اه والله ماكنش العشم بنات افكاري تغيب كل دا ومحدش يسال عليها
ماكنش تعليقات وبوستات اللي بينا دي دا انا طيبة وماكنتش عايزة حاجة والله
يعني كيس جوافة بس حتى مش هاقول مانجا علشان غالية يلا انا مسامحاكم
بمناسبة التسامح اللي متكلمة عنه من شهر دا واللي ربنا يقدرنا عليه اللهم آمين
المهم غبت كتير اوي وطبعا لازم المدونة وكل حاجة توحشني اوي يلا الحمد لله
المهم بنغيب نغيب ونرجع الله المستعان وربنا يقدرنا بس ونقدر نستمر ان شاء الله
ااقولكم بئا انا غبت كل دا ليه اولا كدا لله الحمد مريت بفترة تعب ومازلت بحاول
الخروج منها والحمد لله على كل حال وثانيا انشغلت بمجموعة كورسات
وثالثا لي صديقة صاحبة معمل تحاليل كانت هاتتجوز عقبالكم جميعا فاكنت
ماسكالها المعمل لحد ماترجع هاتقولولي انتي جيولوجيا مالك انتي بالتحاليل
هاقولكم معلش اصلي حشرية اوي وغاوية ادخل نفسي فى كل حاجة ولله الحمد
اكتسبت خبرة فى مجال التحاليل كمان خصوصا اني دارسة كيميا وكمان كنت
بعمل حاجة عجيبة شوية كنت وقت ماكون فاضية فى ايام الدراسة كنت ادخل
احضر سكاشن مش مهم بئا مش تخصصي دفعة اكبر دفعة اصغر كنت بحضر
لدرجة المعيدين حفظوني ابقى معدية عليهم بدل مايقلولي اتفضلي شاي ولا حاجة
يقلولي اتفضلي سكشن بس كل دا طبعا مايجيش حاجة جمب حبي للجيلوجيا
كفاية كدا فى النقطة دي نيجي بئا لرابعا والاهم سي السيد بتاعنا خطب الحمد لله
عقباااالكم جميعاااااااا والخطوبة كانت امبارح وكانت فى القاهرة كان نفسي اعزمكم
جميعا بس ملحوقة فى الفرح ان شاء الله بس دعواتكم ليه علشان تعبني على ماخطب
مش عارفة على مايتجوز بئا هايعمل فيا ايه المهم ربنا يحميه يارب ويتممله على خير
بس كدا دا اللي كان شغالني وفيه حاجات مازالت شغلاني بس ان شاء الله احاول اظبط
نقطة تانية كل عام وانتم الى الله اقرب اقترب شهر رمضان وربنا ييسرها ان شاء الله
ونقدر نتابع معاكم ونستفيد منكم ونحاول نفيدكم باي شىء فالله المستعان دا هايكون تاني
رمضان ليا معاكم السنة اللي فاتت انا فاكرة كنت تعبت قبلها بردو لفترة الحمد لله
وكمان كنت بتابع قليل نحاول السنة دي نستمر بس ربنا يقدرنا ان شاء الله
ويدينا الوقت ويباركلنا فيه واقدر اتباع الله المستعان وماتنسوناش
من دعائكم بئا وابقو اسالو نرجع لماكانش العشم تاني كنت فاكرة ورايا ناس تسال
رجعت لقيت العنكبوت مالي المدونة بس يلااا سماح بردو المرة دي وربنا يعينكم
يارب جميعا ويقدركم وييسرلكم الخير ويباركلكم فى شعبان ويبلغكم رمضان اللهم امين
صحيح لازم اشكر حبايب قلبي اللي كانو معايا الفترة دي ودايما يسالو عليا
حبيبتي عاشقة الفردوس اللي زهقت من كتر ماببعتلها وش مكسوف لما بكلمها
ورغم كدا مستحلية الحكاية وهي عارفة ان ااقل حاجة بتكسفني بس بموت فيها بردو
وحبيبتي اميرة اساطير اللي هاتعلمني حاجة كدا بس مش هاقولكم عليها
وحبيبتي اللؤلؤة المكنونة اللي مش بشبع من الكلام معاها ابداا ربنا يسعدها يارب
ماتنسوش بئا تدعولي كتيييييييييير بالاستقرار ان شاء الله ولكم مثله وزيادة
