من قناة بنات افكاري البلوجرية عدنا بفضل الله
صرحت بنات افكاري عن انتهاء امتحاناتها منذ اسبوع ولكن تم التحفظ
على رصيدها من الاجازات لحين انتهائها من مجموعة من الدورات والتدريبات
والمشغوليات والضغوطات وتقول انها تريد التحدث معكم كثيرا ولكن تشعر بانها
على جهاز حد غريب نظرا لما اصاب الجهاز من عين حاقدة اسفرت عن حادث بشع
اودى بحيات الويندوز وماعليه من اشياء مهمة وادي حال الدنيا ولكن عاد بفضل الله
الجهاز من غير طبعا ماكان عليه ياله من احساس بشععععععععععععععععع
كفاية كدا مش عارفة ايه الكلام العجيب دا مش عارفة اكمل نخلي البساط احمدي احسن
الا يعني ايه احمدي؟؟؟ ماعلينا
كل مابكتب لغة عربية فصحة كتير بتزيد الاخطاء وفيه حد بيراقب اخطائي فى اللغة العربية
دايما ويصححهالي عارف نفسه طبعا ......ايوه حضرتك امال مين يعني ماعلينا
جاني واجب فى الشات بوكس يعني انا اخلص امتحانات وارجع الاقي واجب فى الشات بوكس
مش عارفة ايه كرم المدونين الزايد دا لازم اللي ييجي يزور ييجي بواجب فى ايده طيب كنت خليها
كيلو قشر برتقان حتى يلا كتر خيره صاحب الواجب والله انه افتكرنا بعد زيارة من فترة ولمرة واحدة
وبردو كانت فى الشات بوكس نبتدي بئا والامر لله وحده
س :ـ أذكر اسم من طلب الواجب؟
ج :- الاخ ابو جهاد جزاه الله خيرا وسبحان الله مش عارفة افتكر
مدونتي ازاي بعد زيارة واحدة وكمان مدونته مكتوب وانا مش بعرف
صراحة اتعامل غير مع بلوجر فابجد جزاكم الله خيرا ياأخي
س :ـ قوانين الواجب ؟
ايه دا ميييييييييين ولا حد قالي
س :ـ 6 أًٍسرار لا يعملها من يقابلني لاول مره؟
ممممممممم طيب ليه كدا هو اساسا مش هاتفرق كتير لان حتى اللي يعرفوني
اوي بحس ان هما في حاجات مايعرفهوش عني وماذالو بيكتشفوها بس نقول ايه
1- حساسة جدااا اقل كلمة واقل موقف ياثر فيا بس مش ببين لحد
2- دمعتي قريبة جداااااااا بس عزيزة اوي لكن بمجرد مابلف ضهري للشخص اللي
حصل معاه الموقف مثلا بتزل لوحدها توماتيكي والجدع يعرف يسكتني بس شاطرة وبسكت لوحدي
3- طفلة سهل اوي اللي يزعلني يحايلني باقل شىء ومازال لي تصرفات ماتخرجش من اطفال
لو قعدت احكي هاتضحكو عليا للصبح بس انا والله كبيرة وشاطرة وبعرف كل حاجة
كدا تلاتة ماكفايا كدا ممممممم نقول ايه تااااني يابنات افكارك ايه تااااااااااااني اه
4- حاجة مهمة اللي بيعرفني مايعرفش ان انا تربية امي لوحدها شخصيتي دي اتكونت بفضلها هي
ربنا يخليهالي يارب ويباركلي فى عمرها هي وكل امهات المسلمين
5- قليلة الكلام جدا وبحب الحكمة اللي بتقول الصمت حكمة قليل فاعله دي حاجة الناس بتعرفها
اني هادية هدوء قاتل بس اللي مش بيعرفوه من اول مرة اني قادرة على الكلام بفضل الله
فى اي موضوع وفى اي مجال ولله الحمد بيكون عندي خلفية ادخل فى مناقشات بس مش بيبان
بسبب سكوتي دا اللي احيانا بيكون مزاج او بيكون مالوش سبب ومالوش لازمة احيانا تانية
بس ربنا بيعني وقت الضرورة والحجر بينطق
