للكوسه فى بلادى شئون
بتخلي المسنود فرعون
يتفرعن فين مهما يكون
وتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون
للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون
أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون
ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون
ولو انت بتعرف فرّان
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف المهنه المدفون
لكن لو شاعر غلبان
قلت اللي ف نفسك على طول
حيقولو مين قال لك قول
ويهاجمك مليون إنسان
للامانة اللى بنتكلم عنها فى ميثاق شرف المدون خانة
هذا الزجل مقتبس لكنه عاجبني فحبيت انزلهولكم خاصة وانه متعلق بالموضوع
16 comments:
الله الله
ده انت مصممة بقى
بس على العموم لو حصل و جرالك حاجة على الله تقولى انى دخلتلك المدونة
على العموم زى ما انت قلتى للطوسة فى بلادنا شئون
وزى ما الكورتيزون
magic cure
احنا نسمى الكوسه
magic solution
السلام عليكم
ما شاء الله
مقال استفتحاي جميل
ربنا يباركلك
شدي حيلك
ايوه كده
احنا سعداء جدا بانضمامك لفريق التدوين
وياريت تكوني معانا في تجمع المدونين
المدون خانه
حكون سعيد جدا لو شرفتيني وزرتيني علي المدونه
الى الاخ مؤمن
اظاهر حضرتك مقرئتش ردي على تعليقك السابق وكمان انا بداءت اشك انك اخوان لاني معرفش عنهم انهم بيتخلوا عن اخوانهم واخواتهم فى الازمات
وعلى العموم جزاك الله كل خير ساعتها انا مش هاقول انك كنت بتدخولى المدونة انا هازور بس المدونة بتاعتك وعرفهم اني متابعاها
بس حلوه
magic solution
الى الاخ هاني
جزاكم الله كل خير انا الاسعد بانضمامي لاخوه واخوات زي حضراتكم وربنا يكرمك على تشجيعي وان شاء الله انا معاكم فى تجمع المدونين ده شرف ليه ويسعدني اكون معاكم دائما على السراء والضراء ولكن ان شاء الله تكون كل حاجة هنعملها تكون سراااااااء بامر الله وبتمنى تكون حضرتك قرات باقى الموضوعات هم مش كتير يعنى بس انا اللى بحب اوهم نفسى انى بقالي زمان معاكم
ومره تانية جزاكم الله خيرا
معلش ياجماعة
اعزروا اختكم المبتدئة انا كان قصدي اخلي البوستين تبع بعض او بوست واحد متفهموش بس حسيت انه هايطول فامعلش انا محتاجة لتعليقكم على البوست الاساسي اللي بعد الزجل على طول حلو والله وفيه صورة كوساية صناعة مصرية وعنوانه (محصول الكوسة فى مصر المحروسه)
انا بعتذر مره تانيه ومستنيه تعليقاتكم عليه
اعتذر عن التحليق خارج السرب
لكنني أريد رأيكم للأهمية في آخر موضوع لي
بعنوان
شكــر وإعتــذار
تحياتي
فعلا قصيدة جميلة جدا ومدونة رائعة سعيد جدا بزيارتها
الى اخي صاحب البوابه
هون على نفسك حضرتك مش سهل انك ترضي كل الناس لان الاذواق تختلف وكذلك الافكار علشان كده اعمل حضرتك اللي انت مقتنع بيه
الى الاخ اسلام
حضرتك شرفتني بالزياره وعمر المدونه
ماهتكون اجمل من مدونة حضرتك
ربنا يكرمك ويوفقك واتمنى ماتكونش الزياره الاخيره لمدونتي
جزاكم الله كل خير
مبروك المدونة الجميلة يا قمر
بس خلاص مش لاقية غير الكوسة تغرقينا فيها
مالة القرع مهو مبهدل الدنيا
بالتوفيق .. ومتاكدة انة هاشوف ابداعات عظيمة
ام عمر
الى نور
ده ايه النور ده كله حضرتك شرفتي المدونه وجزاكم الله خيرا على الثقه دي
ومعلش بقى موضوع الكوسه ده جه كده انا اصلي نفسي الموسم بتاعها يخلص من بلدنا بقى ومره تانيه شرفتينا بالزياره وبالتعليق الجميل ده
السلام عليكم
الأخت الكريمة
جزاكم الله خيراُ على المرور على مدونتى
لاحظت هنا
مقاليين عن الكوسة
ششكلها عاملة عاميلها معاكى
السلام عليكم
الى اخي جمعاوي حضرتك شرفت المدونه وارجوا الزيارة المستمرة ومعلش بقى معذرة انا وضحت فى تعليق ليا لو حضرتك ماخدتش بالك اني كنت اقصد اخلي الزجل والمقال فى بوست واحد بس لاقيت العمليه هاتطول اوي حتى لو تلاحظ حضرتك الاتنين بتاريخ واحد بس انا شاء الله هاخد بالي بعد كده
بس برده حضرتك كان عندك حق ان الكوسه عامله عاميلها معايا
السلام عليكم
جزاكى الله كل خير على هذا التشجيع والحرص على المشاركة
ربنا يكرم حضرتك
لى عودة
ذكرت لحضرتك ان شاء الله سلنتزم بوضع حدود بين الاخوة والاخوات فى المكان وعلاء ربنا يكرمه مشدد على الحكاية دى وانا مطمن ليه اوى اصله ارهابى زيى وان شاء الله مفيش اختلاط بشكل كبير وهيبقى فيه حدود باذن الله واذا حدث غير هذا سننسحب من الموضوع كله
لان دينا ومبادئنا فوق كل شئ واى تجمع
نرجو المشاركة
مش معقول الحماس ده كله نفتقده
جزاكى الله كل خير
أختي العزيزة بنات افكاري
رغم ان المقال احبطني من البداية
الا اننى اوافقك تماما على ان الكوسة لها في بلادنا مكانة غريبة
:)
------------
بالمناسية حاولى ان تنضمى الينا في حملة ( افضحوا تجار الكيف )
التفاصيل في مدونتي
تحياتي اختاة
Post a Comment