قيل لأحد الحكماء ماذا تقول فى العفو والعقوبة
فقال هما بمنزلة الجود والبخل , فتمسك بأيهما شئت
هل اخطأت يوما فلامتك نفسك وضاق بهمك صدرك وحملت معاذيرك واسفك
وذهبت الى من أخطأت بحقه تستسمحه فردك وأغلق دونك باب قلبه؟
ترى ماشعورك وقتها؟ وقد أسلت على أعتاب قلبه ماء وجهك وبادرته بالأسف
والأعذار والندم ..ولكنه أراك أشد مواطن نفسه قسوة وصلابة؟؟؟
لا أعتقد ان احد منا يحب ان يوضع فى مثل هذا الموقف . فكلنا يطمح فى ان
يعفو عنه الآخرين حال خطأه.. كلنا يرجو الصفح والغفران.. يبدو ان العفو
عملة نادرة فى زمننا هذا ! فلم لانكون نحن تلك العملة النادرة؟؟؟
قال احد أصدقاء الزاهد بن سماك -واعظ هارون الرشيد-يوما
(الميعاد بيني وبينك غدا نتعاتب)
فقال له بن السماك رحمه الله : بل بيني وبينك غدا نتسامح
نعلم جميعا ان الحياة تدافع وتصادم ونسبة ان نخطىء ويخطىء علينا كبيرة
فاذا اصررنا ان نغلق الابواب فى وجه كل من أخطا فى حقنا وأصر هو الآخر
على ان يغلق الابواب فى وجهنا أذ أخطأنا فى حقه فكيف ستكون الحياة
يمكننا ان نعفو ونصفح أذا علمنا
ان كل بني آدم خطاء وان الخطا من طبائع البشر عندها سنعفو لاننا نعلم اننا*
يوم ما سنخطىء وسنتمنى ان يعفو عنا الاخرين
سنعفو ايضا اذا استشعرنا قيمة العفو الروحانية فاللعفو برد على النفس*
وحلاوة يستشعرها القلب فهي صفة من صفات الخالق يسعد بها العظماء من الخلق
سنعفو اذا علمنا ان العفو من شيم المتقين , يقول الله تعالى واصفا اهل الجنة*
بانهم (الذين ينفقون فى السراء والضراء والكاظمين الغيظ والعافين عن الناس
والله يحب المحسنين) آل عمران:134
سنعفو كذلك اذا طمعنا بان يعفو الله عنا فعن الحسن بن علي رضي الله عنه انه قال*
(يقال يوم القيامة ليقم من كان له على الله اجرا! فما يقوم الا انسان عفا
ثم قرا الآية (والعافين عن الناس والله يحب المحسنين) ا
ايضا اذا علمنا ان العظماء قد عفو وسامحو من اخطا فى حقهم فهذا الحسن بن علي*
رضي الله تعالى عنهما - يقول(لو ان رجلا شتمني في اذني هذه واعتذر فى اذني
الاخرى لقبلت عذره) وهذا جعفر الصادق رحمه الله- يقول
(لأن اندم على العفو عشرين مرة أحب الي من ان اندم على العقوبة مرة واحدة)
ياترى هانقدر نكون زيهم او حتى نقتضي بيهم ياترى هانقدر تكون نفوسنا سمحه
بهذه الطريقة اتمنى من الله ذلك .كتبت فى هذا الموضوع كابداية للتغير فانا عن نفسي
اسامح من اخطا فى حقي مهما كان خطاه ولكن عيبي اني لا أنسى اي جرح نهائيا
حتى لو أخفيت على كل من حولي وأظهرت العكس فالله المستعان ويجعلها بداية
التغيير وبداية العفو لاني اطمح الا أن يعفو الله عني
اه كنت هانسى اقولكم نجحنا بفضل ونعمه من الله صحيح التقدير اقل
من الترم الاول لكن انا ماكنتش اطمع فى الاكثر ولله الحمد دعواتكم ان شاء الله
اللي جاي اصعب بكتير مش بس فى الدراسة ربنا يديني الوقت واحكي معاكم
أكتر واكتر ان شاء الله وربنا ييسرلكم الخير جميعا
26 comments:
الف مبرووووووووك
الواحد قال عفو ومش عفو