6- عندي اخ واحد ولد كدا زي العسل اسمه احمد وهو سي السيد بتاعنا طبعا انا الصغيره ربنا يجوزه
يارب قريب علشان ارتاح شوية شغلاله لبيسة وجزمجية ومكوجية وكل حاجة بس بجد بحب كدا اوي
ربنا يخليهولي يارب واخدمه على طوووووول لونه عايز يخلص مني قريب ربنا يستر
الحمد لله اصعب جزء خلص جينا بئا لوقت التدبيس
س:ـ 6 مدونون أوجهلهم الدعوه مع الروابط +توجيه الدعوة؟
ستة بس مممممممم عموما ناس كتير جاوبته
وان شاء الله كل اللي يلاقي نفسه فى الليستة اللي على ايدكم الشمال دي
يتفضل يجاوب لو ماكنش جاوبة ومش عايزة مناقشات واعتذارات خصوصا الناس اللي هاتعلق
واياك محدش يعلق ....بقيت بهدد كتير انا عارفة بس كلام على الفاضي والله ماتخافوش
وعلى رئسهم ابي وشيخنا الفاضل عصفور المدينة لوني عارفة ان اي واجب لازم يعدي عليه
نظرا لانه وكيل وزراة المدونات
والاخ امام الجيل اللي بيحب الحاجات دي والناس بتحب اجاباته
الاخ آلام وآمال علشان كان ممرلي تاج زمااااااان وانا ماحليتوش فابردله الواجب
وكمان علشان بطل يزورنا ومعندوش وقت فا انا براعي الظروف وهاوديله الواجب لحد عنده
ناخد تلاتة من المدونانات بئا
حبيبتي بنت ابيها صاحبة مدونة ظبط دماغك
حبيبتي اميرة اساطير الخريف بنرحب بيها يعني بعد غياب
حبيبتي ايمان المدير التنفيذي لحملة حبا فى رسول الله وماتخافوش هاخليها تجاوب
بالعربي علشان الناس تروحلها
فى النهاية بئا بجد بحمد ربنا على ظهور الحملة دي لانها عرفتني على شخصيات ممتازة
ان شاء الله ييجي الوقت واتكلم عنهم جميعا وياريت تدعولهم معاكم ربنا يوفقهم جميعا
انا طولت انا عارفة معلش بئا المدونين لبعضيهم يلا وادعولنا معاكم كتير الفترة دي
واعذروني علشان مش بعلق عندكم بس بزوركم والله وان شاء الله ربنا يديني الوقت
اعلق عندكم تاني
25 comments:
لا حول ولا قوة الا بالله
قال يا قاعدين يكفيكوا شر المدونين
:)))
سبحان الله لسه كنت بكلم دكتور حر من كام يوم
وبحمد ربنا ان التاج ده بالذات معداش عليا
ولكنه باين عليه تاج وداير
خير ولا يهمنا
ومشكلة التاجات معايا ان الناس بتقول انى بجواب بدبلوماسية
كنا بنتكلم عن التاج ده واللى فتح الموضوع دكتور حر لانه قال ان الناس بتكتب مميزاتها بس
مش الكل بس المعظم يعنى
المهم ربنا يستر
اجابات حضرتك جميلة
وربنا يخلى لحضرتك سى السيد ووالدته
ويسعدكم دوما
امين يا رب
يا للهول أنا مش ناقص تاجات الله يسامحك يا بنتي
حمدا لله على سلامتك
وربنا يبارك في الأخ أحمد بس ما ترجعيش بعد ما يتجوز تقولي أنا بافتقده
4 صفات من اللي انتي ذكرتيهم أنا شايفهم كلهم صفة واحدة يعني ده غش في الامتحان
على فكرة أنا مابقيتش عارف علي كام واجب لحد دلوقت
امام الجيل
يااهلا بحضرتك معلش بئا شر لابد منه