22 comments:
ووك لأحمد وربنا يتممله بخير يارب وعقبالك انتي كمان وكل اللي تحبيهم والف سلامة عليكي
ربنا يوفقك ويعينك
ومتزعليش م الناس اللي مبتسألش والتمسي لهم بردو الأعذار
الدنيا تلاهي بئا للأسف
وانا متشكر جداا والله انك سألتي عني ف غيابي
ربنا يكرمك
:)
الف مبروووك لأحمد*
معلش الكيبورد جديد ولسة مأخدش على صوابعي
:D
حمدا لله على سلامتك وجميعها أشياء طيبة ماشاء الله وألف سلامة عليك
السلام عليكم ورحمة الله
هكذا يا اختى عالم المدونات
وماتزعليش اكيد ليهم العذر
بس احنا مشكلتنا ان احنا عملنا لنفسنا عالم تدوينى افتراضى على النت
ولكن يبقى فى النهاية انه يوجد عالم واقعى نعيشه ونتعايش فيه مع الاهل والاحباب
واظن لو حد من دول ما سالش عنك يبقى عندك حق بجد
اما اخوانك واخواتك المدونين فداومى على الودوالتواصل معهم
واعلمى ان القلوب قد تلتقى قبل ان تلتقى الابصار
مرة اخرى حمد الله على السلامة وعود احمد
ههههههههه كده فضحتينا
طيب اقول ولا ..... (وجه استحي البنت ام ضفيرتين ) ههههههه
اخبارك دلوقتي ايه
استحي استحي
:)))
حمدا لله على السلامة
والف مبروك
حمد لله على السلامة وبعدين انا ملاحظ ان في مدونين كتير غابوا فترة ورجعوا
يارب يكون المانع خير
بلغك ربنا وايانارمضان على خير وبر وطاعة وايمان
دمت بخير وسعادة
آلام وآمال
اهلا بيك يااخي جزاكم الله خيرا على الزيارة والتعليق ربنا يكرمك
والله يبارك فيك وياااااااارب عقبال كل اللي بحبهم فعلا ربنا يتقبل دعائك
وانا مش بزعل من حد ربنا عالم والله بالعكس انا بعرف اعذر الناس كويس علشان يبقو يعزروني لو قصرت معاهم وفعلا الدنيا تلاهي بس ماتقدرش تجبرنا ننسى حد ربنا يقدرنا على حب الناس
وبتشكرني على ايه بس ربنا مايغيب حد ابدا ان شاء الله وننطمن عليكم جميعا دايما وتكونو بخير وسلام ان شاء الله :)
وبعديد الكيبورد هي اللي مااخدتش على صوابعك ولا صوابعك اللي مااخدتش على الكيبورد تفرق كتير !!!
ربنا يكرمك ياااارب ويوفقك لما يحب ويرضى وكل عام وانت فى طاعة يارب ان شاء الله ويبلغك رمضان على خير اللهم امين ويارب نشوف حاجة بدل تجديد آلام قريب ان شاء الله اسعدتنا بزيارتك
عصفور المدينة
أبي اهلا بحضرتك ربنا يسعدك ياااارب
والله يسلمك يارب من كل سوء وييسرلك الخير دائما حيث كان ويرضيك بيه ان شاء الله ونحتاج لدعائك كثيرا ياشيخنا
سلفي بس اخواني
وعليكم السلام ورحمة الله وبركاته
اهلا بحضرتك لاول مرة شرفتنا وجزاكم الله خيرا مفيش زعل ولا حاجة دا نا من حبي ليهم بس بمزح معاهم شوية وبختلف مع حضرتك عالم المدونات مبقاش عالم افتراضي خلاص لان زي ماقولت حضرتك القلوب تلتقي قبل ان تلتقي الابصار غير كدا خلاص الناس بتتقابل وبتتعرف وبتقرب من بعضها اكتر خارج اسوار النت والحمد لله بنتشرف فعلا بمعرفتنا باشخاص زيهم ربنا يديمها معرفة فى الخير دائما ان شاء الله وكل عام وحضرتك على طاعة ومرة تانية نورتنا يافندم
عاشقة الفردوس
ايه تااااااااااا انتي هنا
