك غدا نتعاتب)

فقال له بن السماك رحمه الله : بل بيني وبينك غدا نتسامح


نعلم جميعا ان الحياة تدافع وتصادم ونسبة ان نخطىء ويخطىء علينا كبيرة

فاذا اصررنا ان نغلق الابواب فى وجه كل من أخطا فى حقنا وأصر هو الآخر

على ان يغلق الابواب فى وجهنا أذ أخطأنا فى حقه فكيف ستكون الحياة


يمكننا ان نعفو ونصفح أذا علمنا

ان كل بني آدم خطاء وان الخطا من طبائع البشر عندها سنعفو لاننا نعلم اننا*

يوم ما سنخطىء وسنتمنى ان يعفو عنا الاخرين


سنعفو ايضا اذا استشعرنا قيمة العفو الروحانية فاللعفو برد على النفس*

وحلاوة يستشعرها القلب فهي صفة من صفات الخالق يسعد بها العظماء من الخلق


سنعفو اذا علمنا ان العفو من شيم المتقين , يقول الله تعالى واصفا اهل الجنة*

بانهم (الذين ينفقون فى السراء والضراء والكاظمين الغيظ والعافين عن الناس

والله يحب المحسنين) آل عمران:134


سنعفو كذلك اذا طمعنا بان يعفو الله عنا فعن الحسن بن علي رضي الله عنه انه قال*

(يقال يوم القيامة ليقم من كان له على الله اجرا! فما يقوم الا انسان عفا

ثم قرا الآية (والعافين عن الناس والله يحب المحسنين) ا


ايضا اذا علمنا ان العظماء قد عفو وسامحو من اخطا فى حقهم فهذا الحسن بن علي*

رضي الله تعالى عنهما - يقول(لو ان رجلا شتمني في اذني هذه واعتذر فى اذني

الاخرى لقبلت عذره) وهذا جعفر الصادق رحمه الله- يقول

(لأن اندم على العفو عشرين مرة أحب الي من ان اندم على العقوبة مرة واحدة)


ياترى هانقدر نكون زيهم او حتى نقتضي بيهم ياترى هانقدر تكون نفوسنا سمحه

بهذه الطريقة اتمنى من الله ذلك .كتبت فى هذا الموضوع كابداية للتغير فانا عن نفسي

اسامح من اخطا فى حقي مهما كان خطاه ولكن عيبي اني لا أنسى اي جرح نهائيا

حتى لو أخفيت على كل من حولي وأظهرت العكس فالله المستعان ويجعلها بداية

التغيير وبداية العفو لاني اطمح الا أن يعفو الله عني
اه كنت هانسى اقولكم نجحنا بفضل ونعمه من الله صحيح التقدير اقل
من الترم الاول لكن انا ماكنتش اطمع فى الاكثر ولله الحمد دعواتكم ان شاء الله
اللي جاي اصعب بكتير مش بس فى الدراسة ربنا يديني الوقت واحكي معاكم
أكتر واكتر ان شاء الله وربنا ييسرلكم الخير جميعا

  • Digg
  • Del.icio.us
  • StumbleUpon
  • Reddit
  • RSS

عدنااا ......وقومنا بالواجب


من قناة بنات افكاري البلوجرية عدنا بفضل الله

صرحت بنات افكاري عن انتهاء امتحاناتها منذ اسبوع ولكن تم التحفظ

على رصيدها من الاجازات لحين انتهائها من مجموعة من الدورات والتدريبات

والمشغوليات والضغوطات وتقول انها تريد التحدث معكم كثيرا ولكن تشعر بانها

على جهاز حد غريب نظرا لما اصاب الجهاز من عين حاقدة اسفرت عن حادث بشع

اودى بحيات الويندوز وماعليه من اشياء مهمة وادي حال الدنيا ولكن عاد بفضل الله

الجهاز من غير طبعا ماكان عليه ياله من احساس بشععععععععععععععععع


كفاية كدا مش عارفة ايه الكلام العجيب دا مش عارفة اكمل نخلي البساط احمدي احسن

الا يعني ايه احمدي؟؟؟ ماعلينا


كل مابكتب لغة عربية فصحة كتير بتزيد الاخطاء وفيه حد بيراقب اخطائي فى اللغة العربية

