اولا بعتذر على الكلام العايم فى البوست اللي فات
وعارفة ان كتير ماقدرش يعلق لانه مافهمش الحكاية
بس انا قولت اشوف الاول نتيجة تصرفي وبعدين
احكيلكم بالتفصيل وطبعا دا مايمنعش اني استفدت
من التعليقات اللي وصلتني الحمد لله
ومعلش استحملوني الحكاية طويلة
نبتدي منييييييييييين نبتدي منيييييييييييييييين
من الاول بقى من اول ماروحت اشوف
نتيجتي من بعد اول اسبوع فى الدراسة
ونتائج الدرسات العليا بتبان فى كلية العلوم
كل الاقسام ماعدا قسمي العزيز قسم الجيولوجيا
اللي بعتز بيه جدا ولله الحمد المهم اخروا
نتيجتنا اسبوع واتنين وتلاتة بدئنا نقلق
خصوصا ان كل الدكاترة بيقابلونا يقولونا
احنا سلمنا الورق والدكاترة فى الكنترول
النتيجة راحت لوكيلة الكلية من فترة
تعتمدها والمفروض تكون نزلت طيب
وبعدين قولنا مابدهاش نروح لوكيلة الكلية
روحنا للسيدة الفاضلة وكيلة الكلية
لشئون الدرسات العليا لو سمحتي نتيجتنا
ليه ماظهرتش لحد الان قالتلنا انتوا قسم ايه
والمهم قالتلنا النتيجة المفروض من اسبوع
خالصة طيب وليه ماعرفنهاش ماردتش
المهم طيب عايزين نعرفها طلعتلنا الكشف
وياريتها ماطلعتوا بنبص ولله الحمد كل الناس
كويسين وببص على نتيجتي تقولي عندك
مادة ضعيف جدا بلاش اقولكم بقى على
شعوري وقتها علشان ماتعبكمش معايا
طبعا الواحد لله الحمد رغم مروره بفترة
صعبة شوية ولخبطة كتير فى حياته الترم
الاول دا الا ان لله الحمد حاولت بقدر
الامكان اعمل اللي عليا لعدة اسباب
المهم سالتها ودي مادة ايه حضرتك
قالتلي المادة الفلانية قولتلها استحالة
انا واثقة اني حليت حل مش اقل من
جيد ابدا قالتلي امال ايه اللي قدامي دا
طبعا ماقولكوش على طريقة الحوار
المستفذة اللي تحرق الاعصاب زيادة
قولتلها شكراااااااا وخرجت روحت متصلة
بدكتور المادة قالي يابنتي انا مش منزل
حد خالص واقل حد عندي جايب كذا . كذا دي
تعادل مقبول يعني وخليته كررها اكتر من مرة
علشان اتاكد فاقولتله اللي حصل وانهم مديني
فيها 19 من 100 بمعنى ضعيف جداا
قالي اكيييييييييييد فى خطا من الكنترول
وكلمي دكتور كذا رئيس الكنترول عندكم
فى القسم المهم فين على ماتحصلت على
الدكتور دا وكل اللي قالهولي ااااااااه
هي جات فيكي قولتله نعمممممممممممم
هي ايه دي قالي ابدا طيب هاشوف
كدا وابقى تعاليلي تاني قولت اه شكلها
حكاية متطمنش وانا راجعة من عنده
قابلت دكتور اعرفه وهو شخصية متفاهمة
جداا وصدف انه كان فى الكنترول لما
حكيتله كل اللي قالهولي وبصوت خافت
يابنتي لو ليكي حق اجري وراه وماتيأسيش
قولت لا اله الا الله انا بحارب ولا ايه انا
عايزة حقي مش عايزة حاجة زيادة
المهم دكتور المادة فى مرة تانية قالي
ان اكيد في خطا فى الواحد اللي فى 19
ممكن يكون 7 او 8 بمعنى مايقلش
عن جيد جدااا قولتله الحل فى ايد حضرتك
تكلم وكيلة الكلية تفهمها كل دا بدل ماقدم
اي تظلم او شكوة وانا واثقة من اللي عملته
طبعا الدكتور على نياته مايعرفش اللي فيها
