المرضى اللي كانو فى مستشفيات غزة قبل القصف محدش بيتكلم عنهم ليه
اللي كانو حالتهم خطيرة راحو فين عايشين ولاماتو من الاهمال وقلة الامكانيات
الناس اللي زمانها بتموت بالبطيء دي فين الاطفال اللي عايشين على علاج
واللبان صناعية راحو فين الناس اللي بتتغذى وحياتها متعلقة باجهزة دول فين
مرضى الفشل الكلوي ماتو ولا عايشين
مفيش مية ومفيش كهربا محدش يقولي انهم لسه عايشين
هاتقولولي ليه هاقولكم مريض الفشل الكلوي عبارة عن ايه علشان تعرفو
انا ليه بتكلم كدا وليه متاكدة ان اكيد حصل تدهور ووفيات بينهم كتير
ببساطة ومن غير كلام كتير هاحاول اوصلكم بعض المعلومات
احنا عارفين طبعا ان وظيفة الكلى هي تنقية الجسم من السموم والمواد
الذايدة وتخليص الجسم منها فى صورة عملية الايض او الاخراج ودي الكلى الطبيعية
لكن لو حصل قصور فى الكلى بتصبح حالة مرضية وبيحتاج المريض فيها لعملية بديلة
عن الكلى تخلصه من السموم دي وهي عملية الغسيل الكلوي بجهاز ما
القصور فى وظائف الكلى عبارة عن خمس مراحل وهاختصر بردو الشرح فيهم
اخطرهم المرحلة الخامسة ودي اللي بيحتاج المريض فيها اما لعملية زرع كلى
تلت مرات فى الاسبوع كل جلسة عبارة عن 4 ساعات مايمنعش ان احيانا مرضى
المراحل التالتة والرابعة احيانا بيحتاجو لعملية الغسيل دي وقت الضرورة
يمر الدم عبر المُغتسل أو ما يسميه عامة الناس الفلتر ودا عبارة عن غشاء
شبه منفذ يكون عازل ميكانيكي بين الدم من جهة والماء المعالج من جهة أخرى ويخلط الماء
المعالج مع عناصر كيميائية بشكل دقيق
دي العملية ببساطة لو محصلش كل دا بقى يحصل ايه فى خلال اربع ساعات بس ممكن يموت المريض
طبعا العملية دي بمواعيد ماينفعش التخلف عنها وباحتياطات كتير اوي اهمها التعقيم وخصوصا المية
امال بقى لو مفيش مية من اصله هاتقولولي اكيد فى خزانات للطواريء دي طيب اذا كان مفيش
كهربا هاتشتغل الخزانات دي ازاي نفسي افهم وكمان المفروض الخزانات دي بتتنقى وتتغير المية
انا نفسي اعرف فين الناس دي دلوقتي وحالتهم ايه لو لسه بينهم احياء . كل كلامهم عن الشهداء
والمصابين وفى كارثة اكبر من كدا بتحصل ومحدش حاسس انا اتكلمت بلسان حالات معينة
واكيد غيرهم كتير اوي الله اعلم بحالهم الان كل اللي حساه انهم اصعب من الشهداء بكتير
الشهداء بيموتو فى لحظات دول بيموتو بالبطيء نفسي دماغي تقف عن التفكير شوية
الواحد بجد تعب .استغفر الله العظيم وناس كتير عايشة حياتها ولا اكن بيحصل شىء
ياريت الناس كلها تلزم الاستغفار كلنا محتاجين نستغفر ربنا فى كل لحظة على حاجات كتير
وان شاء الله ينقذنا مما نحن فيه ياريت كمان الناس تبطل خلافات بقى تعبتونا مش وقته خالص
محدش بيجيب سيرتهم ليه ؟؟؟؟
ودي طبعا مش هاقول اد ايه مكلفة اذا لقيت متبرع اصلا او الغسيل الكلوي ودا بيكون
وعملية الغسيل الكلوى بالدم يتم خلالها نقل دم المريض إلى ماكنة الغسيل الكلوى وبعدين
.وخلال هذه العملية تقوم الماكنة بضخ الدم بكمية 250 – 500 ملليلتر / دقيقة
وضخ تيار معاكس من الماء المعالج للدم بسرعة 500- 800 ملليلتر / دقيقة يفصل بينهم الغشاء الشبه منفذ,
بسبب تراكم سموم البولينا والاملاح المعدنية اللي الجسم مش بيقدر يتخلص منها
زي املاح البوتاسيوم والكالسيوم وغيرها
Subscribe to:
Post Comments (Atom)
10 comments:
الأستاذة صاحبة مدونة / بنات افكاري
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري
شيماء إسماعيل
باحث ماجستير- كلية الآداب جامعة القاهرة.
