عايزة اقولكم ع الحاجة دي من فترة
بس ماجتش الفرصة ولما جات حصلت
ظروف منعتها فاخير جالي مزاجي اقولها رغم
اني مش فايقة خالص بس هاقولكم عليها دلوقتي
ندخل فى الموضوع علشان الناس اللي
مش بتحب حركات التشويق دي :)
الموضوع وما فيه اني مش عارفة هاكون
زيها ولالا نفسي اكون نسخة منها
سبحان الله من طفولتها وهي مش عادية
اتعرضت تقريبا لظروف استمرت
معاها الى ماشاء الله ومن اول مراحل
تعليمها رغم تفوقها لكن بردو الظروف
منعتها تكمل كملت لحد ثانوي عام
كان نفسها تدخل اداب علم نفس :)
والكلية كانت فى القاهرة سافرت القاهرة
عند حد مقرب اوي حصلت ظروف
من وراها محدش راح قدملها ورقها
والدتها وقتها تعمل ايه وهي اللي كانت
مسؤلة عنها اضطرت علشان مستقبلها
تقدملها فى مدرسة تانية تعادل الثانوية
بس علشان توفرلها عمل بعد ماتخرج منها
وراحت عليها فرصة الدراسة الجامعية
وبردو بظروف رغم عنها ودخلت المدرسة
التانية ونجحت وتفوقت ووالدها ماكنش
وقتها بردو مسؤل عنها وكان ليها مرات
اب محدش يسالني عنها لسه عايشة محدش
بيوشف منها غير كل اذى ربنا يصلح حالها
زنت على دماغ والدها يجيبها يجوزها
وفجاة لقت نفسها مخطوبة وفجاة متجوزة
شوف تصرف الام اللي حاولت تحافظ
على مستقبلها وتصرف الاب اللي قضى
على احلامها وسبحان الله ديما تفتكرو
وتدعيله ربنا يرحمه رحمة واسعه
وتتجدد الظروف وربنا يرزقها بالابناء
وتجد ظروف تانية تلاقي نفسها هي اللي مسؤلة
عنهم تضطر للسفر للعمل علشان تقدر تعيشهم
وتربيهم زي ماهي عايزة وييجي دور والدتها
اللي فى كل دا ماسبتهاش لا تحملت مسؤلية اولادها
لحد مارجعت وعملتلهم احسن بيت وعلمتهم
وربتهم افضل تربية مش بس دنيوية
لا وكمان بفضل الله تربية دينية وفضلت
هي تتدرج فى المراتب الوظيفية لحد ماشاء الله
بقت مسؤلة وليها مكانة وعلاقات كتير اجتماعية
وكمان شخصية وغير كل دا الان بتدرس
فى معهد اعداد دعاه وبتحفظ القرآن الكريم
وقريبا هاتحصل على الإجازة بالتحفيظ
ومسؤلة عن عدد من المساجد فى البلد تحفظ وتدرس تجويد
وبفضل الله بدءت بتعليم حوالي خمس بنات
الان ازداد العدد ماشاء الله وتعدى الثلاثين
وبفضل الله بيتها ديما عامر بالحافظات
ولا يمر يوم تقريبا الا بزوار جدد يطلبو
منها ان تبدء معهم بالحفظ ودراسة التجويد
انا اتكلمت كتير ولو فضلت اتكلم للصبح مش
هاخلص كلام عنها انا كدا اختصرت كتير اوي
المهم انا كنت جاية اعتقد اقولكم حاجة:)
اه كنت جاية اقولكم ان الست دي أمي
حضرة الناظرة :) والدتي ووالدة سي السيد احمد
اللي لما بروح مكان وحد يعرف اني بنتها الناس
بتبقى مش عارفة تعمل ايه ولا ترحب بيا ازاي
تفتكرو هاقدر اكون زيها ولا حتى جزء منها
اخدت منها كتير اوي بس اتمنى وقت الشدة
لو اتعرضت لكل دا اقدر اتحمل واكون اد المسؤلية
خصوصوا مستقبليا محدش ضامن لكن الضمان
على الله :) اتمنى يكون خير ان شاء الله
واكتر مابتمنى ان يكون بيتي ان شاء الله
عامر كدا بالقرآن والطاعات والخير الله المستعان
واني ابدء بحياه بسيطة وتكبر وتكبر فى الخير يارب ان شاء الله
مش هاتكلم بئا عن علاقتها بيا وبااحمد واللي بيحصل
علشان دا عايزله مدونة لوحده :) فى النهاية
بدعي ربنا يباركلي فى عمرها وفى صحتها
هي وكل امهات المسلمين يارب اللهم امين
اه كنت هانسى اقولكم ان يوم ميلادي وميلادها
فى يوم واحد ودا اللي محببني اوي فى اليوم
ديما خالي يقولها كانت احلى صدفة ليكي 
وجودي طبعا يعني :)) بس الحقيقة كانت احلى