وكاس وداير زي مابيقولو وحضرتك ادها وادود وفعلا الناس كتير بتظن الاجابات دبلوماسية بس جايز لانهم مايعرفوش حضرتك كويس كمان دكتور حر عنده حق بس تصدق حضرتك الصفات اللي كتبتها انا دي كتبتها علشان ناس كتير بتنتقضها فيا وبتعتبرها عيوب وبصراحة زي ماقال البشمهندس عصفور في صفات متشابهة كنت بلف وادور صراحة لاني مش بعرف اتكلم عن نفسي ونفسي التاجات اللي ذى دي تتبعت للي يعرف صاحب المدونة نفسه ويتكلم عنه يعني مش هو اللي يجاوب لا اللي يعرفوه هما اللي يجاوبو عنه ونكتشف عيوب ومميزات بعض بئا وتبقى هيصة بس اعتقد كدا هانستفيد من فكرة التاجات دي اكتر ان نشوف عيوبنا والنقض اللي علينا من وجهة نظر غيرنا وهكذا
وجزاكم الله خيرا على دعواتك يافندم
ربنا يكرمك ومنتظرين الاجابة على الواجب ولا وكبرتي يابنات افكاري وبقيتي بتمرري واجب على الناس الكبار
حاجة حلوة والله
السلام عليكم
عصفور المدينة
هييييييييه ابي عندنا
الله يسلمك ياابي من كل سوء يارب
شوفت حضرتك شقاوة الاولاد بس لو اعرف ان حضرتك مش عايز ماكنتش عملتها يلا ربنا يخليك لينا ومايحرمكش من شقاوتنا ابدا وربنا يبارك فى وقت حضرتك يارب وتقدر تجاوب على كل الواجبات اللي عندك
وفعلا حضرتك كشفتني انا اصلي كنت عمالة بلف وادور ومش عارفة اجاوب اصلا
والاخ احمد والدتي عملاله شقته فوقينا على طووول يعني مش هانفتقده ان شاء الله الا لو انا سبتهم بئا ربنا يستر
ربنا يسعد حضرتك يارب ويعينك وييسلك احوالك ولا حرمنا الله من زياراتك ابدا
السلام عليكم
حمدلله عالسلامة
وتتعوض بالنسبة للكومبيوتر
صحيح هتقعدي تلات سنين تجمعي في الحاجات اللي كانت عليه
>>>>>دد انا مقضياها كدا الحمد لله
لكن خير خير
....
انا بانسبة للواجب
اكتر حاجتين اثروا فيا
كلامك عن والدتك
وعن اخوكي
فعلا العلاقات الاسرية دي اجمل حاجة في الدنيا
كفاية تحسي ان البيت هو منبع الطاقة اللي بيخليكي تستحملي العالم برا
ربنا يخليهملك ويخليكي لهم
ويحفظكم ويبارك فيكم
السلام عليكم ورحمة الله وبركاته
بسم الله ما شاء الله فين ابله المديرة تيجي تبخرك
وبعدين احنا نبخرها
ربنا يحفظها لكم ويحفظهالنا
ويحفظلنا الطفلة اللي جواكي
ما شاء الله اخوكي اسمه احمد
مش عارف الاسم ده عدى عليا قبل كده
تعرفي انا ممكن مخرجش من البيت بسبب الكوي ده
شئ مزعج الكوي وعايز طولة بال واعصاب
معلش حاجه بتنرفزني وانا بكوي
خاصة كوي القمصان بيبقى ممل واصعب من البنطلونات بكتير
وحمد لله على سلامة جهازك
معلش ادي حال الدنيا
السلام عليكم ورحمة الله ووبركاته
اخ
يعني يوم ما ترجعي ترجعي ومعاكي واجبات لازم تتحل
طيب مش تقولي من قبلها كنا نذاكر كويس
:)
ربنا يوفقك .. ويشفيلك الجهاز بتاعكم
على فكرة الحال من بعضه عندي برضوا
شكلها شوطه وبتلم
:)
بتهدديني علي الملا يا بنات افكاري
طيب مش كاتبه غير بالصيني الواجب و اللي عاجبه : ))))))))))))
و انا ااقدر عربي عربي
بس المشكله انا ما بفهمش اصلا لا عربي و لا غيره فبداري فى الانجليزي
كده تفضاحيني : )))
واختي الاجازه رسمي يا هانم عايزين نسمع صوتك بقي
الا اسكت الله لكي حسا : ))) ذي ما كنت بقولك
سلام يا جميله
النجمة الصامدة
اهلا بيكي ياحبيبتي لاول مرة