دايما ويصححهالي عارف نفسه طبعا ......ايوه حضرتك امال مين يعني ماعلينا


جاني واجب فى الشات بوكس يعني انا اخلص امتحانات وارجع الاقي واجب فى الشات بوكس

مش عارفة ايه كرم المدونين الزايد دا لازم اللي ييجي يزور ييجي بواجب فى ايده طيب كنت خليها

كيلو قشر برتقان حتى يلا كتر خيره صاحب الواجب والله انه افتكرنا بعد زيارة من فترة ولمرة واحدة

وبردو كانت فى الشات بوكس نبتدي بئا والامر لله وحده


س :ـ أذكر اسم من طلب الواجب؟


ج :- الاخ ابو جهاد جزاه الله خيرا وسبحان الله مش عارفة افتكر

مدونتي ازاي بعد زيارة واحدة وكمان مدونته مكتوب وانا مش بعرف

صراحة اتعامل غير مع بلوجر فابجد جزاكم الله خيرا ياأخي


س :ـ قوانين الواجب ؟


ايه دا ميييييييييين ولا حد قالي


س :ـ 6 أًٍسرار لا يعملها من يقابلني لاول مره؟


ممممممممم طيب ليه كدا هو اساسا مش هاتفرق كتير لان حتى اللي يعرفوني

اوي بحس ان هما في حاجات مايعرفهوش عني وماذالو بيكتشفوها بس نقول ايه


1- حساسة جدااا اقل كلمة واقل موقف ياثر فيا بس مش ببين لحد


2- دمعتي قريبة جداااااااا بس عزيزة اوي لكن بمجرد مابلف ضهري للشخص اللي

حصل معاه الموقف مثلا بتزل لوحدها توماتيكي والجدع يعرف يسكتني بس شاطرة وبسكت لوحدي


3- طفلة سهل اوي اللي يزعلني يحايلني باقل شىء ومازال لي تصرفات ماتخرجش من اطفال

لو قعدت احكي هاتضحكو عليا للصبح بس انا والله كبيرة وشاطرة وبعرف كل حاجة


كدا تلاتة ماكفايا كدا ممممممم نقول ايه تااااني يابنات افكارك ايه تااااااااااااني اه


4- حاجة مهمة اللي بيعرفني مايعرفش ان انا تربية امي لوحدها شخصيتي دي اتكونت بفضلها هي

ربنا يخليهالي يارب ويباركلي فى عمرها هي وكل امهات المسلمين


5- قليلة الكلام جدا وبحب الحكمة اللي بتقول الصمت حكمة قليل فاعله دي حاجة الناس بتعرفها

اني هادية هدوء قاتل بس اللي مش بيعرفوه من اول مرة اني قادرة على الكلام بفضل الله

فى اي موضوع وفى اي مجال ولله الحمد بيكون عندي خلفية ادخل فى مناقشات بس مش بيبان

بسبب سكوتي دا اللي احيانا بيكون مزاج او بيكون مالوش سبب ومالوش لازمة احيانا تانية

بس ربنا بيعني وقت الضرورة والحجر بينطق


6- عندي اخ واحد ولد كدا زي العسل اسمه احمد وهو سي السيد بتاعنا طبعا انا الصغيره ربنا يجوزه

يارب قريب علشان ارتاح شوية شغلاله لبيسة وجزمجية ومكوجية وكل حاجة بس بجد بحب كدا اوي

ربنا يخليهولي يارب واخدمه على طوووووول لونه عايز يخلص مني قريب ربنا يستر


الحمد لله اصعب جزء خلص جينا بئا لوقت التدبيس


س:ـ 6 مدونون أوجهلهم الدعوه مع الروابط +توجيه الدعوة؟

ستة بس مممممممم عموما ناس كتير جاوبته

وان شاء الله كل اللي يلاقي نفسه فى الليستة اللي على ايدكم الشمال دي

يتفضل يجاوب لو ماكنش جاوبة ومش عايزة مناقشات واعتذارات خصوصا الناس اللي هاتعلق

واياك محدش يعلق ....بقيت بهدد كتير انا عارفة بس كلام على الفاضي والله ماتخافوش


وعلى رئسهم ابي وشيخنا الفاضل عصفور المدينة لوني عارفة ان اي واجب لازم يعدي عليه

نظرا لانه وكيل وزراة المدونات

والاخ امام الجيل اللي بيحب الحاجات دي والناس بتحب اجاباته

الاخ آلام وآمال علشان كان ممرلي تاج زمااااااان وانا ماحليتوش فابردله الواجب
وكمان علشان بطل يزورنا ومعندوش وقت فا انا براعي الظروف وهاوديله الواجب لحد عنده

