RSS

أتمسك بيه...ولا أسيبه





لو ليك حق تتمسك بيه ولا تسيبه؟

لو واثق منه هاتتمسك بيه ولا تسيبه؟

لو عارف انك هاتخده من فم الاسد

زي مابيقولو تتمسك بيه بردو ولا تسيبه
طبعا بتقولوا ازاي يعني لا اتمسك بيه
طب ولو كانت عواقب التمسك بيه

مش هاتتحملها لوحدك هاتتمسك بيه بردو

ولا تسيبه؟

ولو كانت عاقبة انك تسيبه انك تخسر
حقك فى ان يكون ليك صوت بيقول لا
وانك تخضع لنظام مادي فاشل
وواحدة واحدة تتخلى عن كل ماتملك
ياترى هاتتمسك بيه بردو ولا تسييبه؟
ياريت اعرف رأيكم وان شاء الله
ابقى اقولكم على اللي عملته
بس لسه لما اشوف ايه عواقبه

ودعواتكم ربنا يعديها على خير

ان شاء الله

  • Digg
  • Del.icio.us
  • StumbleUpon
  • Reddit
  • RSS

18 comments:

الطائر الحزين said...

الحق أحق أن يتبع

لابد من تحديد الاولويات

لابد ان يجتمع مع الحق حتى أستطيع ان اخذه

شجاعة وقوة ومروءه والاخير هى التى تمنع التعدى على الاخرين


ربنا يوفقك


تحياتى

Anonymous said...

السلام عليكم
الحق أحق أن يتبع كما قال الطائر الحزين
ولكن مراعاة الاولويات فى الحكم على الاشياء وأخف الأضرار وأعتقد إن معظم المواقف بتستوجب تضحيه أو موقف صارم أو وقفة مع النفس
تحياتى البوست الجميل وعمق الفكرة

مشروع انسان said...

هو بالتاكيد كما قال الطائر الحزين الحق احق ان يتبع

ولو كل واحد فرط فى حقه
هيبقى مشارك ولو بجزء صغير
وهيبقى فرط فى حقه

ومش من حقه يتباكى على ضياع حقه
طالما قد شارك فى ضياعه بنفسه

ولكن النقطة اللى توقفت عندها ان القرار ده سيؤثر ليس على حضرتك ولكن على غيرك
فاعتقد لو كان الحد ده تحت سلطتك
يبقى من حق حضرتك تاخدى القرار على اساس ان حضرتك هتكونى مثلا ربتيهم على كده وعلى هذا الخلق

اما اذا كان نحن مسئولون منه
يبقى اعتقد الامر يقدر فى هذه الححالة بقدره فنعرف جميعا ذلك الفتى الذى اقدم على الجهاد فرده رسول الله وقال له ففيهما فجاهد

يعنى اعتقد الامر يقدر بقدره وحسب الموقف
المشكلة الواحد بيتكلم وهو مش فاهم حاجة
:)
بس يعنى اعتقد ان كلامى قاعدة عامة

دكتور حر said...

كلامك العام يقول انك لازم تتمسكي بيه
لكن لو حللنا وعرفنا
ممكن يكون من انواع الحق اللي يترك للضرر الأكبر

هو طبعا الكلام عايم
لكن ربنا يوفقك لما فيه الخير

عصفور المدينة said...

ولا استخير

بنات افكارى said...

الطائر الحزين

اهلا بحضرتك وفعلا كلام حضرتك صحيح
لكن لما مايكونش فيه مرؤة اساسا
عند اخذي حقوق الناس ولما يكون مفيش
شجاعة ولا قوة نتيجة حيائي انا
يبقى فعلا صعب التوصل لحل
لكن الله المستعان مفيش حق عند ربنا
بيضيع ابدا

السلام عليكم

بنات افكارى said...

عمر مصطفى

اهلا بحضرتك شرفت المدونة
فعلا اهم حاجة الاولويات ومراعاة
حدوث اخف الاضرار لكن اضرار
عن اضرار تفرق ممكن يكون ضرر
شكله بسيط لكن مش هاتتحمله لوحدك
وبكدا مابقاش بسيك بالنسبالك ابدا
عموما هاحكي ان شاء الله المرة الجاية
واعرف رائيكم جزاك الله خير

السلام عليكم

بنات افكارى said...