قلنا النتيجة فيها حاجة
:)
بس الحمد لله خير
وما شاء الله بوست مميز جدا
لذلك كان للعافين دون غيرهم اصطفاء
بان يناديهم مناد من كان له حق على الله فليقم
فيقوم العافون عن الناس
اى جمال هذا واى فضل
واى منة واى عظمة تلك
ان يكون لمرء حق على الله دون باقى الخلق
لانه ينم عن شخصية اصيلة نقية طاهرة
بس ازاى نجيب التوافق بين ان الواحد يعفو ومينساش الالم هل يا ترى هذا يضاد هذا
انا برضه عندى المشكلة دى
ونفسى اقدر انسى الالم بس بيكون صعب
خصوصا ان بقى الاصل للاسف فى الناس دلوقتى انهم يتعاملوا بدون تقدير اى مشاعر بس اعتقد ان الميزة ان اللى بيبقى عايز الناس تعامله كما يحب انه يعاملهم كده يعنى يخاف على مشاعرهم
المهم
مبروووك
لو لوووووووووووووووووى
ترليون مليار مليون الف مبااااااارك يا سكراية
بجد فرحت خالص
فين بقى الحلاوة بتاعتي
:)
جميل قوي عنوان البوست
اكيد التسامح موجود بكتييير .. بس احنا مش شفناه قدامنا كتيير
وحشتيني
جميل جدا البوست ده بسيط لكن مؤثر
والاقتباسات اللى فيه جميله جدا
ما شاء الله ربنا يبارك فيكي
والف مبرووووووك
بوست جيد جدا
مش جيد بس
بجد كلام هيج مشاعري جدا
سلم مداد قلمك يابنات أفكارك
الف مبروك على النجاح
قبل معاودة القراءة
ماذا فى العفو عند العجز؟؟
بارك الله فيك ويسر لك كل عسير
امام الجيل
اهلا بحضرتك ربنا يبارك فيك يارب
والحمد لله جات سليمة بركة الدعوات بس
ربنا يجعلنا من العافين عن الناس ويكون لنا المنزلة دي حقيقي هايكون احساس لا يوصف علشان كدا كتبت فى الموضوع دا وكنت هاطول واستشهد بقصص وايات اكتر بس خفت البوست يطول
وكمان اني فعلا حست بتناقض بين اني بسامح واني مابنساش الالم وللاسف مش قادرة انسى بس بحاول على امل ان دا هايكون مجاهدة وان شاء الله جزائها عفو ربنا عني رغم فعلا زي ماحضرتك ذكرت ان الناس مابقاش عندها مراعاه لشعور غيرها ابدا بالعكس بئا هو الطبع السائد بين البشر دلوقتي ربنا بس يثبتنا ويعينا على يومينا فى الدنيا دي ويخرجنا منها على خير وبامر الله نقدر ونحاول نكون من العافين بعنى الكلمة ان شاء الله
جزاكم الله خيرا يافندم ربنا يبارك فيك ولا تنسانا من دعائك
السلام عليكم
بنت ابيها
ايه النور تااااااااا حبيبتي هنا
وايه دا زغروووووته ربنا يكرمك يارب
وايه الرقم اللي مش عارفة اعده دا فيه كام صفر طيب انا بليدة فى الحساب:))) ماتحرمش منك ياقمر يارب
والحلاوة هاجيلك لحد عندك قريب اوي اديهالك ان شاء الله علشان انتي وحشتيييييييييييني من هنا ليوم القيامة وفعلا مشكلتنا اننا مش شايفين التسامح قدامنا بس مش عارفة هل فعلا موجود ولا ايه انا ماعتقدش بس عندي امل يتوجد لانه مش صعب
فرحني تعليقك ياقمراية
الباحث عن الحقيقة
اهلا بحضرتك يافندم ربنا يبارك فيك
وجزاكم الله خيرا كان نفسي اطول فى اكتر بس مارديتش عارفة ان الناس بتزهق
جزاكم الله خيرا وربنا يبارك فى حضرتك مرة تانية
السلام عليكم
محمد الشاعر
جزاكم الله خيرا
والله يبارك فيكم يارب
وربنا يكرمك على كلماتك