ونتمنى ماتكونش الاخيرة ربنا يكرمك
يارب ان شاء الله وفعلا هاقعد كتير على ماجمعهم بس بحمد ربنا ان ابحاثي وشغل السنة اللي فاتت كله فى دراستي كنت حفظاهم على فلاشة لله الحمد
وفعلا اجمل حاجة انك تحسي بالدفء الاسري الحمد لله ربنا يديمها علينا نعمة وبحفظها من الذوال
متشكرة ليكي ياقمر جزاكي الله خيرا على زيارتك ودعواتك
السلام عليكم
الباحث عن الحقيقة
وعليكم السلام ورحمة الله وبركاته
اهلا بااخي ربنا يكرمك يارب هي ابلة المديرة هي اللي محتاجة تتبخر فعلا ربنا يحفظها يارب هاتزعل على فكرة لو عرفت ان حضرتك رجعت فى كلامك ومش هاتشوفك فى الحملة يلا بئا مش هاقولها لعلى وعسى ربنا يكتبهالكم بس اياك تحصل مقابلات من ورايا
وربنا يتقبل دعائك يارب ويحفظ لحضرتك كمان الطفل اللي جواك وبيتهيئلي بردو ان حضرتك تعرف حد كويس باسم احمد ربنا يحفظ الاسم يارب واصحابة
وعلى كدا حضرتك اخ مثالي والله انك بتكوي لنفسك واضح ان مفيش اخوات بنات ياما انا اللي دلعت اخويا زيادة عن اللزوم بس هو صراحة دي وظيفتنا احنا مش وظيفتكم من اول الغسيل الى الكوي الى تلميع الجزم سوري يعني لون البنات هايقلبو عليا انا عارفة بس كل واحد يعترف باللي بيعمله
وبالنسبة للكوي هو صراحة مزاج ومش صعب ولاحاجة بس عايز دقة وانا بئا اللي مش بخرج اخويا لو فيه حاجة مش مظبوطة وهو اتعود قبل مايخرج ياخد التمام مني على كل حاجة ومايشتريش حاجة الا لما ياخد رائيي فيها علشان عارف لو ماعجبتنيش مش هاخرجه بيها فابياخدها من قصيرها لون اخرة الدلع دا مش حلو على زوجته بعد كدا هاتزهق منه بسرعة ربنا يستر
ومش البنات بس اللي متعبين فى لبسهم على فكرة لا انتو كمان دا كفاية تلميع الجزم خصوصا لو ماتتلمعش بورنيش اساسا وعايزة اسبريه وكلام من الغريب دا يلا ربنا يصبرنا ماهي دي اخرتنا هانعمل ايه بس صراحة ارحم من مشاوير الايشارب بتاع الاخ ابو العساقيل لوني ماليش فى الايشاربات بس صعب عليا يلا ربنا يصبر كل واحد على مابلاه ويكرمك يافندم ويصبرك على الكوي
بنت ابيها
اخ
ظبط دماغك عندنا ادها وادود ياقمر
مش محتاجين مذاكرة ولاحاجة يلا شدي حيلك
عايزة اشوف شطارتك فى حل الواجب قريب
تعرفي صعوبة الحل بتروح مع لذة انك تدبسي حد فيه احساس حلو صراحة
شوفتي الافترا :)
يلا ياقمر عايزة اشوفك قريبا وعاجلا
والجهاز ربنا يشفيه ويشيل عنه عين اللي اطاحت بيه مش شوطة الحقيقة
وربنا يصبرنا جميعا
eman
اهلا بالمدير بتاعنا
احنا نقدر بردو ياباشا نهددك
ليه هو حد مستغني عن نفسه بردو
وبعدين لو هاتجاوبي صيني ياريت يبقى صيني عربي علشان بس نبقى معاكي على الخط يعني ومين قالك ان احنا كمان بنفهم عربي الفضايح جماعية ماتقلقيش
بس حاجة تكسف والله ربنا يقدرنا ونرجع لغتنا الجميلة تاني ان شاء الله
وهاسمعك صوتي ولا يهمك تحبي تسمعي ايييييه :))))))
ان شاء الله نحاول نحضر معاكم يوم الحد بامر الله المحاضرة ورشة العمل
اشوفك ليلا بئا علشان اوريكي الصور
:)
