دنيا غريبة صحيح من كام يوم الواحد كان لسه فى الحضانة
وبعدها بكام يوم بص لقى نفسه فى اعدادي و ماتسألوش
على ابتدائي احنا ناس مابتحبش تضيع وقت المهم بعدها
بكام يوم تانيين لقيت نفسي في ايييييييييييييييييه بئا
فى ثانوي ماينفعش نختصرها دي احنا هاننهب المهم بئا
اكملكم مشوار حياتي الخطير المختصر دا
شوية وبعدها واذ فجأتا كدا لقيت نفسي متخرجة من الجامعة
لسه بقى من كام يوم قال ايه كنت فى امتحانات الدرسات العليا
حسستكم ان انا عديت التلاتين سنة صح
لا لسه اسمعه الخبر العظيم قال أيه اليوم 22 وقال أيه
انا تميت ال22 ازاااااااااااااااي ماعرفش
كدا من غير ماحد ينبهني ولا يقولي انا كملت
اليوم 22 سنة اه والله كلهم كدا حد يصدق
بس تعرفوا رغم ان شكلهم قليل بس اتعلمت
كتييييييير اوي واتعرضت لحاجات كتيييييييير
اوي حسستني اني فعلا عديت التلاتين
خصوصا السنة اللي مضت دي بس لله الحمد
على كل حال فعلا اتعلمت كتير وزي ماتعرضت
لمواقف مش كويسة بردو حصل في
حياتي حاجت كتير كويسة ومنها دخولي
عالم التدوين اللي بتمنى زي ماتاثرت بيه
بحاجات كويسة اكون اثرت فيه ولو بكلمة كويسة
تكون نفعت غيري فى اي شىء والله المستعان
ربنا يعينا ونحاول كمان
يلا ادينا رجعنا اهو بعد غياب وبعد ماكبرت
سنة علشان تبقى عودة اتمنى ماتنقطعش تاني
مع بداية سنة جديدة من عمري
ان شاء الله
18 comments:
حمدا لله على السلامة
عصفور المدينة
اهلا بحضرتك
الله يسلمك يافندم
ربنا يكرمك
هلا وغلا
كل سنة وحضرتك بخير
ونسألأ الله ان تكون السنة المقبلة
خيرا من السنة الماضية
دنياااااااا غرورة
:)
ودى طبيعة الدنيا الابتلاءات عشان ترفع الدرجات وتمحى السيئات
وعشان الواحد يتعلم برضه
ويعرف يتعامل مع من حواليه
وميعش ويفتكر انه فى جنة
وهيلاقى كل حاجة حواليه كويسة
بلاش فلسفة النهاردة :)
كل سنة وحضرتك بخير
امام الجيل
اهلا بحضرتك وحضرتك بخير
وان شاء الله ربنا يجعل
ايامنا جميعا كلها خير وسلام
ويارب يجعلنا دايما من اهل
الابتلاءات وكله خير الحمد لله
محدش بيتعلم ببلاش زي مابيقولوا
وجزاكم الله خيرا على الفلسفة
بنستفيد منها اكيد ربنا يكرمك
يافندم دايما
ما شاء الله ما شاء الله
اتنين وعشرين سنة
مممممممممم
حلوين بردو مش كتير
:D
ربنا يبارك في عمرك ويرزقك العمل الصالح
ويارب اللي جاي كله يبئا احسن من اللي فات
اى والله دنيا
كل سنة وانتى بألف خير وسعادة
والسنة الجديدة تكون احلى عليكى وتحققى فيها كل أمنياتك
تحياتتى ليكى
اول تعليق ليا عندك
انا هروح اوصى على عكاز بحكم السن بقى
لعل الله ان ينفع أحد بكلمة نقولها وتكون زاد لنا
تحياتى
آلام وآمال
اه 22 سنة بحالهم
هما مش كتير كما بس كتير كيفا
ربنا يكرمك يافندم ويتقبل
دعائك ولك مثلة ان شاء الله
ويجعلها ايم خير على الجميع
ان شاء الله
آخر العنقود
اهلا بيكي نورتيني ياقمر
تصدقي انا كمان اخر العنقود
ربنا يكرمك يارب وانتي بخير
وسعادة وشرفتيني بزيارتك
الطائر الحزين
اهلا بحضرتك يافندم
ولا عكاز ولا حاجة لسه بدري
ان شاء الله ربنا يبارك فى
حضرتك دايما انت وكل استذتنا
المدونين وربنا ينفع بينا
جميعا دائما ان شاء الله
كل عام وانتم لله أقرب وعلى طاعه ادوم
كل سنه وانت طيبه يا قمر
والسنه الجايه تكونى فى افضل حال
كل سنة و انت طيبة .. و عقبال تلات ألاف سنة
و عندنا تاج ليكى لو بتحبى التاجات و اعتبريه هدية عيد الميلاد
حمدلله ع السلامة اولاً
وعام جديد وسعيد عليكي يارب
عاملة زيي والله لما كملت ال21 مكنتش مصدقة لانى حاسة انى لسه جوايا عيلة
بس بجد دى اجمل حاجة ان الواحد يكبر زى ماهو براحته هو حر بس يفضل يحتفظ بجانب من الطفولة جواه
تقبلى مرورى :)
محمد الشاعر
اهلابيك وحضرتك بخير
وطاعة ان شاء الله
وشكرا على التهنئة
السلام عليكم
من القلب
منوراني ياقمر
وانتي بخير وسعادة
وربنا يتقبل دعائك
ولكي مثله ان شاء الله
السلام عليكم
ابن حجر العسقلاني
اهلا بحضرتك وحضرتك بخير
جزاكم الله خيرا على الهدية
ولوني ماليش فى التاجات
لكن مقبولة ربنا يكرمك
وهاشوفه ان شاء الله
السلام عليكم
حمامة
اهلا بيكي لاول مرة
ويارب ماتكونش الاخيرة ونورتينا
والله يسلمك متشكرة جداا
وفعلا ياريت الواحد يفضل طول
عمره بفطرة الطفولة جواه
مهما كبر ياريت فعلا
شكرا لمرورك ياقمر
السلام عليكم
Post a Comment