كل سنة وانتوا طيبييييييييين رمضان خلاص خلصة ايامه
بس يارب ماتخلص من قلوبنا نفحاته ونفضل دايما
متمسكين بكل طاعاته وان شاء الله ربنا هايعينا على
الثبات وهايتقبل منا جميعا باذن الله طبعا انا بقالي
بوستين بتكلم معاكم بحزن وبعتذر على كده لكن
كان غصب عني ومش هانتكلم فى الموضوع ده
علشان احاول اخرج من الحالة دي معاكم المهم
مرة تانية عيد سعيد عليكم وان شاء الله ربنا
يحققلكم كل امانيكم وبقول لكل واحد فيكم
شوفوا بقى....... شوفواااااااااااااااااااااا بقى
طبعا ملاحظين التصميم الجديد بتاع المدونة
انا قولت اشمعنا انا اجيب لبس جديد
هي المدونة دي مش جزء مني يبقى لاااااااااازم
اعملها تصميم جديد والحقيقة بجهز فيه من زمااااان
من تصميماتها ابداااا طبعا انا غلبتها معايا
وكنت مختاره تصميم قبل كده وهي عملتلي بانر ليه
بس جيت احطه قبل كده التصميم راسه والف سيف
ماينزلش وسبحانه الله التصميم ده كنت مختاراه الاول
بس اترددت احطه علشان السيد بار شمال وكمان
خفت تقولوا عليه اطفالي وهو علشان كده شدني
وبعدين فيه ناس كتيييييييير بتقول اني لسه طفلة واني
كبرت غلطة وهو الحقيقة عندهم حق بس انا طفلة من
جوايا بس لكن والله انا كبيرة وشاطرة واحيانا
بتطلع مني افكار ارهابية خطيرة بس كلها فى
الخير لحد دلوقتي وان شاء الله تفضل فى الخير على طول
على فكرة محدش يتعب نفسه ويحاول انه
يبلغ عني امال الحارس اللي على باب
المدونة بيعمل ايه بس ماتقلقوش ده جاي علشاني
اصلهم بيعزوني اوي من ايام الكليه رغم
ان عمري ماحتكيت بيهم احتكاك مباشر
سيبكم من الموضوع ده ابقى اقولكم عليه بعدين
عايزة اقولكم على حاجة بقى ياريت بعد
ماتقولولي كل سنة وانا طيبة تقولوا للمدونة
مبروك التصميم الجديد ومفيش ماااااااانع ان
اللي مش عاجبه التصميم يقول ....يعمل ايييييه؟
يقوووووووووووووووووووووووووووول
ماتخلوش فى نفسكم حاجة واللي مش
عاجبه الموضوعات كمان يقول واللي
مش عاجبة صاحبة المدونة كماااااااااااااان
يقول المهم ماتخلوش فى نفسكم حاجة
هو احنا هايجينا اعز منكم بس ياربت بقى
اللي مش عاجبه التصميم يسيب غيره قبل
ما يمشي ويارت كمان بانر فوقيه هدية واللي مش
عاجبة الموضوعات يقترح غيرها الحكاية مش بالساهل
كده انا احب التعاون خصوصا لحد غلبااااااان زيي
اما بقى اللي مش عاجبه صاحبة المدونة يسيب
الموضوع ده عليا علشان مش عاجباني انا
كمان وبفكر من زماااااااااااان اغيرها
يالا بقى عيد وفرصه كله يعمل اللي فى نفسه
المهم فى الاخر ومرة تالتة بقول لكل الناس
وماتنسوش اللي اتفقنا عليه اوعى حد يقول انه فيه حاجة مش عجباه
انا حذرت .. وخلااااااااااااااااااااااااااااااااص
37 comments:
ايه يا عم الكلام الجامد ده
ده شكل الناس كلها بتخلص القديم والجديد بعد ما رمضان خلص
يلا كل سنة وانتى طيبة
ويا رب السنة الجاية اشوفك وانتى محققه كل آمالك وأحلامك
وبعدين تصميم ايه ده اللى بتقولى انى عملته
ده هما كلتمين اتكتبوا وخلاص
الموضوع كان بسيط
وانتى عارفة انى كان نفسى اعملك تصميم بانر للمدونة احلى من كده انما الاستايل اللى انتى اختارتيه هوه اللى فرض علينا الوضع ده
والله المدونة جميلة ومواضيعا جميلة وصاحبتها اجمل
كل سنة وانتي بخير وربنا يتقبل منا ومنكم
:)
بجد التصميم الجديد تحفة والله
انا بفكر اكلم بنت ابيها تشوفلي تصميم انا كمان بس يكون رجالي شوية
:D
بنت ابيها
مانتحرمش منك ابدااااااا ومش عارفة
تقصدي ايه بالقديم والجديد لما اشوفك
بقى وياريت رمضان ماخلص عموما
كل سنة وانتي طيبة وبالنسبة للتصميم