ياكسوفي ورايا ورايا :)))
صحيح بلاش فضايح بئا اللي خلاني بنكسف من الهوا الطاير هاتكسفيني قدام المدونين والمدونانات ينفع ؟
شطورة ساسو ياقلبي انتي :)))
لما اشوفك بئا ابقى اقولك انا عاملة ايه دلوقت وكل وقت يلا ماشوفكيش هنا تاني :))))
الطائر الحزين
اهلا استاذنا
كل عام وحضرتك فى طاعة يارب
ان شاء الله الله يسلم يافندم ويبارك فيك ويرزقك السعادة دايما ان شاء الله
ماتنساناش من دعائك الله يكرمك
صاحب المضيفة
اهلا بحضرتك يافندم
ان شاء الله يكون المانع خير عند الجميع
وربنا مايغيب حد عن مدونته ابدا
ان شاء الله وييسر الخير للجميع
وجزاكم الله خيرا على الدعوات ولك بالمثل وزيادة ان شاء الله
وكل عام وحضرتك بخير وسلام
ايه التدوينة المخفية دى
مع انى دخلت المدونة كذا مرة
بس بالفعل كنت مشغول ولازلت مشغول
ويبدو فى الافق تقريبا ان الانشغال هيدوووووووووووم
:(
هيدوم لامتا الله اعلم
اولا مبروك لاخوكى وعقابل كل المدونين والمدونات وان شاء الله ربنا يتمله بخير
ونسأل الله ان يتم شفائك على خير
ونرى من حضرتك الجديد دائما
ويبلغنا واياكى رمضان
ويسلمه لنا ميتسلمه منا متقبلا
ويبارك فى وقتك وجهدك وسعيك
لا تنسينا من صالح دعاؤك
امام الجيل
اهلا بحضرتك نورتنا
مش عارفة التدوينة المخفية دي صحيح
مش مشكلة ربنا يكرمك لزيارتك ويعينك يارب على مشاغلك ويباركلك فى وقتك يارب ان شاء الله ومعلش بئا بس ان شاء الله المشاغل دي ماتمنعكش عن الزيادة فى الطاعات ان شاء الله فى الشهر الكريم دا ربنا يعينك يارب وييسرلك احوالك اللهم امين
وربنا يبارك فى حضرتك وعقبااااااااالك يارب وكل المدونين وكل شباب المسلمين يرزق الجميع بالازواج الصالحين والزوجات الصالحات ان شاء الله
جزاكم الله خيرا لدعائك ربنا يتقبل منك ولا تنسانا دائما وماتقلقش حضرتك اشتراكك فى الدعاء عندنا بيتجدد تلقائي المهم ربنا يتقبل منا جميعا ان شاء الله وربنا يجعلها ايام طاعات وحسنات علينا جميعا اللهم اميييين
كل سنه وانتم الي الله اقرب
رمضان كريم
اخوكم سيف الاسلام
تغطية شاملة لمسار القوافل الإغاثية المتجهة لغزة
ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار
ازيك يا بنوتة
معلش يا بنات ... الدنيا برضوا بتاخد الواحد كتير
وبمناسبة صحتك بقى ... انا خلاص تعبت معاكي ... مش عارفة اعمل ايه عشان تخدي بالك من نفسك
عموما انا هوصي اللى بالي بالك ... توصية محترمة
:)
متنسينش معاكي في الدعاء
انا مش معاهم
اهلا بحضرتك وكل عام
وانتم الى الله اقرب
وعلى طاعة ادوم ان
شاء الله ونورتنا يااخ سيف
انا انسان
الانونيمس
بيرم المصري
اهلا بيكم جميعا فى المدونة
وكل عام وانت فى طاعة
ان شاء الله نتابعكم
واسال الله لكم التوفيق دائما
بنت ابيها
ايه تااااااااا فينا من تهتيت
من دلوقتي ماينفعش كتا خااااالث
:))) معلش ياقمر هاخد بالي والله من غير تهتيت ولا حاكة دا نا سطوووورة خااالث
وحشتيييييييييني كتير انتي كمان
ماتنسينيش من دعائك ان شاء الله
هاجيلك تاني :)))
Post a Comment