صلى الله عليه وسلم
حملة حبا فى رسول الله .طبعا كلنا نذوب عشقا فى رسول الله
طيب وكفاية كلام ولا لازم نطبق بافعال علشان نكون اهل فعلا
لحب رسول الله لينا انا مش هاتكلم كتير فى التفاصيل انا عايزاكم
جزاها الله خيرا هي وكل اعضاء الفريق .الحملة دي انا عرفتها بطريق
ومنها زورت الاخت لعلها خير لاني حبيت اسلوبها اوي فادخلت
لقيت الحملة رغم اني كنت لسه فى زروة الامتحانات بس ربنا كان
بيديني الوقت ادخل واتابع ولقيتهم محتاجين اللي يساعد ولقيت اني
ان شاء الله هاقدر اساعد مش بس كدا انا عارفة ان كل زوراي هايقدرو يساعدو
علشان كدا جيت اكلمك النهاردة وانا بجد فى ناس كتير منكم واثقة فى
افكارهم وفى همتهم وفى دعاوتهم كمان ياريت اللي يقدر يشارك باي شىء
يتفضل وهما محتاجين ناس اكتر .الحملة الحمد لله اتعملها جروب على فيس بوك
نتمنى الانضمام ان شاء الله وياريت كل واحد يشوف هايقدر يعمل ايه حبا فى رسول الله
وانا عن نفسي حبا فى رسول الله هاقولكم قررت اعمل ايه
ان شاء الله حبا فى رسول الله هاتفوق اكتر فى دراستي
ان شاء الله حبا فى رسول الله هاسمح اي حد غلط فى حقي
ان شاء الله حبا فى رسول الله هاصل كل من قطع رحمي
ان شاء الله حبا فى رسول الله ابذل مجهود اكبر فى مجال دعوتي
ان شاء الله حبا فى رسول الله هاعتبر الحملة دي استعداد من الان
لشهر رمضان واستقباله بتغييرات افضل فى شخصيتي
ان شاء الله حبا فى رسول الله قررت اني اعمل حاجة وانتهي منها
فى خلال نهاية هذا العام وان شاء الله اقابلكم فى نهايته واقولكم
هي ايه واكون بامر الله نهيتها حبا فى رسول الله وبناء عليه
ان شاء الله حبا فى رسول الله قررت
اني مش هاسجل رساله الماجيستير بتاعتي الا بعد الانتهاء من الحاجة دي
وان شاء الله حبا فى رسول الله انا واثقة ان ربنا هايعيني مهما واجهتني صعوبات
وبتمنى من اي حد يعرفني حبا فى رسول الله لو كنت غلط فى حق اي حد يسامحنى
لو كان فى مرة كلامي ماعجبش حد يسامحنى لو كنت فى مرة زعلت حد يسامحنى بردو
ولو لاي حد تعليق او نقد لي فى اي شىء ياريت حب فى رسول الله يوجهولي
على فكرة جربو كدا قبل اي شىء تعملوه تقولو حبا فى رسول الله
هاتلاقو نفسكم توماتيكي توماتيكي افكركم توجهت للصواب واكنك بتستعيذ بالله
من الشيطان دا اللي انا بحسه فعلا حتى جربو كدا
وعلى فكرة لسه ماخلصتش امتحانات بس مدينا راحة ليوم 5/7 هامتحن الالماني
ان شاء الله فايريت حبا فى رسول الله ماتنسوناش من دعائكم
ياترى انتو نويته تعملو ايه بئا حبا فى رسول الله؟؟؟؟؟؟؟؟؟؟
32 comments:
جزاكم الله خيرا على هذا التوصيح
وان شاء الله ندعم الحملة
ونفعلها
ووفقك الله فى الامتحانات
ومرت على خير
ان شاء الله
وفعلا لو حطينا قدام عيننا حبا فى رسول الله
قبل كل كلامنا
مش كلامنا بس هيغير
لا حياتنا كلها هتتغير
ثواني بطني بتوجعني
اصلي بلخبط في الاكل
حلو الحماس ده
حقيقي حاسس بالحماس في كلامك والتحدي
وان شاء الله ربنا يوفقك
طالما نيتك صادقه مع ربنا يبقى ربنا هيصدق معاكي
ولينصرن الله من ينصره
ونصرة المصطفى نصرة لدين الله
ان شاء الله ربنا يوفقك وتكوني قدوة جميلة للجميع
ويقدرك على حفظ القرآن الكريم
علشان تسجلي الماجستير
ولا انتى قصدك مشروع البيض
تحياتي
السلام عليكم
وحبا فى رسول الله احبك فى الله ولم ارك
وحبا فى رسول الله ادعو لكى فى امتحاناتك وحبا فى رسول الله اطبق سنة صغيرة من سننه كل يومين
وحبا فى رسول الله استسمح كل من زعل منى اوزعلته
وحبا فى رسول الله نستجمع كل قوتنا للحملة باذن الله
بارك الله فيك عضوة فريق حبا فى رسول الله
بخصوص ازاي تخلي الصورة لينك تدخلي منها على مدونة او موقع