راح مكلم وكيلة الكلية قالتلو الموضوع
خلاص خرج من ايدك ولو هي عايزة تقدم
تقدم ماتعرفش انه قايلي انه مش منزل حد ولو
قدمت اي تظلم بشهادة زمايلي على كلامه
هو اللي هايحصلوا مشاكل
المهم انا عارفة ان انا طولت عليكم
بس من الاخر النظام من سنين فى
التعليم بقى نظام اقتصادي بحت لان
كل طالب علشان يحب يعمل دراسات عليا
بيدفع مبلغ وقدره واللي يشيل مادة لازم
يدفع نفس المبلغ حتى لو مادة واحدة
وعلى هذا الاساس كان لازم تكون فيه
نسبة نزول فى كل قسم لزيادة الارباح
وادي جزات اللي يحب يكمل تعليمه
حتى العلم بقى بيتباع واسعاره ولعت
ولا حول ولا قوة الا بالله
معلش انا بحاول والله اختصر كتير
طبعا كذا دكتور يقابلني احكيلو
يقولي يابنتي دا نظام مادي فاشل
وماتتعبيش نفسك وبلاش تقدمي اي تظلم
بدل مايعملوا معاكي كدا الترم التاني
ووقتها اي مادة هاتخديها الترم التاني
هاتمتحنيها فى شهر 7 اللي بعده
يعني هاتضيعي عليكي سنة كاملة
ممكن تسجلي فيها الرسالة بتاعتك
قولت يعني ايه خلاص اسيب حقي
وكان قدامي حلين اما اسيبه تجنب للي
هايحصل الترم التاني او اني اتمسك
بيه واتحمل الخسائر المادية والمعنوية
اللي ماكنتش هاتحملها لوحدي ناس
كتير لاسف كانت هاتتعب معايا
ودا اللي كان مخليني مترددة
بس فى النهاية اللجوء لربنا هو اسلم حل
واقصر طريق حتى لو ماحققتش اللي
انت عايزة يكفي انه هايطمنك ويحسسك بالراحة
ولله الحمد من قبل ومن بعد دكتور المادة كلمني
قبل ماكنت خلاص استقريت على اني هاقدم
التظلم واللي يحصل يحصل والله المستعان
وقالي خلاص الدرجة الحمد لله اتعدلت
وتقديرك جيد جدا والجيد جدا فى التمهيدي
تعادل امتياز فى المراحل العادية حسب اللايحة
طبعا ماصدقتش قولت انزل اتاكد والحمد لله
اتاكدت والدكتور قالي وكيلة الكلية ماتشوفكيش لحد
ماتخرجي من الجامعة دي اخر السنة
قولتله وانا مش عايزة اشوفها
وتوتا توتا خلصت الحدوته واللي يعيش
يااااااااما يشوف
14 comments:
والحمد لله رب العالمين
تعبت أعصابي معاك والحمد لله أنها انتهت نهاية سعيدة
حفظك الله وبارك في جهدك
الله يسامحك
بعد التعب ده كله
الحمد لله انها انتهت نهاية سعيدة
تحياتي
يا ربى
اوووووووووف
بعد صحيح تعب الاعصاب ده كله
بس الحمد لله
مش مشكلة تعب اعصاب تعب اعصاب
المهم ان الحمد لله اتعدلت
ربك كريم اوى
بس جميل ان حضرتك سعيتى ورا حقك لغاية ما خدتيه
بس عيشنا قليلا من المعاناة فى البوست المحبوك حبكة فنية رائعة ده
:)
نقول الف مبروووووووووك
وعقبال الماجستير والدكتوراة
ودى بقى اللى بيسموها كدبة ابريل ولا ايه
ههههههههههههههههههههههه
الف مبروك مرة تانية
ياااااه كنت ح اموت من القلق .. الحمد لله وألف مبروك .. فعلا ربناسبحانه وتعالى مش بيضيع تعب حد
تعرفي الموقف ده حصل مع صاحبتي السنة دي وللاسف شالت المادة وسكتت لانو حاولت كتير تعدل النتيجة قالولها خلاص النتيجة اتحطت وانتهينا
الحمد لله انها جات سليمة معاكي رغم ان كان في شوية تعب اعصاب ..