صدفة ليا انا وديما بغيظ احمد علشان يوم ميلاده
زي ماتقوله موافق يوم تاني كدا بس مش هاقولكم عليه :))
اصلها نيات باين :) ماتصدقوش دا واد عسل خالص
ربنا هايجوزه اهو قريب وهانرتاح شوية :)
كفاية عليكم كدا وماتنسوش الدعاء كتير
يلا ابعدو بئا انتو لسه مقربين خلصت خلاص :)
12 comments:
أووووووووووووووووول
تعلييييييييييييييييق
حجز
و بعدين قراءة
هههههههههههههههههههههههههه
اييييييييييييييه دااااااااااااا
ايه الناس اللى بتاعت مصلحتها دى؟؟؟؟
يعنى تقوليلنا قربوا
و نفضل مستنيين و سامعين
و متحملين
و بعد الكلام دا كله
تقوليلنا خلاص خلصت ابعدوا بئا؟؟؟
طب قولوا علقوا طيب
خرجوا اللى فى نفسكوا
دا حتى الكبت وحش
إنا لله و إنا إليه راجعون
ماكنش العشم يا صافى
عااااااااااااااااااااااا
طب خلاص هأبعد
ماشى ماشى
و ضحكت عليكى
و عليكى واحد
لالالالالاااااااااى
و مش هأبعد
و كنت باضحك عليكى
ااااااااااه ...شوف أزاى
هههههههههههههههههههههههه
هههههههههههههههههههههههه
بجد بوست روووووووووووعة يا صافى
ربنا يبارك لك فى طنط يارب
و يكرمكم بيها
و يكرمها بيكو
و يفرحها بيكو يارب
و ان شاء الله حبيبتى تكونى زيها
فعلا امهاتنا دول مايتقلوش بالدهب
ربنا يحفظهم لينا يارب
و يطيل فى عمرهم بالصالحات
تحياتى ليكى يا قمره
السلام عليكم
صحيح أنا اتلخبطت في الأول ومكنتش عارفة أجمع انت بتتكلمي على مين
لكن في النهاية لما قربت أوي فهمت
:)
ربنا يبارك في عمرها وعمرك وأكيد بيت كله قرآن سيفيض عطره ويغمر كل من اقترب منه
وان شاء الله تكوني زيها وتعلمي الناس وتحفظيهم القرآن
تدوينة جميلة وسعادة كبيرة حسيتها من القرب ده
لما أبعد بقى عشان يا بخت من زار وخفف
:)
ربنا يعزها :)
ويبارك لكم فيها ويبارك فيكم لها ويرضى عنكم أجمعين ويجمعكم في جنة الخلد اللهم آمين وإيانا والمسلمين
انا كنت زي مجداوية
ما شاء الله ربنا يبارك لكم فيها
ويجعله في ميزان حسناتها
وادعي ان ربنا يرزقك كل حاجة حلوة فيها .. واسعي لكده
وهيا ما شاء الله عليها شخصية اكثر من رائعة
يا بختك بيها
متنسيش بقى سلامي ليها
ما شاء الله
سبحان الله فيه مثل كنا بنتكلم فيه من يومين
من كانت بدايته محرقة فنهايته مشرقة
واعتقد انه مطابق لما ذكرتيه
فعلا الضغوطات دى كلها بتنشأ شخصيات رائعة ومؤثرة
وفيه كتير ممكن يقع او تهزمه الظروف ويكتفى بالشكوى وانه يبين للناس انه ضعيف ومستكين والدنيا كلها ضده
لكن والده حضرتك ما شاء الله كل ده دفعها لبناء حياة وليس اى حياة
مش مجرد تربية وتنشئة كما هو متعارف ولكن تربية حقيقية
ربنا يبارك لكم فيها يا فندم
ويرزقك ان تكون مثلها كمثل يوم الميلاد :)
وربنا يرزق حضرتك بهذا البيت الملئ بالطاعات والعبادات والاخلاق الحميدة
لان من تربى على ذلك فلا يستحق اقل من ذلك
ولا يجوز له ان يرضى باقل من ذلك
"اعتقد فصحى مفهومة"
:))
سلامى لها مع طلب الدعاء عرفنا نجيب منين الدعاء معلش يعنى :))
يعنى ترتيب المقامات ولا ايه
:))
ما شاء الله
ربنا يباركلكم فيها يارب
وفعلا ربنا عوضها ان يكون عندها بنوتة زيك تحفظ حقها وتدعى لها
انتى بتدعى لها مش كدا ؟
ربنا يخليهالكم يارب
بارك الله لكي فيهما وتقبل منهما عملهما وهو أنتِ
ويبقى التواصل
ربنا يكرمها ويباركلها
امانة عليكِ خليها تدعيلى ان ربنا ينصرنى ويرضى عنى
ربنا يخليهالك يارب
وان شاء الله تكونى زيها
عجبنى وصفك لوالدتك اوى والتشويق اللى انت كنتى عاملاه
تحياتى ليكى
ربنا يباركلك فيها يارب وميحرمك منها
بوست رائع
Post a Comment