ناخد تلاتة من المدونانات بئا

حبيبتي بنت ابيها صاحبة مدونة ظبط دماغك

حبيبتي اميرة اساطير الخريف بنرحب بيها يعني بعد غياب

حبيبتي ايمان المدير التنفيذي لحملة حبا فى رسول الله وماتخافوش هاخليها تجاوب

بالعربي علشان الناس تروحلها


فى النهاية بئا بجد بحمد ربنا على ظهور الحملة دي لانها عرفتني على شخصيات ممتازة

ان شاء الله ييجي الوقت واتكلم عنهم جميعا وياريت تدعولهم معاكم ربنا يوفقهم جميعا

انا طولت انا عارفة معلش بئا المدونين لبعضيهم يلا وادعولنا معاكم كتير الفترة دي
واعذروني علشان مش بعلق عندكم بس بزوركم والله وان شاء الله ربنا يديني الوقت
اعلق عندكم تاني

  • Digg
  • Del.icio.us
  • StumbleUpon
  • Reddit
  • RSS

حبا فى رسول الله


صلى الله عليه وسلم

حملة حبا فى رسول الله .طبعا كلنا نذوب عشقا فى رسول الله

طيب وكفاية كلام ولا لازم نطبق بافعال علشان نكون اهل فعلا

لحب رسول الله لينا انا مش هاتكلم كتير فى التفاصيل انا عايزاكم

تدخلو هنا عند الاخت لعلها خير وهي مسئولة عن الحملة

جزاها الله خيرا هي وكل اعضاء الفريق .الحملة دي انا عرفتها بطريق

غير مباشر عن طريق استراحة الاخ الباحث ربنا يكرمه وهو محامي الحملة

وماتنسوش تعدو على صحيفة الباحث هاتعجبكم اكتر ان شاء الله

ومنها زورت الاخت لعلها خير لاني حبيت اسلوبها اوي فادخلت

لقيت الحملة رغم اني كنت لسه فى زروة الامتحانات بس ربنا كان

بيديني الوقت ادخل واتابع ولقيتهم محتاجين اللي يساعد ولقيت اني

ان شاء الله هاقدر اساعد مش بس كدا انا عارفة ان كل زوراي هايقدرو يساعدو

علشان كدا جيت اكلمك النهاردة وانا بجد فى ناس كتير منكم واثقة فى

افكارهم وفى همتهم وفى دعاوتهم كمان ياريت اللي يقدر يشارك باي شىء

يتفضل وهما محتاجين ناس اكتر .الحملة الحمد لله اتعملها جروب على فيس بوك

نتمنى الانضمام ان شاء الله وياريت كل واحد يشوف هايقدر يعمل ايه حبا فى رسول الله

وانا عن نفسي حبا فى رسول الله هاقولكم قررت اعمل ايه


ان شاء الله حبا فى رسول الله هاتفوق اكتر فى دراستي

ان شاء الله حبا فى رسول الله هاسمح اي حد غلط فى حقي

ان شاء الله حبا فى رسول الله هاصل كل من قطع رحمي

ان شاء الله حبا فى رسول الله ابذل مجهود اكبر فى مجال دعوتي

ان شاء الله حبا فى رسول الله هاعتبر الحملة دي استعداد من الان

لشهر رمضان واستقباله بتغييرات افضل فى شخصيتي

ان شاء الله حبا فى رسول الله قررت اني اعمل حاجة وانتهي منها

فى خلال نهاية هذا العام وان شاء الله اقابلكم فى نهايته واقولكم

هي ايه واكون بامر الله نهيتها حبا فى رسول الله وبناء عليه

ان شاء الله حبا فى رسول الله قررت

اني مش هاسجل رساله الماجيستير بتاعتي الا بعد الانتهاء من الحاجة دي

وان شاء الله حبا فى رسول الله انا واثقة ان ربنا هايعيني مهما واجهتني صعوبات

وبتمنى من اي حد يعرفني حبا فى رسول الله لو كنت غلط فى حق اي حد يسامحنى

لو كان فى مرة كلامي ماعجبش حد يسامحنى لو كنت فى مرة زعلت حد يسامحنى بردو

ولو لاي حد تعليق او نقد لي فى اي شىء ياريت حب فى رسول الله يوجهولي

