السلام عليكم يارب تكونو جميعا بخير
جيت ابلغكم بس بعودة الشخابيط
واللي بيشارك فيها مجموعة محترمة
من المدونين الجدد غيري انا وبنت ابيها
وكمان مجموعة من الصحفيين السويفيين
وعايزة اقولهم اتشرفت بمعرفتهم ومقابلتهم جميعا
وكان نفسي اكتب عن اللقاءات اللي فاتت
لكن للاسف بدئت انشغل ولسه مشغولة ومش مستقرة
لكن بحاول اتابع على اد ماقدر الله المستعان
مش هاقول بئا تسعدنا زيارتكم وتشرفونا والكلام دا :)
بس اكيد رئيكم يهمنا حتى لو كانت الموضوعات خاصة
بمحافظة تانية غير محافظتكم يمكن يحصل حاجة
لاقدر الله وتزورونا لاسمح الله يعني :)
وعايزة اقولكم اوعوا انا قولت اهو :)
اوعوا يعني مش تزورونا البلد كلها هاتنور
وعموما اول ماتحصل قفلة فى البلد هاعرف
ان حد منكم نزلها على طوووول :))
يلا آخر حاجة اتمنى ماتنسوناش من دعائكم
11 comments:
مبرووووووووووووك عودة الشخابيط
و ان شاء الله أزوركم
( فى المدونة يعنى
و يمكن ربنا يكتب لنا لقاء حقيقى
الله اعلم
:))
خالص ودى يا جميل
مبارك العودة
وان شاء الله تبقى عودة موفقة
اعانكم الله
السلام عليكم و رحمة الله
عوداً أحمداً
اعتقد هفيدكم بما انى درست و دراستى و خلصت كليتى ف بنى سويف و رجعت ادرس تانى ف بنى سويف يعنى عشره عشره عشره عشره من شارع صلاح سلاااااااام للموقف و من الموقف لصلاح سلام و عبدة تلوث و شريط القطر و و و و و
و العجل طبعا نسيت اقولك عليه ^^
ياااه ف قلبى معزة خاصه جدااا للبلد دى>_<
حاجه تشرح فعلا :-)
يلا منتظرين ان شاء الله
ربنا يوفقكم :-)
مبروك علينا كلنا
هوا مين عبده تلوث ؟
SOUL.O0O.whisper
سوووول حبيبتي
ربنا يبارك فيكي يارب
وان شاء الله تنورينا
يارب يارب نتقابل حقيقي
ان شاء الله لااااااازم :)
نورتيني ياقمر
امام الجيل
اهلا بحضرتك ربنا يكرمك
وتقبل الله دعائك
جزاكم الله خيرا :)
احمد عمر
وعليكم السلام ورحمة الله وبركاته
اهلا بحضرتك فى المدونة شرفتنا
وماشاء الله واضح ان حضرتك
فعلا عشرة عشرة يعني :)
وتعرف حاجات انا ماعرفهاش
فى المحافظة بس اكيد حضرتك
تقصد شارع صلاح سااااالم :)
اما المدعو عبده تلوث والعجل
معلش اعذرني لسه ماتشرفتش بيهم :)
لكن اهلا بحضرتك ان شاء الله تشارك
فى اي وقت واهلا بيك فى المدونة
وفى المحافظة كمان ان شاء الله
مسلمة وافتخر
اهلا ياقمر نورتي
هوا مين عبده تلوث ؟
صحيح مين دا :))
مش عارفة ياقمر هاجيلك
نبحث فى الموضوع دا قريب :)
نورتي المدونة لاول مرة
وان شاء الله ديما :)
السلام عليكم
زى عودة الخـُط كه
:)
مبروك العودة
وعودا أحمدا إن شاء الله
بالنسبة للتدوينة اللي فاتت
بيقولك أن ده علاجه متكليش لا سمك ولا بيض ومتتفرجيش على أفلام كارتون ولا تقرى جرايد مصرية لا قومية ولا معارضة
وان شاء الله حتبقي كويسة
:)
مجداوية
وعليكم السلام ورحمة الله وبركاته
ايه النور دا اهلا بحضرتك:)
ايوه بالظبط زي عودت الخط كه :))
ربنا يكرمك يافندم يارب
وان شاء الله هاعمل بنصيحتك
وهامنع الاكل خالص لو دا العلاج
بس دا العادي بتاعي ممكن تلاقيني
بتكلم مع جميع مخلوقات الله فى الارض
الا البني ادمين مش بعرف اتواصل
معاهم كويس :)
زيارتك اسعدتني ربنا يسعدك
وشرفتيني مرة تانية :)
د/ الحسيني لزومي
اهلا بحضرتك
وان شاء الله ربنا
يرزقكم السداد والتوفيق
Post a Comment