ما شاء الله يا بخت احمد اخوكي
لا يا ستي انا اخواتي البنات اتجوزوا
مش قاعد غيرنا الصبيان في وش امي
بل بعض احيان انا اللي بغسل
يعني اخر مرة نسيت ادي امي هدومي اللى هتنغسل
كانت النتيجه اني انا اللى غسلتها
واجارك الله يوم ما بغسل
المنور كله بيبقى ميه ..مانا مش بستخدم الغسالة
قروانه ومسحوق واديها يا معلم
اما جززمي انا بشتري جزمي من النوع اللي ما بيلمعش
لسه هلمع كمان
هي بتاعه سفنجه كده بجنية ونص ومشي حالك
الواد ده اتدلع كتير اوي بس لما اشوفه
ههه حلوه حكاية اياك تتقابلوا والمديرة من ورايا
ده لازم يحصل ..حوار الكبار مالكيش فيه انتي
انا عندي سؤال امال ايه حكاية كل شوية تقولي بناتي بناتي
مين بناتك دول
والنتيجة هتظهر امتى
واحمد خطب ولا لسه
والويندز الجديد شغال ولا ايه
راح منك حاجات كتير
اسكتي انا اول مرة الويندز اتفرمت مني برضه وراح كل حاجه كان مليان حاجاااات
يا خبر
بلاش افتكر علشان مزعلش
ده انا كان عندى لعبة عربيات خطيرة
يلا معلش
الباحث عن الحقيقة
يااهلا بحضرتك تصدق والله ماحستش ان انا دلعته اوي غير دلوقتي (: دا حضرتك طلعت اخ غلبان خالص والله لالالا بس كدا ماينفعش عموما معلش علشان الست الوالدة طالما مساعدة ليها يبئا خلاص وبردو علشان تحرم تنسى تديها الغسيل بتاعك وبعدين اتعلم تعصر كويس ماتكسفوناش قدام الجيران الا يعني ايه قروانة ؟ دا شبيه بالطشت يعني ولا ايه
ربنا يكرمك ضحكتني والله
وحلو اختراع الجزم اللي مش بتتلمع دا طلع امتى هاقول لاخويا عليه علشان بقاله فترة طالع فى اختراع الجزم الشموازيه دي اللي اداني درس فى كيفية تنضيفها يقولي الاول تنضفيها من التراب وبعدين تمسحيها بمية وبعدين ترشيها بالاسبرايه يعني ناقص امسكها واقف انفخ له فيها لحد ماتنشف
لا بجد شكلي دلعته اوي والد دا بس هو يستاهل ماليش غيره بئااعمل ايه احتياطي لحد مايجي غيره ياخد كل دا
وايه حوار الكبار ماليش فيه دا
لااااااااااا انا صحيح فيه جوايا شوية اطفال بيلعبو ومايبنش عليا اني كبيرة بس بردو والله كبيرة خالص وشاطرة حتى اسألو ابلة المديرة مش كفاية خليتني 47 سنة دا حضرتك طلعت شاطر اوي فى الحساب زيي اصلي بكره الرياضة
وايه الاسئلة دي كلها واجب فى التعليق عموما نجاوب بالنسبة لبناتي دول بناتي فى المسجد شوية زهروات حلوين كدا بحفظهم القران وبديهم حلقات فابعتبرهم بناتي والصغيرين منهم بيقلولي ياماما وليهم مكانة جوايا كبيرة اوي لاني كبرت ناس فيهم والحمد لله هما كمان بيعزوني شوية
والنتيجة ان شاء الله فى خلال اسبوع تظهر والله المستعان دعواتكم معانا كتير
وسي السيد احمد باشا فيه مشروع خطوبة قريب ان شاء الله عقبالكم يارب بس دعواتكم ربنا يتتمله الموضوع علشان هو عايز واحدة نازلة من السما
والويندوز الله يكرمه الحمد لله شغال بس صراحة مش طايقة الجهاز حاسة اني قاعدة على جهاز مش بتاعي والحمد لله شوية من الحاجات المهمة الخاصة بدراستي وابحاثي والرحلات والصور بتاعتها كنت حافظاهم الحمد لله على فلاشة بس بردو حاجات عزيزة عليا طارت يلا قدر الله وماشاء فعل ادي حال الدنيا فعلا يوم ليك وعشرتاشر عليك عادي يعني