انا كمان اتاثرت بالكلمات وانا بقراها قبل مانزل البوست
ربنا يجعلنا من اهل العفو
وشرفتنا بالزيارة
السلام عليكم
الطائر الحزين
اهلا بحضرتك نورتنا
وحضرتك تقصد ايه بالعجز
علشان اعرف ارد على حضرتك ؟؟
هل حضرتك تقصد انك بتعفو وانت عاجز عن العفو دا ولا ايه معذرة مش فاهمة حضرتك تقصد ايه بالظبط
وربنا يكرمك على دعاوتك جزاكم الله خيرا فانا بحاجة اليها ولك مثله ان شاء الله
السلام عليكم
الف مليون مبارك (مبروك يعنى) يا قمر
وتدوينه جميله فعلا
بس ربنا يرزقنا العمل
العفو عند المقدره ده حاجه ساميه اوى
ومش بيقدر يعملها الا المؤمن على حق
والراغب فى جزاء الاخره
ساعات الانسان بيبقى صعب عليه اوى انه يعفو وخصوصا لو كانت الاسائه كبيره اوى
بس لما بيفكر فى الاخره والجزاء
بيقول تهون الاسائه
المهم الجنه
ربنا يزقنا العفو عند المقدره
الف مبرووووك الاول
وعودا حميدا
::::::::::
اللهم عودنا التسامح
وسامحنا
جزاك الله كل خير
ألف مبروووووووووك على النتيجة
وعقبال الباقى
ربنا يعينك ويخفف عنك
جميل موضوع التسامح ده
ربنا يجعلنا من المتسامحين
ومن الكاظمين الغيظ
عجبنى قول ابن السماك
ميعادنا غدا نتسامح
جزاكم الله خيرا على الموضوع
انت عاملة ايه
واحشانى مووووووت
مباااااااااااااااااااارك ياقمرررررررر
بس انا باركتلك قبل كده هي شغلانه يعني
:)))
موضووووووووووعك روووووووووووعه
اللهم ارزقنا العفو وارزقنا الرضا
نسأل الله العفو والعافية والقدرة على العفو عند الغضب ...
البوست جميل بجد وكلمات في مكانها
وألف هنية النجاح ياقمر .. ويارب دايما ناجحة وسعيدة وفي تقدم :)
كل عام وانتِ الى الله أقرب وعلى طاعته أدوم :)
دمتِ بكل ود
حطم القيود
ربنا يبارك فيكي حبيبتي
نورتيني وفعلا ربنا يرزقنا
العمل ويقدرنا على الثبات
ان شاء الله
دكتور نور
حبيبتي وحشتيني اوي
ربنا يكرمك يارب فعلا بيكون صعب
بس زي ماقولتي المؤمن هو اللي بيقدر
ربنا يجعلنا مسلمين ومؤمنين حقا
ان شاء الله ونورتيني ياقمر يارب دايما
دكتور حر
الله يبارك فى حضرتك يارب
وربنا يبارك فيك اللهم امين
ويتقبل دعائك ان شاء الله
ومنورنا دايما
اكتب بالرصاص
اهلا بحضرتك شرفتنا لاول مرة
ونرجو تكرارها ان شاء الله
وجزانا واياكم كل الخير ياقندم
اللؤلؤة المكنونة
حبيبية قلبي انتي وحشاني اكتر
بس صبرتيني النهاردة بكلامك معايا
ماتحرمش منك ابدا ياااااااااارب
ويحققلك اللي بتمنيه ان شاء الله
ويارب يتقبل دعائك ويجعلنا من الكاظمين العافين عن الناس اللهم امين
عاشقة الفردوس
ايه النور دا ياناس
الله يبارك فيكي ياحبيبتي
وبعدين ماتهني تاني وايه يعني
ااقل منها ولا ايه بس لما اشوفك
وشكرا على الاطراء ياقمر اخجلتم
تواضعنا والله :) نورتيني ياقمراية
همسة قلم
ماشاء الله ايه دا همسة عندنا
يامرحبا يامرحبا جزاكي الله
الله خيرا ياحبيبتي ربنا يسعدك يارب
ويتقبل منك اللهم امين وكل عام وانتي فى طاعة يارب ومن الله اقرب وعلى طاعة ادوم اللهم امين ودايما مشرفانا كدا
كل عام وانتم لله اقرب
وعلى طاعه ادوم
دعواتكم
Post a Comment