على فكرة جربو كدا قبل اي شىء تعملوه تقولو حبا فى رسول الله

هاتلاقو نفسكم توماتيكي توماتيكي افكركم توجهت للصواب واكنك بتستعيذ بالله

من الشيطان دا اللي انا بحسه فعلا حتى جربو كدا

وعلى فكرة لسه ماخلصتش امتحانات بس مدينا راحة ليوم 5/7 هامتحن الالماني

ان شاء الله فايريت حبا فى رسول الله ماتنسوناش من دعائكم


ياترى انتو نويته تعملو ايه بئا حبا فى رسول الله؟؟؟؟؟؟؟؟؟؟

  • Digg
  • Del.icio.us
  • StumbleUpon
  • Reddit
  • RSS

روشتة كدا على الماشي



بصو بئا روشتة كدا على الماشي تخدوها وتصرفوها

ومن بكرة ان شاء الله تنفذوها معلش المدونين لبعضيهم

هابدء ان شاء الله بكرة الاحد امتحانات الدرسات العليا

وماأدراكم مادرسات عليا طلعت عليا اووووي يعني

لكن الله المستعان على مييييين ربنا اعلى من كل شىء

وربنا على الظالم والمفتري وابن الحرام

شوية وهاتسول انا عارفة محدش معاه فكة طيب

معلش دي اعراض جانبية ماتحطوش فى بالكم


ان شاء الله الدعاء للمغفور لها الممتحنة بنات افكارها

ثلاث مرات قبل الفجر وبعده ومن الساعة الخامسة مساء

كل يوم حد واربع (اسوء معاد امتحانات شوفته فى حياتي) مش

قولتلكم وماأدراكم مادرسات عليا المهم نكمل يبدء التنفيذ

ان شاء الله من 5 لحد 8 تدعو مانمش فى اللجنة بما اني بطبق

.............................

أستنو رايحين فين دا الاهم جاي من 8.5 بئا الى ان يشاء الله

تبدئو تدعو ربنا يسهلي المواصلات علشان مش ناوية انا على أقامة

فى القاهرة مش هايبئا جو القاهرة وجو الامتحانات عليا كدا يبئا كتييييير





وتدعو ربنا يبعد عني المدخنين احسن حاسة ان هاييجي عليا

يوم وانط من شباك العربية بسببهم

علشان انا اصلا نفسيا بهت عندي على صحيا

وصحيا بئا لله الحمد اسوء من نفسيا بقالي فترة وحضرة الناظرة خلاص

هاتمدني قريب وسي السيد باشا بتاعنا قالي افرجيها كدا وخليكي كويسة

وانا اجيبلك حاجة حلوة فرجتها الحمد لله لحد مااخدت الحاجة الحلوة

وقلبت تاني اه امال ايه هو احنا بنلعب


يلا ياجماعة تتردلكم فى الامتحانات ان شاء الله

ولا بلاش اردهالكم فى الافراح يارب وافرح فيكم جميعا قادر ياكريم

صحيح الصورة اللي فوق دي نزلتها قبل كدا وكانت بردو اول

يوم امتحانات الترم الاول وكنت بقولكم يرضيكم الناس كلها تخلص

امتحانات وانا ابدء امتحانات وقعدت اشكيلكم همي بردو

معلش مكتوب عليكم يبئا فى وسطيكم مدونناية زيي

هاتستحملو طبعا هو حد يقدر يتكلم شطار انا عارفة
مش

عارفة ايه اللي جاية تتسول الدعاء وتهدد كمان دي حاجة غريبة

  • Digg
  • Del.icio.us
  • StumbleUpon
  • Reddit
  • RSS

انا بتكلمني



اييييييه وبعدين فى اللي انتي فيه دا واخرتها يابنات أفكارك انتي
يعني هاعمل ايه أكتر من اللي انتي شفتيهعماااااله اضحك واهزر واكلم الناس عادي
ايوه بس بردو من جواكي مارتاحتيش
انا عارفة والموضوع بالسهولة دي كدا ماهيجيش
المهم خليكي معاياانا جيباكي النهاردة اكلمك علشان خلاص اللي بيحصل دا ماينفعنيش

نعم جايباااااني!!!!! قالي يعني زي اللي بقالك زمان ماشوفتنيش
دا انتي حتى مع غيري مابتتكلميش