ماتقلقيش هايجي وقته هو مش فيه عيد كبير ولا ايه ولازمة تصميم جديد برضه
يالا شدي حيلك بقى شوفتي الاستغلال
نورتيني ياقمر
السلام عليكم
الام وامال
اهلا بحضرتك وجزاكم الله خيرا
على الاطراء والزيارة
وكل عيد وحضرتك بخير
السلام عليكم
السلام عليكم
كل سنة وانتى بصحة وسلامه ان شاء الله
تقبل الله منا ومنكم
التصميم رائع جدا والمدونة جوها حلو يابنتى خليكى واثقه فى نفسك
واعملى الى يعجبك وخليكى ع طبيعتك
لان انتى عمرك ماهتقدرى تعملى حاجة تعجب الناس كلها المهم انك تعجبى نفسك وتختارى الى يعجبك حتى لو تصميم وانتى الى بتفرضى زوقك ع الناس اما بتثقى فيه
هوندا
اهلا بيكي ياقمر
واكل سنة وانتي بخير
وعيد سعيد عليكي
اكيد الواحد عنده ثقة
فى نفسه الحمد لله بس برضه
يحاول يرضي الناس برضه
وياخد رايهم ويستفيد منه
وعموما اشكرك على النصيحة
مانتحرمش منك ابدااااااا
السلام عليكم
كل عام وانت مبخير بمناسبة عيد الفطر المبارك
تقبل الله منا ومنكم
يااااااااه سبحان الله لسه بطلب انا كمان فى البوست اللى نزلته تصميم جديد ناوى اغير برضه
ما شاء الله تصميم جميل ولايق جدا
بس الاجمل منه محتواه
تقبل الله منا ومنكم رمضان
وجعلنا من الفائزين
وجزيتى خيرا على الدعوات الصادقات
نسأل الله الاجابة
ونسأل الله ان كان لنا منها حظا وقت الفطر
عيد سعيد مبارك
وحلو التصميم العيالى لو فيه تانى ابعتيلى انا برضه كده
وجزاكم الله خيرا على السؤال
ونسأل الله ان يكون اتم شفائك بخير
وان تكون العائلة بخير وبسعادة
كل عام وأنت بخير والتصميم الجديد جميل جدا
والمحتوى لو مش عاجبنا كنت عرفتي من زمان مش كنا سكتنا لحد دلوقت:)
كل عام وأنت بخير
ما شاء الله ... التصميم الجديد جميل و رقيق جدا .. و يالا بقى رمضان خلص و العيد هل علينا كل سنة و انت طيبة و الناس هاترجع للتدوين تانى.. و عايزين مواضيع من بتاعة زمان
اسلام رفاعي
وحضرتك بخير
وتقبل الله طاعتكم
واهلا بيك فى المدونة
السلام عليكم
امام الجيل
اهلا بحضرتك
انا فعلا كنت بزور حضرتك وعرفت انك
ناوي برضه تغير التصميم ربنا يعينك
والحمد لله ان تصميمنا عجب حضرتك ده
خير نحمد ربنا عليه وجزاكم الله خيرا
على الاطراء وان شاء الله ربنا يتقبل
دعائنا جميعا والتصميم عيالي فعلا بس ماعتقدش النوع ده يليق باسم مدونة حضرتك
حضرتك عايز حاجة كده يكون فيها وقار امام الجيل ربنا يعينك عموما هانحاول نساعد والله المستعان
وجزاكم الله خيرا على سؤالك وانا الحمد
لله بخير جداا وكلنا كويسين الحمد لله
السلام عليكم
عصفور المدينة
اهلا بحضرتك وتقبل الله منا ومنك
وشرفتنا ودي شهادة نعتز بيها
يارب دائما نكون عند حسن الظن
طمنتني والله وكل عام وحضرتك بخير
السلام عليكم
ابن حجر العسقلاني
اهلا بحضرتك وكل عام وحضرتك بخير
والحمد لله ان التصميم عجبكم
ورمضان فعلا خلص لاسف
وان شاء الله نرجع نكتب زي زمان
واحسن والله المستعان
السلام عليكم
والله كنت بفكر اغير اسم المدونة دى خالص اصلها شبهتنى ع الاخر
والناس بقت تعاملنى كانى خليفة المسلمين
هههههههههه
مش عارف بس اسمها مش عايز يسبنى خالص
بس انا بحب الحاجات العيالى اوى اوى
طيب نشوف اما للجيل عيل حلو كده وصغنون
ينفع برضه
اذا مكنش انا يبقى من نسلى :)
كل عام وحضرتك بخير
وتقبل الله طاعاتكم وأعانكم على الثبات
امام الجيل
فعلا اسم المدونة عامل
صعوبة فى ايجاد تصميم مناسب
وبعدين خير دي حاجة تدفع حضرتك
لتكون حقا امام او على الاقل
ابن مشرف لخلفائنا ربنا يعينك يارب
بس موضوع التصميم العيالي ده مش نافع
خالص ياما حضرتك تغير اسم المدونة