حضرتك لما بتيجي تضيفي صورة
بيظهر قدام حضرتك من فوق ثلاث مستطيلات
الاول بتكتبي فيه عنوان يظهر اعلى الصوره
الثاني كلام يظهر اسفل الصورة
الثالث لينك ممكن تحطي فيه لينك بحيث اللي يضغط على الصورة فأنها توجهه الى هذا الموقع او المدونة
جربي هتلاقيه سهل ان شاء الله
السلام عليكم
حبا فى رسول الله
تجمعنا من غير ميعاد
وخير الصحبة من كانت لله وفى حب رسول الله
ربنا يوفقك فى كل ما تعملين ويصلك لكل ما تبتغين ويقدر لك الخير والصواب فى كل ما تنوين
ويجمعنا دائما على طاعة
وتكون صلاتنا فى الحرم النبوى جماعة
ويعلى كلمة الاسلام الى أن تقوم الساعة
وعندما ينادى حبنا لله ولرسوله
لا نقل الا سمعا وطاعة
ويرزقنا رؤية وجهه الكريم وننال الشفاعة
اللهم آمين
اللهم آمين
اللهم آمين
اللهم صل وسلم وبارك على محمد وآله وصحبه أجمعين
وفقك الله فيما انتويت وأعانك وسددك
امام الجيل
اهلا بحضرتك
جزانا واياك يافندم وان شاء
الله نسعد بمشاركة حضرتك وانا واثقة
انها هاتكون ايجابية بامر الله ربنا ييسرلك الحال ويجعله فى ميزان حسناتك
وربنا يكرمك يافندم على الدعاء والله المستعان الحمد لله خير عدت ربنا يسترها
وفعلا بحب رسول الله حياتنا كلها هاتتغير
صلى الله عليه وسلم
السلام عليكم
الباحث عن الحقيقة
اهلا بحضرتك يافندم ربنا يكرمك
وانا فعلا متحمسة وواخدة الموضوع تحدي
وبشد على نفسي شوية لكن الله المستعان
ربنا يعينا على التغيير والاخلاص فى القول والعمل اللهم امين
وحضرتك عرفت منين ان اقصد حفظ القران الكريم وطبعا مش هايكون البيض يعني بس
بردو حضرتك عرفت ازاي ليه مايكونش حاجة تانية عموما جزاكم الله خيرا
السلام عليكم
لعلها خير
اهلا حبيبتي احبك الذي احببتيني لاجله
وجزاكي الله خيرا شرفت بمعرفتك حبا فى رسول الله واعانك الله وييسرلك احوالك وجعلك اد المسئوليه وزادك طاقة وعزيمة كمان وكمان اللهم امين
واهلا بحضرتك مسؤلة فريق حبا فى رسول الله واتمنى تشريفك دائما
السلام عليكم
الباحث عن الحقيقة
اهلا بحضرتك مرة تانية ومعذرة
تعبت حضرتك معايا ربنا يكرمك
فهمت الحمد لله بس انا كنت افتكرها
زي اللوجوهات اللي بتتعمل بتحديد مسارات وكلام من دا وانا الحقيقة ماليش فيه يعني لكن الله المستعان منكم جميعا نستفيد ربنا يكرمك ولا حرمنا الله من نصائحك اخي الكريم
السلام عليكم
مجداوية
وعليكم السلام ورحمة الله وبركاته
سعدت جدا بتشريف حضرتك لي فى مكاني المتواضع ولا حرمنا الله من هذه الدعوات الصادقات اللي انطلقت لله وحبا فى رسول الله جزاكي الله خيرا ولكي مثله ان شاء الله
وان شاء الله مستمرة فى عمل الواجب بس دعوات حضرتك احسن داخلة على دور تعب جامد حبتين لكن الله المستعان
ومرة اخرى شرفتيني
السلام عليكم
عصفور المدينة
صلى الله عليه وسلم تسليما كثيرا
اهلا بحضرتك من جديد اسعدني جدا وجودكم
واللهم امين امين جزاكم الله خيرا ياابي
السلام عليكم
كاشف الاوهام
يعني انا بقول اتقي الله كدا
وحاول تفوق حضرتك من الوهم اللي
معيش نفسك فيه دا وكفاية بهتان فى الناس او اقولك حاجة
العب غيرها وشوف حاجة تقربك من ربنا افضل وربنا يهديك ويصلح حالك
بحبك وحبك في قلبي كبير
ونهجك طريقي فى سفرى الطويل
في نومي وقومي بصلي عليك
ونفسى ياطه ارد الجميل
ياهادى الحيارى لدنيا الايمان
ياواخد بايدينا لبر الامان
وجبنا نطيع ونسمع كلامك
وننشر رسالتك فكل مكان
ياساكن بطيبه عليك السلام
محمد يارحمه لكل الانام
رسالتك دليلنا في ليلنا الطويل
وفيها المحبه وفيها السلام
يارب الشفاعه وحسن القبول
ونظرة وشربه بإيد الرسول
.. بهذة الكلمات أهديها لكم ورسول الله ولحملتكم