خلاص ياستي بئا ماتزعليش
طيب قولي يلا بئا بالراحة كدا وماتستعجليش بصي ياستي ..
فاضل على امتحاناتي اسبوع وزي مانتي عارفةكله كوم ومستقبلي الدراسي كوم تانيوانا بئا خلاااااص ماقولكيشحاسة ان دماغي مليانة صخور وجبال .. ومن جوايا في زلازل وبراكين وكوارث طبيعية مش ملاحقة عليها لامن شمال ولا من يمين ولو جينا لمنطقة التركيز فى المخ تلاقيها صحراااااااااااااااا
ايه ايه بسسسسسسسسسسس مش ناقصة جيلوجياتك ماتكتريش
طيب قوليلي اعمل ايه احسن عايزة السنة دي تعدي بنفس المستوى انتي مايرضيكيش
ماقلولك تكملي ايه ماتتجوزي وتقعدي فى البيت وادي اخرتها انتي اللي مابتسمعيش
بقولك ايييييييييييه مش وقته بئا انا عايزاكي تريحيني ماتخنقينيش
طب خلاص بس انا عارفة انك شاطرة ومش بالساهل كدا هاتضعفي وماتكمليش
ربنا يجبر بخاطرك بس بردو التركيز عندي حاليا زي ماقولتلك صحرااااا مفييييييش
كل مافتكر افضل اعيط وانتي عارفاني لما تاثر بحاجة ببئا على اخري بس ماتدقيش
المهم بئا قوليلي يلا ماتحيرينيش ....طيب بس واحدة واحدة ماتزعقيليش
مش انا علمتك قبل كدا انك للدنيا دي بسهولة كدا ماتستسلميش
ايوه علمتيني بس هو اسبوع اللي فاضل على امتحاني وغيره مفيش
طيب انا هاقولك انا عارفاكي بتحبي التحدي ولما بتوعدي حتى نفسك بحاجة بتحاولي توفوبكل مافى وسعك مابتتاخريش
فعلا الحمد لله بحاول وبفضل الله بقدر وهو معايا دايما لان غيره ماليش
ونعمه بالله يبقى خلاص الحل الوحيد انك توعديني تشدي حيلك حتى
لو كان الوقت خلاص مأسعفكيش وتوعديني بقدر الامكان تركزي وماتيأسيش
وماتضيعيش تعبك طول السنة وتعب الناس اللي لنجاحك منتظرين وماتنسيش
انا عارفاكي شاطرة يابنات افكارك وبتسمعي الكلام
اه والله حتى ابئي اسالي حضرة الناظرة ماما عمرها ماقالتلي ذاكري او ماتذاكريش
وانا بردو هاسال وراكي انا واثقة فيكي وعلشان كدا عارفة انك هاتكوني اد الوعدوتتوكلي على ربنا وماهتستسلميش واقل من تقدير عالي ماهتقبليش
شوفي حتى المدونين والمدوننات اخواتك بيقولو عليكي شاطرة بردو خلاص بئا ماتقلقيش
ايه دا انتي هاتضحكي عليا انا مش سامعة حد بيقول حاجة انتي فاكراني طفلة لو سمحتى ماتستهيفنيش
يعني هو خلاص يعني انتي سمعاني انا دلوقتي
دا باينه جنان رسمي وحط عليكي .. بسيطة ماتخافيش خلصي بس امتحانات وربنا هايشفيكي ان شاء الله وتعقلي ماتقلقيش

جناااااااااااااان طييييييييييب انا زعلانة منك يلا بئا مخصماكي ماتكلمنيش
طيب خلاص حق عليا هو انا اقدر بردو دا انتي حتى شاطرة وزيك مافيش
ايوه انا شاطرة وهاحاول اعمل اللي عليا والباقي على الله
واللي يتوكل عليه هايلاقي الدنيا دي كلاها ولا حاجة .. ماتساويش
ونعمة بالله يلا امشي روحي نامي شوية بئينا بعد الفجر .. انتي مابتتعبيش؟
لامبتعش هو انتي يعني مش اتعودتي من يوم ماعرفتيني اكل كتير كلام كتير نوم كتير مفيش
انا
عارفة انك اتخنقتي وشوية كدا وماهتطيقينيش مع اني غلبانة وزيي ماتلاقيش
طيب كفاية كدا انا هاستحملك غيرك ماهيستحملكيش
عندك حق كفاية عليهم كدا انا بردو مايرضينيش