بالمرة وده صعب
طال الليل
اهلا بحضرتك لاول مره عندنا
وكل عام وحضرتك بخير
وتقبل الله طاعتكم واعاننا
واياكم على الثبات
اللهم امين
السلام عليكم
ما شاااااااااااااااء الله
ما شاااااااااااااااء الله
ما شاااااااااااااااء الله
ما شاااااااااااااااء الله
مبرووووووك التصميم الجديد الرائع
وأهم شيئ ربنا ينفع بيها ان شاء الله
وكل عام وانت بخير
السلام عليكم ورحمة الله وبركاته
كل عام وأنتي بخير
مدونه جميله فعلا
يا أختي ادعوكي وأخواني لزيارة مدونتي لأمر طالما أشرأبت له الأعناق وتاقت له النفوس
فانه قد حان وقت العمل
http://hatem-concord.blogspot.com/
وجزاكم الله خيرا
دكتور حر
اهلا بحضرتك
الله يبارك فيك وان شاء
الله ربنا ينفع بينا جميعا
السلام عليكم
هكذا علمتني الحياة فى ظل العقيدة
اهلا بيك يافندم وحضرتك بخير
وجزاكم الله خيرا على الاطراء
وان شاء الله نزور حضرتك
وربنا يوفقك الى مافيه الخير
السلام عليكم
اول تجمع حقيقى للمدونين
لاول مرة بالاسكندرية
ملتفى الدفاع عن سجناء الرأى وحقوق الانسان
الخميس القادم الساعة الخامسة مساءا بنادى المحامين بجليم
الحبيبة الجميلة ..
كل عام وانتِ طيبة ومن ربنا قريبة
وعيد سعيد علينا وعليكم وعساكم من عواده
التصميم بالفعل رائع جدا جدا وفي منتهى الرقة
وزيارتك لمدونتي أسعدتني جدا كلك زوق يا عسل ، ربنا يكرمك
تحياتي لكِ
كل سنه وانتى طيبه والف مبروك النيولوك بتاع المدونه جميل جدا وهادى
تحياتى
عيد سعيد
تحياتي
بنت محافظتى اولا مبروك على التصميم الجديد اللى منور المدونة
ثانيا كل سنة و انتى طيبة بمناسبة عيد الفطر و اتمنى من الله انه يكون عيد سعيد عليكى
تجمع المدونين الطامحين
اهلا وسهلا وربنا يوفقكم
ان شاء الله ويعينكم على
تحقيق هدفكم ان شاء الله
اسكندرية بعيدة اوي
عليا كان نفسنا نشارك
لكن هاندعوا لكم ان شاء الله
السلام عليكم
نور
اهلا ياحبيبتي وانا اقول
ايه النور الزيادة فى المدونة
ده اتاري النور كله عندنا
اسعدتني زيارتك وكلك زوق ياقمر
شكرا على رايك فى التصميم
وعيد سعيد عليكي ان شاء الله
السلام عليكم
رئيس جمهورية نفسك
اهلا بحضرتك فى المدونة
لاول مرة شكرا للزيارة
وكل عام وحضرتك بخير
والحمد لله ان التصميم عجبكم
يارب يبارك فيك
السلام عليكم
سندباد
عيد سعيد على حضرتك
شكرا للزيارة السريعة
واهلا بيك دائما
السلام عليكم
بيجاسوس المصري
اهلا بابن محافظتي والله يبارك فيك
نورتني بالزيارة وكل عام وحضرتك
الى الله اقرب وعلى طاعته ادوم
ان شاء الله نرجوا تكرار الزيارة
السلام عليكم
ايه يابنت الناس الطيبين الكلام اللى كاتباه ده ... احنا ينفع نغيرك باردوه ... ده احنا نشيلك فوق دماغنا وراسنا كمان ... ولو بأه مش عاجبه الحارس اللى حاطينه على باب المدونة يمشى ... اه بدل ما اجى اطخه طختين ويموت فيها واروح الجنايات بأه ... والحكايه تبقى مولد ... ههههههههه .... معلش اصلى استغربت لما قولتى المدونة مش هتعجبنا ... اى نعم انتى صعيديه ... (بنى سويف يعنى ) لكن شهمه وافكارك عسل وجميله ... اما انتى بنات افكارك صحيح ...هههههه
----
التصميم جامد جدا وجميييييييل جدا واحسن من بتاعى .. اى نعم بتاعى مافهوش تظبيط جامد او كده ... لأن كله جد اوى ... لكن انا نفسى يبقى عندى مدونة عيالى اطلع شويه العيال اللى جوايا دول ... نفسى ... مافيش حد قدك يا ستى الكل بيحسد فيك اهوه ابسطى ... وكل سنه وانتى طيبه .. وعيد سعيييييد (والله كان غلبان ) مش مبارك ( اصله كان شرير ومفترى ) وربنا يتقبل منا ومنكم باذن الله ...