الف مبروك وعقبال الدكتوراه
تحياتي
الحمد لله
خضتينى عليكى اول ما قرأت الموضوع
بس انا زعلانة
عصفور المدينة
اهلا بحضرتك ياشيخنا معذرة
على تعب الاعصاب بس دا جزء
بسيط من اللي انا عانيته والحمد لله
ربنا يكرم حضرتك ويتقبل دعائك
وماتنساناش من دعائك دائما ربنا ييسر لحضرتك الحال ويعينك فى كل احوالك اللهم امين
السلام عليكم
صاحب المضيفة
اهلا بيك يافندم نورتنا
معلش بقى اعمل ايه كان
لازم احكي بقى دا انا اختصرت
كمان والحمد لله ربنا فرجه قريب
فعلا لله الحمد من قبل ومن بعد
السلام عليكم
امام الجيل
اهلا بحضرتك للدرجادي معلش
بقى الاخوان لبعضيهم لوني
ماكنتش اقصد اوصل المعاناه
دي واختصرت حكاوي كتير حصلت
معايا لكن خير دي معاناه فى دقائق قليلة انا عشتها فى اسبوعين واكتر
لله الحمد لكن ربنا فعلا كريم اووووي
الحمد لله وربنا يبارك فى حضرتك
يارب ويتقبل دعائك ان شاء الله
وحلو كدبة ابريل لو كانت جات
فى بالي وانا بكتب كنت خليتها
عنوان البوست يلا خير المرة الجاية
ربنا يكرمك يافندم ويسعدك دنيا واخرة
وربنا يبارك فيك مرة تانية
السلام عليكم
ارسم بالرصاص
اهلا بيكي ياحبيبتي منوراني
واسفة جدااا على تعب الاعصاب
امال انا اقول ايه بقى وصاحبتك
كان المفروض تستمر مفيش حاجة اسمها
النتيجة اتعملت وانتهينا طالما
واثقة من حقها لازم تجري وراه على
راي الدكتور بتاعي لكن فى النهاية
دي اقدر ربنا لينا ونحمد الله على كل حال لان كله خير فى النهاية ان شاء الله
اهلا بيكي مرة تانية وعقبالك يارب
السلام عليكم
بنت ابيها
حبيبة قلبي مانقدرش على زعلك ابدااااااا انا عارفة ليه والله
غصب عني انا مش مصدقة لحد الان والله
هاصلحك بقى بمعرفتي ومعلش اني خضيتك ياقمر ان شاء الله اشوفك قريب
السلام عليكم
الحمد لله
بس كدة انتى حاولتى وأخذتى بالاسباب و سألتى
عملتى جهد يعنى
ربنا يوفقك
الف مليون مباااااااااارك
وعقبال الدكتوراه
ونشوف حضرتك أحسن دكتورة
ويارب يبارك فيكم وامثالكم
وعقبالى
الطائر الحزين
اهلا بحضرتك الحمد لله يافندم
والله حاولت وكنت خلاص هاكمل
لكن بفضل الله كل شىء اتحل
من عنده والحمد لله
السلام عليكم
محمد الشاعر
اهلا بيك يافندم والف مليون
الله يبارك فيك ويااارب نشوف
كل طلبة المسلمين احسن طلبة علم
ان شاء الله لانهم مش اقل منها وعقبال
حضرتك يااااااااارب تكون افضل
منا ان شاء الله
السلام عليكم
Post a Comment