  • Digg
  • Del.icio.us
  • StumbleUpon
  • Reddit
  • RSS

حينما يشعر بك الألم


عنوان بوست كنت قريته زماااااااان لاحد المدونين

وقتها كنت شايفة العنوان صعب وازاي حد ممكن

يوصل لدرجة ان الالم هو اللي يبقى بيشعر بيه

لما يوصل لدرجة انه فعلا يعيش فى الم يشرب

وياكل وحتى يتنفس الم مش بعيد على اي حد فعلا

يجيله الاحساس دا فى اي لحظة والاصعب فيه

لما تكون مش مستعدله ممكن تكون كنت متوقعه

بس لصعوبته ماكنتش مستعدله كويس

اد ايه صعب لما تفقد الثقة فى كل اللي حواليك

اد ايه صعب لما فجاة تلاقي الناس بتسىء الظن بيك

اد ايه صعب لما تغير فى نفسك حاجة علشان حد

وفى النهاية تلاقي نفسك لوحديك

اد ايه صعب الاحساس بالظلم من كتر مالدنيا اساءت ليك
احساس صعب اووووي يارب ماحد يحس بيه حتى لو كان هو سبب فيه

ويبقى فى الاول وفى الاخر الحمد لله فى السراء والضراء

اللهم يامقلب القلوب والابصار ثبت قلبي على طاعتك

معلش ياجماعة على البوست دا بس مفيش غيرالمدونة اتكلم فيها حاليا
كنت ناوية انزل حاجات كتير الفترة دي تهمني لكن قدر الله وماشاء فعل
كل شىء بأوان ان شاء الله استقر وارجع انزلها