ربنا يعينهم ويقويهم
سبحان الله اللى يسمع منهم يلاقيهم اقوى مننا كتير جدا
برغم الاصابات وبرغم كل اللى فيه
وكمان المصابين اللى برا غزة نفسهم يبقوا كويسين عشان يرجعوا غزة بسرعة
ناس حب الشهادة فى دمهم
فعلا المفروض كل واحد يبذل اقصى ما عنده وميبخلش عن اخوانه بشئ
سواء بمال او مجهود او دعاء او اى حاجة يقدر يقدمها
وربنا يثبتهم وينصرهم ويؤيدهم
الناس دى بجد افضل من وجد على الارض
كل خلق لما يسر له
فى ناس يسر لهم العيش فلا يفعلون شئ
واهلنا فى فلسطين مرابطين
وربنا يسرهم للجهاد
اللهم اربط على قلوبهم ..وشتت اعدائهم واظهر الحق يارب
نسألك يارب كشف الغمه
عارفه ايه كمان مجننى غير المرضى
الاطفال ذوى الاحتياجات
الاطفال الرضع..طيب فين اللبن اللى بيشتروه من الصيدليات..يعنى يا هموت بنيران العدو يا هاموت بنقص الاغذيه
المأساة الانسانيه للعيشين اكبر
فالشهيد هو حى عند الله
أما من يعيش ولا يستطيع ان يعيش
او الجرحى الذين صاروا معاقيين نتيجة الضرب ..هيعملوا إيه
هنقول إيه ولا إيه
السلام عليكم ورحمة الله وبركاتة
بجد مش لقية كلام يعبر عن الاحساس اللى حاسة بية
حاسة اننا صغيرين اوى
وفى الارض و
اهل فلسطين كباااار اوى وزى نجوم السما
فوق اوى فى سابع سما
بس لازم نوجد طريقة ونبقى زيهم
علشان نقدر نعيش بطريقة صحيحة
جزاكى الله خيرا على البوست
وجعلى الله فى ميزان حسناتك
دمتى بالف ود
الأستاذة صاحبة مدونة / بنات افكاري
" تحية طيبة" وبعد..
اعتذر عن الخروج من موضوع التدوينة، ولكنه تم إعادة ارسال الرسالة لكِ .
أرجو الاهتمام والرد سريعا بالإيجاب أو السلب.
تحياتي وتقديري
شيماء إسماعيل
باحث ماجستير- كلية الآداب جامعة القاهرة.
شيماء سعيد
اهلا بحضرتك انا رديت على حضرتك
والله المستعان واقدر اساعدك
شكرا لزيارتك وشكرا على اختياري
رغم ضعف مدونتي وسط هذا العالم
من المدونات التي تستحق الاطلاع
اهلا بحضرتك مرة اخرى
امام الجيل
اهلا بحضرتك
وتقبل الله دعائك
وفعلا هما افوى مننا كتير
وافضل مننا كتير يكفي
ربنا اصطفاهم واختارهم شهداء
عنده لكن احنا عملنا ايه
ربنا يثبتهم وياجرهم فى مصيبتهم
خيرا منها اللهم امين
ويقدر كل الناس تساعد ولو بالقليل
ربنا يعينهم ويرحم شهدائهم
الفقيرة الى الله ام البنات
اهلا بحضرتك وتقبل الله دعائك
وزي ماقال اخي امام الجيل
ناس حب الشهادة فى دمهم
ربنا يقويهم على عدوهم ويرزقهم
الصبر والثبات ويتولى الاطفال
والمصابين والعجزة والكسالة
وكل محتاج على هذه الارض ربنا اولى بهم هو احن عليهم من بشر هذه الايام
اللي خلاص اتنزعت من قلوبهم الرحمة
حسبنا الله ونعم الوكيل
حتى تشرق الشمس
اهلا بيكي حبيبتي شرفتيني
وزي ماقولتي هما زي نجوم السما
فوق اوي لكن احنا ربنا يقدرنا
ونعلى دور ولا اتنين ومش بعيد عن ربنا
ويقدرنا نكون زيهم المهم الاخلاص
والاخلاص هو اللي هايوصلنا لطريقة نحصلهم بيها والله المستعان
جزاكي الله خيرا على تشريفك ليا
دمتي بخير دائما
شيماء سعيد
اهلا يافندم
تم ايضا ارسال الرد وارجو
الرد على ماورد من استفسارات
واهلا بحضرتك دائما
Post a Comment