يلا امشى واقول سلاموووووز بالموووووووز ...
---
تعرفى انا نزلت علشان اشوف موضوعاتك واتأكد هى بنات افكارى ولا دى مدونة تانيه نفس الاسم
مبروك الاستايل الجديد يا مدونة
ده استايل فى كى جى تو ولا لسه كى جى ون
بالمناسبة انا كنت بتمشى كده فى الشارع ده اللى على الشمال اللى هو افكارهم بتعجبنى دول ..قال ايه يا ستى اكتشفت ان افكارنا مش بتعجبك
قلت مش مشكلة
مش برضه مش مشكلة ولا ايه
عايزه تحرمينا من زوارك ولا ايه؟
المهم
كنت عايز اقول ايه كنت عايز اقول ايه
ايوه افتكرت ..وانا بتمشى فى المدونة فى الشارع ده اللى على الشمال ..متهيألى انا حكيت الحكاية دى قبل كده
كنت عااااايز اقول ايه تانى
افتكر ياواد يا باحث
اه صحيح ازاى انسى اهم حاجه فى كلامى ده كله
كل سنة وانتى طيبة وكل اهل بنى سويف والصول طارق حبيبى كان الصول بتاعى فى الجيش واهدى سلامى الى جندى مجند عبد السلام وربيع وحموده واحمد ومحمد نور رفقاء السلاح من بنى سويف وغيرهم كتير
كل سنه وانتى طيبة
ومحطة بنى سويف اللى انا نزلت من القطر املا ازازة المية ولما ركبت لقيت الكرسى بتاعى بنت عنيها خضره قاعده مكانى ..طبعا اتخانقت معاها علشان تقوم انما الناس حاشتنى..انا بس حبيت اعرفها ان ده مكانى
ههههههههه
يله كله بثوابه
لسة عايش
اهلا بحضرتك زيارتك اسعدتنا
وجزاكم الله خيرا على اطراءك
وانا فعلا كنت ناوية اغير صاحبة المدونة
المهم جزاكم الله خيرا وتصميم حضرتك
الجدية اللي فيه مدياله نوع من انواع الجمال برضه لكن مايمنعش ان حضرتك تغير فى يوم من الايام بتصميم
عيالي تخرج فيه العيال اللي جواك
اكرمك الله وشكرا على الزيارة
اه كنت هانسى هو الصعاية
ماينفعش يكون ليهم افكار حلوه ولا ايه؟ ولا دي حاجة غريبة يعني عموما
هانعديها المرة دي واهلا بيك
السلام عليكم
الباحث عن الحقيقة
اخي الكبير ليه الزعل ده
يافندم ازاي افكاركم مش عاجبانا
انا كنت ضايفاها والله بس زي ماشرحت
لحضرتك فى مدونتك اني كنت ضايفة لينك
الاستراحة مش الصحيفة وهانزله دلوقتي ان شاء الله من غير زعل ولا حاجة
وزوارنا هاييجوا ايه جنب زوار حضراتك ده احنا المفروض نستلف منكم شوية ولا ايه؟
على فكرة الاستايل لسه كج ون
وبعدين احنا اول لما نفكركم بحاجة نفكرك بايام الجيش والصول طارق
ده حاجة مش كويسة الا لو
حضرتك خلفت القاعدة والذكريات دي بالنسبالك كويسة وحضرتك لسه بقى فاكر
ان البنت اللي اخدت مكانك عنيها خضرة
طيب هانعديه انا سمعت استاذ عصفور بيقول لحضرتك يابو عبد الرحمن قبل كده
يالا علشان خاطر عبد الرحمن
ربنا يكرمك يافندم
وماتكونش لسه زعلان
السلام عليكم
الله المدونة بتاعتك جميلة اوى والتصميم كمان كنت لسه هسألك عن مين صاحب التصميم علشان بقي اروح اطلب انا كمان دى اول زيارة لمدونتك بس حسيت براحة نفسية كبيرة اوى جزاك الله خيرا
Post a Comment