ومعلش بردو تدعولي كتير اظاهر ان لسه الدنيا ماخدتش حقها من الواحد كويس

ومعلش كمان هاستاذنكم فى فترة كدا مع نفسي وان شاء الله ارجعلكم

اذا كان فى العمر بقية وتدعولي تمر الفترة دي بخير

وياريت تدعو كمان اقدر ادخل امتحاناتي على خير

وربنا يوفق الجميع ويوفقنا لما فيه الخير

  • Digg
  • Del.icio.us
  • StumbleUpon
  • Reddit
  • RSS

اول مرة اعملها





اول مرة اعملها والف فى محافظتي رغم اني عايشة فيها

بس عمري ما الفيت ولا حاولت اتفسح فيها ليييييه ماعرفش


جايز لاني بيتوتيه زيادة عن اللزوم وخروجي للضرورة فقط

ورغم اني لفيت محافظات كتير وعرفت فيها اماكن كتير



بس بردو محافظتي اللي هي بني سويف ممكن اتوه فيها لقلة


خروجي فيها يمكن عشت سنتين فى محافظة قنا للدراسة


هابقى اكلمكم عنهم بعيدين بس تقريبا حفظت كل شوارعها



نبطل رغي وندخل فى المفيد


قولنا نروح الكورنيش انا وبنت ابيها طبعا هي حكت



عن اليوم دا ومغامراتنا مع الامن فيه مش عارفة ليه الامن ورايا وريا



ماتعرفوش ليييييييييييييه؟ بس هي نسيت تحكي المعاناه



اللي عنيناها فى اليوم دا علشان نصور .طبعا اول ماروحنا



دخلنا وبعد ماتمشينا شوية وبنصور لقيتها بتقولي



احنا نسينا نعد الابواب بعد مسافة مش قليله



قولتلها وماله نرجع نعد الابواب ورجعنا علشان نعد الابواب


شوية كمان يااااااااااااااااااه نسينا نعد التندات


رجعنااااااااااااااا علشان نعد التندات وبعديييييييييييين



انا كنت راجعة اساسا من كورس الماني ودماغي



مليانة كلام مش مفهوم ومش نايمة قبلها




وحالتي صعبة المهم شوية ياااااااااااااااااه تصدقي نسينا


نصور المباني المهمة قولت لاحول ولا قوة الا بالله



طيب بصي نكمل للاخر وبعدين ربنا يدينا الصحة



ونرجع نصور المباني ونبقى نركب من هناك



طبعا كل دا قبل مانعرف ان الممشى بتاع الكورنيش



حوالي 2 كيلو متر شوفوا بقى مشينا ورجعنا كام مرة



خلصنا ال2 كيلو رايح قولنا بقى نرجع علشان نصور


المباني المهمة قولت لبنت ابيها انا لو فى الفيلد


فى رحلة جيولوجية يعني مش هاتعب كدا على الاقل



فيه جبال بنطلعها وننزلها والواحد متعود


حد يبقى يفكرني بردو احكيلكم عن الرحلات دي



وبصورها ان شاء الله شوية وبنت ابيها لقيتني جبت اخري


لدرجة اني ماشية فى وسط العربيات مش سامعة صوت اي حاجة





قالتلي لاااااااااااااااااااا كدا بقى يبقى انتحار قولتلها وماله


بصتلي تقولي كان لازم يعني الكعب العالي النهاردة


قولتلها اعمل ايه الطقم حكم بكدا وبعدين اعرف ازاي



انك هاتمشيني كل دا المهم فضلنا نصور وقربنا نوصل لاخر مبني


عمالين رجل ورا ورجل قدام لقينا عربية بحصان كنا خلاص هانعيط



ونركب معاهم بس قولنا نجمد بقى علشان عييييب وصلنا الحمد لله



لآآآآخر مبني ويلا ياحبيبتي صوري وخلصيني وفجاااااااااة



الموبيل (البطارية لا تكفي) قولت ماشاء الله يامحاسن الصدف


بعد ماوصلنا لحد هنا قولت لبنت ابيها موبيلك ايه قالتلي نوكيا بردو


طيب هاتي بطاريتك الحمد لله يادوب جات على نص الموبيل بتاعي


تحايلنا عليها لحد مالقطنا الصورة وواحنا راجعين بئا


شوفت المنظر اللي قالتلكم عليه بنت ابيها طبعا الظابط لو كان شافني



محدش عارف كان ممكن يعمل ايه وهو كاره نفسه اساسا


طبعا علشان اصور مفيش بطارية ولا فيه بنت ابيها معايا


علشان اخد بطاريتها المهم الرغي دا كله


علشان زي الشطار تطلعو من عندي على مدونة شخابيط


تشوفو الكورنيش بتاعنا وجماله لونه مش هايبقى احلى



من كورنيش قنا ابدا واللي عايز يعرف مغامرة اليوم يعدي



على مدونة بنت ابيها بالمرة بس المهم اللي مش هاشوفه



منكم فى شخابيط هو حر انا مش بخوفكم لا سمح الله


انا بهدد بس وانتو عارفين!! مش عارفة عارفين ايه


بس مش مشكلة معلش انا اصلي بمر بفترة توهان وعدم



تركيز ولخبطة داخلية وعدم قدرة على اتخاذ قرارات مهمة



علشان تدعولي بردو معاكم بس كفاية كدا عليكم النهاردة




اه نسيت اقول ان انا مش ناوية الف فى المحافظة دي تااااااااااااااني



حاجة كمان ماتركزوش مع صور الاطفال دي اصلها بتعبر عن حاجات