جزاكى الله أختنا الكريمه على الاعلان عن الحمله
ويارب يوفقك في الامتحانات ... وتسجلى رسالتك علي خير
ونشوفك دكتورة بنات افكارها عن قريب
دمتم بخير
متسألنيش عرفت وخلاص
تخميناتي الخاصة
وطالما هو يبقى ربنا يعنيك ويقدرك ان شاء الله
محمد الشاعر
اهلا بيك يافندم نورتنا
وجزاكم الله خيرا على الابيات
جميلة جدا ومقبوله منك ربنا
ينفع بيك دائما ونتمنى مشاركتك
معانا ان شاء الله اكيد هانستفيد
كتير وجزاكم الله خيرا على الدعوات
ربنا يتقبل ولك مثله ان شاء الله
والاخت لعلها خير نزلت الابيات فى اخر
بوست عندها كامشاركة منك لينا
فى الحملة ربنا يكرمك ويجعل اعمالك
كلها خالصة لوجهه الكريم
الباحث عن الحقيقة
حضرتك عندنا تاني تالت قصدي
ايه كرم الصعايدة دا كله ربنا
يكرمك يافندم وتشرفنا دايما
ويباركلك فى تخميناتك الخاصة
والله المستعان نفسي بجد اقدر
انتهي من ختمه قبل نهاية هذا العام
لاني ناوية استعين بيه فى الرسالة ان شاء الله وناوية ابقى انزل بوست عن
الموضوع دا المهم يافندم ماتنسوناش
من دعائكم ان شاء الله حبا فى رسول الله
جزاكم الله خيراً
وجعل هذه الحملة في ميزان حسناتكم
ووفقكم الله
ونحن ندعمكم
الجمعاوي الاصيل
جزانا واياك يافندم
واهلا بحضرتك فى المدونة
جزاكم الله خيرا وشكرا لدعمك
ونتمنى مشاركة حضرتك ان شاء الله
السلام عليكم
بشكرك للدعايه للحمله
والبوست جميل جدااا و محفز لفريق الحمله قبل ما يكون للغير
شكرا لايجابيتك و احساسك الجميل
السلام عليكم
المفروض عاشقه الفردوس وانا بنشتغل علي الترجمه المطلوبه و نسقنا مع بعض الشغل ده المايل بتاعي eshelbaia@gmail.com حستناكي تبعتلي عليه و ساعتها ممكن ابعتلك اللي احنا محتاجينه يترجم
شكرا
السلام عليكم
شكراً للزيارة الجميلة دي
وأتمنى تتكرر
وربنا يكرمك في إمتحاناتك يارب إن شاء الله
وادعيلي أحاول أعمل حاجة تفيد الناس والمجتمع
وتبقى لحب رسول الله
صلى الله عليه وسلم
تحياتي
ايمان
اهلا بيكي حبيبتي اتشرفت بالتعرف
عليكي ولا شكر على واجب وان شاء الله ربنا ينفع بينا وبحماسنا جميعا وتم اضفاتك واتكلمنا الحمد لله
واشوفك فى الاجتماع قريبا
شرفتيني بزيارتك
الاستاذ
اهلا بحضرتك يافندم
والشكر لحضرتك لسرعة استجابتك
واعتذار مني لاني معلقتش على البوست الاول لضيق والوقت لكن ملحوقة ان شاء الله ونتمنى مشاركتك معانا اكيد هانستفيد ان شاء الله وجزاكم الله خيرا ربنا يعينك وييسرلك الحال وينفع بيك
ومرة تانية شرفتنا بالزيارة
روحي سجلي اسمك في مدونة لعلها خير
الباحث عن الحقيقة
اهلا وسهلا
علم يافندم وجاري التنفيذ
جايين نطمن على امتحان الالماني
خير ان شاء الله
الباحث عن الحقيقة
اهلا بحضرتك وجزاكم الله كل خير على سؤالك
ربنا يعزك يارب وكله تمام يافندم لله الحمد بفضل دعواتكم ومتشكرة جداااااااا مرة تاني على السؤال
السلام عليكم
ماشاء الله
ربنا يبارك في الافكار الطيبة دي ويزيدها ويجعلها في ميزان الحسنات
وربنا يبارك في ناشرها كمان.. ومعذرة اتأخرت في الدخول والرد بس كنت مشغولة اليومين اللي راحوا
أخبار امتحاناتك ايه؟
يارب تمام .. اشتقت لكِ
كل التحايا ..
حبا فى رسول الله صلى الله عليه وسلم
أنا جيت أزور بنات أفكارى
عشان هى وحشتنى خالص ونفسى أكلمها
بس برضه حبا فى رسول الله ما أقدرش أعطلها عن مذاكرتها
عايزين نجاح بتفوق حبا فى رسول الله
بارك الله فيك
ربنا يوفقك وتخلصى امتحانات على خير
تحياتى لكلماتك
صلى الله على محمد صلى الله عليه وسلم
ههههههههههههه المدونات ليها ودان
حم احم
البوست روووووووووعه زي بنات افكاري بالظبط
ربنا يوفقك ياحبيبتي في كل مانويتي ويسر الله امرك
Post a Comment