هو حضرتك بتحب العربيات الواد اخويا كدا بردو وداوشنا صور ومجلات ولعب عربيات بردو ربنا يهديكم يارب واضح ان كل احمدات كدا
خلص الواجب!!! لله الحمد والشكر
احلا واجب والله
تقبلي مروري ومشاركتي
شكرا على الواجب وعلى الدعوة الجميلة ربنا يكرمك ويبارك فيك
وانتي عارفة ان ميمنعنيش عن الزيارات والتعليق الا الشديد الأوي
وعارفة بردو ظروف الشغل
التاج حلو اوي وجابات كمان تدل على شخصية عفوية ونقية
وربنا يخليلكم احمد ويتجوز قريب ههههههههههه وادعيلي انا كمان الله يخليكي ان ربنا يجوزني ف اقرب وقت انا كمان هههههههه
L0vElYGh0sT14
اهلا بحضرتك
وشكرا على المرور وعلى المشاركة
ويشرفنا تواجدك دائما
آلام وآمال
ايه تاااااااااا
اخويا كه اخويا كه
لو اعرف من زمان كنت الفت واجب وبعته
ربنا يكرمك يارب ويبارك فى وقتك وعارفين والله ظروف انشغالك بس قولت نرخم ونحاول نخرجك منها ربنا يعينك يارب ويوفقك انت وكل اللي زيك وربنا يطمنا عليكم دائما
والهي اشوفك عريس قريب بس زي ماقولتلك تبعد عن يوم احمد علشان اعرف اظبط واجيلك ان شاء الله
ولا مش ناوي تعزمنا ؟
نورتنا بالزيارة وربنا يعينك يارب ويوفقك فى حياتك ان شاء الله
السلام عليكم ورحمة الله وبركاته
حبيبتي بنات أفكارها ..
كيف حالكِ ..؟؟
منذ فترة طويلة لم أعلق لديكِ بالمدونة ..
ما شاء الله إجابات حضرتك رائعة ..
أعزكِ الله ..
وتشرفني زيارتكِ لمدونتي ..
وبوركتِ
__
أختكِ::
سمية_بنت البنا_
سمية-بنت البنا
اهلا بيكي ياحبيبتي شرفتيني
وجزاكي الله خيرا ربنا يكرمك
ودايما منورانا وان شاء الله
اكيد هازورك ومعلش اخرت عليكي
فى الرد مشغولة وماتنسناش من دعائك
دمتي بكل خير ان شاء الله
السلام عليكم
لم ازركِ منذ فترة ولكنك اوحشتني
آخر زيارة كانت منذ انطلاقة حملة حبا لرسول الله بارك الله في منفذيها والقائمين عليها
اجاباتك صادقة بسيطة ومن القلب للقلب
تحياتي لكِ اختاه
سبحان الله
مع ان اللي يشوف طريقتك في الكلام مش يقول انك قليلة الكلام خالص
اجابات موفقة وربنا يزيدك دايما من فيض نوره ونعمه التي لا تحصى
تحياتي
نور
اهلا حبيبتي قلبي
انتي وحشتيني اكتر واعذريني على تقصيري
ولكن ضيق الوقت فقط ويعلم الله
ان شاء الله اكلمك قريبا لاني نفسي اتعرف عليكي اكثر واكثر ودايما منوراني ياقمر وربنا يبارك فيكي
ياحبيبتي ان شاء الله
صاحب المضيفة
اهلا بحضرتك بافندم
فعلا بس حضرتك عارف النت بيدي الناس
متنفس اكتر للكلام لكن انا على الطبيعة لو هاتكلم مش هاقول ربع اللي بقوله فى المدونة ولا بنفس الاسلوب
انا بعرف اصمت بسسس :)
اهلا بحضرتك يافندم وجزاكم الله خيرا على الدعاء ولك مثله ان شاء الله
تجولت فى مدونتك ووجدتها جميله
وشيقه
تقبلى تحياتى
وادعوكى لزيارة مدونتى وتدعى ((الم قلم ))
على الرابط
http://gana10.blogspot.com/
Post a Comment