امام الجيل

اهلا بحضرتك
هي دي المشكلة فعلا ان الواحد
مش عايز يفرط فى حقه علشان
مايتباكاش عليه فى اي وقت
وعلشان مايتعودش على كدا لكن
النقطة اللي استوقفت حضرتك
هي اهم نقطة فعلا واللي مصعبة
عليا الامور وان شاء الله هاحاول
احكي بالتفصيل علشان استفيد من
اراء الجميع ان شاء الله
وعلشان اعرف اتصرفت صح او لا
جزاكم اله خيرا يافندم

السلام عليكم

بنات افكارى said...

دكتور حر

جزاكم الله خيرا وتقبل الله دعائك
وفعلا كلامي عايم وان شاء الله
هاحاول احكي الحكاية واعرف راي
حضراتكم ايه ان شاء الله لكن كنت منتظرة نتيجة تصرفي انا هاتكون ايه لكن المشكلة فعلا كانت فى الاضرار لكن الله المستعان
كل اللي يجيبه ربنا خير ان شاء الله

السلام عليكم

بنات افكارى said...

عصفور المدينة

اهلا بحضرتك ياشيخنا
للاسف وقت المشكلة ماكنش في
وقت للاستخارة لكن الحمد لله
عملتها قبل ماخد قراري علشان
كدا اي نتيجة هاتحملها ان شاء الله
ودعوات حضرتك معانا

السلام عليكم

مدحت محمد said...

فى قاعدة بتقول
درء المفاسد مقدم على جلب المنافع
والاولويات اللى اتكلم عنها الطائر الحزين
بتتقاس بالمقياس ده
مفيش انسان
بيبقى ليه حق
بيصر انه ياخده
الا ولازم ياخده
دى سنة الله فى كونه
هى الارادة
واللى بيتنازل عن حق مشروع ليه
بيتعاقب عليه
تحياتى

Unknown said...

اتمسكى طبعا طالما في الاطار المتاح ليكى

كان المفروض نشوف بعض مع بنت ابيها وام اياد وحور الجنه بس منفعش...حصل خير

تحياتى لكى اختى

بنت أبيها said...

حددى اولويات

اتخذى قرار

استخيرى

ربنا يوفقك لكل ما فيه خير لكي في دنياكى وآخرتك

mohammed alsha3r said...

ان شاء الله لكل مشكله حل

وما ضاع حق وراءة مطالب

بنات افكارى said...

مدحت محمد

اهلا بحضرتك اولا وشرفت المدونة
وثانيا متفقة معاك ومحدش بيسيب
حق ليه متعمد لان فعلا زي ماحضرتك قولت
لو فرط فيه هايتحاسب عليه لكن المشكلة
مش فى انه يفرط فيه لا المشكلة فى عواقب
انه يتمسك بانه ياخده لكن الله المستعان
وربنا يرد كل حق لصاحبه ان شاء الله

السلام عليكم

بنات افكارى said...

حطم القيود

اهلا بيكي ياقمر وان شاء الله
بنحاول نتمسك على قد مانقدر
ربنا يكرمك وانا كمان كنت مشتاقة
اشوفك اوي لكن خير تتعوض ان شاء الله
واتمنى يكون قريب نورتيني ياحبيبتي

السلام عليكم

بنات افكارى said...

بنت ابيها

اهلا ياحبيبة قلبي الله المستعان
فعلا عملت كدا وربنا ييسر الحال
بس دعواتك ان شاء الله
ودايما منوراني كدا
ولكي مثل دعائك ان شاء الله

السلام عليكم

بنات افكارى said...

محمد الشاعر

اهلا بحضرتك ربنا يحلها
من عنده ان شاء الله
وربنا مايضيع حق حد
ولا تعب حد ابدا ان شاء
الله واهلا بيك دايما

السلام عليكم