جوايا كدا مش بس للتدوينة يعني اتفرجو وانتو ساكتين انا قولت اهو



  • Digg
  • Del.icio.us
  • StumbleUpon
  • Reddit
  • RSS

انتي ليه كدا


انتي ليه كتومة كد ونفسك معزباكي

ليه هادية اوي كد رغم الكلام الكتير اللي جواكي

ليه مش بتقربي غير من الناس اللي محتجاكي

ليه بتبعدي دايما حتى عن الناس اللي على اسرارها مستئمناكي

ليه لما بتتعبي مش بتقولي حتى للانسانة اللي مربياكي

ليه لما بتزعلي مش بتحاولي حتى تبيني للناس اللي مزعلاكي

ليه لما بتحتاجي حد اوي بتترددي حتى تقولي محتاجاكي

ليه مخبية كتير جواكي

ليه مش بتنسي اي حاجة تعباكي

ليه كدا دا حتى كل الناس حباكي

وزي مابتسمعيها هي كمان نفسها تبقى سمعاكي

وزي مابتحسي بيها اكيد هاتلاقي ناس حساكي

انتي عارفة كدا كويس بس بردو بتكتمي جواكي

خلي بالك دا فيه ناس محتاجاكي

والدنيا ماتستاهلش ابدل تتعبي اللي حواليكي معاكي

كمان عندك شوية مبادىء مجننة الناس معاكي

حاولي تتخلي عنها احسن ناس كتير نفسها تفرح وياكي

كفاية عليكي كدا لما نشوف اخرتها معاكي

  • Digg
  • Del.icio.us
  • StumbleUpon
  • Reddit
  • RSS

اللي هايقرب هاطخه....قصدي هاشكه


مش اول مرة اعملها واشهر سلاحي فى دراع حد


سلاح ايه ..ودراع ايه..بتخرف دي ولا ايه


طب هو النهاردة ايه.........ولا اعرف


خليكم معايا بس هاحكيلكم على مغامرة


من مغامراتي بس ماتزهقوش بسرعة مني


كنت فى طريقي للقاهرة علشان كان عندي



محاضرات من 9 صباحا ل7 مساءا بدون


اي خمس دقايق ريست بس الحمد لله





سابونا نروح ننام فى بيوتنا...ماعلينا


الطريق من بلدي للقاهرة بياخدلوا


حوالي ثلاث ساعات تقريبا وساعتين


ونص لو السواق شارب ومستغني


عن نفسه وعن الركاب قبله المهم

غالبا لما بحس اني مش هارتاح فى


القاعدة فى العربية باخد كورسيين


لوحدي وانا اساسا يدوب املى نص كرسي


الاااااااا لو مستعجلة وفيه ازمة والمضطر


يركب الصعب. طبعا الوقت بدري والناس


جاية تكمل نوم فى العربية قعد جمبي بقى



شخص لا يوصف حقيقي لا كما ولا كيفا يعني


بسم الله ماشاء الله عليه طبعا بيني وبينه شنطتي


ومن اولها قولت شكلي كدا مش هارتاح مع الاخ


ومفيش اول نص ساعة عدت وبدءت علامات


النعس قولت ااااااااااه بدءنا ..كل شوية بشنطة


ايدي واروح خبطاه فوق لو سمحت مش عارفة


ايه دا قولت معلش محدش عارف ظروف حد


جايز حد كدا ولا كدا ضاربه ومانمش طول الليل


المهم كل شوية وبشنطتي فوق لو سمحت


آآآآخر مازهقت قولت لااااااااا واضح ان الذوق


مش نافع واحنا لسه فى اول الطريق


بدءت عليا علامات النرفزة وانا من طبعي



هادية جدااا الا فى الاوقات دي قولت لااااا


مابدهاش لازم اطلع سلاحي احنا كدا

وصلنا لمرحلة الدفاع عن النفس ولاااازم




اوريه العين الحمرا بردو ماهنش عليا

كل شوية اقول اطخه وارجع اقول حرام


اطخه لاااا حرااااااااااام استحملي شوية


وفجاءة بس كداا ارفع ايدك فوووق ..قصدي


فوق لو سمحت مفيش فايدة شوفوا كدا بقى

انا عداني العيييييييييييييب وزيادة كمان


روحت مطلعة سلاحي


الاول في حد هنا ؟؟ حد شايف حاجة؟؟




حد واخد باله؟؟ لا الحمد لله الكل نايم


الا السواق الحمد لله كان صاحي

ومن تحت الخمار ورحت طخااااااه قصدي


شكاااااااه وفجاة لقيت صوت اااااااااااااه


ايه في ايه وانا من الشباك عمالة اتامل فى

جمال الصحرا قد ايه كانت جميلة والله

بحبها جدااا لاني بدرسها هابقى احكيلكم


عن الحب العميق دا بعدين...خلونا فى موضوعنا

المهم الراجل ياااعيني كان خلاص هايعيط


ويقول فى حاجة فى الكرسي ياأبلة خلي بالك


في حاجة بتشك فى الكرسي..قولتله لا حضرتك


بس خد بالك انت واوعاااااااااا تناااام تاني


بس بصراحة صعب عليا دي لو كانت حقنه


كانت هاتبقى فى الوريد يعني كام ملي تحت الجلد


مش عارفة انا بقى الرصاصة بتعتي اخترقت كام سنتي


بس ايه بقى باقي الطريق قاعدة مرتاحة البال


وهو ياعيني خايف حتى يسند ضهره لورا


على الكرسي اصل الكرسي فيه حاجة


وخلي بااااااااااالك




ماتعرفوش الكرسي كان فيه ايه؟؟؟؟؟

  • Digg
  • Del.icio.us
  • StumbleUpon
  • Reddit
  • RSS