تعالوا بقى اكلمكم النهاردة على حاجة مهمة
على موسم الكوسة اللى مابيخلصش ابداااا ياجماعة فى بلدنا تفتكروا ليه؟
بس ان جيته للحق الكوسة زى ماكتير منكم عارفين خضار لذيذ وماليان فيتامينات
وكمان بتتعمل فى اشكال كتيرة مرة مطبوخة ومرة محشية ومرةبالباشاميل
ومرة كمان باللحمة المفرومة اكيد طبعاااااااا جوعتوا انته دلوقتى
بس مش الكوسة اللى بتتاكل ونهضمها احنا اللى جاية النهاردة اكلمكم عنها
انا هاكلمكم عن الكوسة التانية اللى بتهضم حقوقنا معاها اكيد عرفتوها كويس واكيد كمان
الكتير منكم داق طعمها كويس والكوسة دى كلمة لكن جواها معاني كتير منها
(الظلم ,هضم حقوق الغير ,والحصول على مزايا مش من حق صاحب الكوسة )
كمان الكوسة فى مصرنا المحروسة هى المحسوبية يعني عدم اعطاء كل ذي حق حقه
يعنى مثلا اعطاء مهمة معينة للي معندوش المميزات الكافية للمهمةفقط
لانه قريب فلان اوحبيب علان فى المحروسة رغم وجود اللى يستحق
ياسلااااام ياولاااااااد يابختة من كان له حد ليه فى الكوسةكل حاجة هاتجيله لحد عنده
الوظيفة وبعدها الترقيات وبعدهاالعلاوات لاحياء منهم والاموات .ااااااااااااااااااااااه يابلد
طبعا ياجماعة ده كله الكلام اللى لا هيودي ولا هيجيب تعالوابقى نتكلم فى المهم
ااااااااااااااااااايه الحل؟تفتكروا ايه؟
انا هاقولكم رايي اولا فيه صفات لازم تتوفر فينا علشان
نقدر نتغلب على الكوسة قصدي على المشكلة واهم هذه الصفات
1-الايمان القوي بالله سبحانه وتعالى
2-اليقين ياجماعة بانه رزقك مش هيكون لحد غيرك
3-التوكل على الله يعنى تعمل اللى عليك وتسيب الباقي عليه
4- الضميييييييييييييييييييييييييييييييييييييييييييييييييييييييييييييييير
لو الحاجات دي ياجماعة اتوفرت انا شايفة انه المشكلة ان شاء الله هيكون ليها حل
وهقولكم ازااااي يعنى انت مثلا حد حب يهاديك بكوسايه وانت شايف انه انت متستاهلهاش
وتعرف غيرك اللى يستاهلها ليه ماتروحش وتهاديه بيها من باب
(من ترك شىء لله بدله الله خيرا منه)وكمان من باب (وأدوا الأمانات الى أهلها)
تفتكروا ايه اللى هيحصل اكيد ربنا هيرزقك باللى انته احسن منه
ويعمل معاك زي انت ماعملت مع اللى احسن منك فهمته حاجة؟
يارب ماكونش باحلم احلام ورديه وتوافقونى الرأي فى انه كل حاجة ممكنه
يعنى ياجماعة اليقيييييييييييييييييييييييين اولا والايمان ثانيا والضمير ثالثا
يااااااااااااااااجماعة ده اناخايفة بعد كام سنة نتخذ من الكوسة شعااااار لينا
وكمان بعد كده يلغوا من تاريخنا حضارة الفراعنة ويبقى يدرسوا لولدنا
حضاره بس تحت اسم تاني مش هقلوكم عليه احسن يفتكرونابنتكلم فى السياسة لاسمح الله
واخدين بالكم انا مستنية تعليقاتكم
سلاااااااااااااااام بقى وربنا يسترها علينا وعلى وليانا يارب
3 comments:
هوا المشكلة إن الواحد دلوئتي بقي محتاج الواسطه و الرشوه علشان ياخد حقوقه أصلاً و إلا مصالحه هتتعطل عندنا نظام الدوله كل قائم علي الفساد حتي بقي فيه أنواع من الرشاوي مسموح بيها قانوناً تحت مسميات كتيييييير
حقيقي أنا مش عارف إيه الحل للمشكله بس إحنا محتاجين كتير
الى اخي ايه اللي بيحصل
حضرتك عندك حق بس اللي بياخده حقوق مش حقوقهم اكتر من اللي بياخده حقوقهم
وزي ماذكرت اهم حاجه الايماااااااان
والضمييييييييييير والمفروض نبدء بقى مع اولادنا علشان هما اللي يغيروا
جزاكم الله خيرا على تشريفك للمدونه واتمنى ماتكونش اخر زياره
الضميييييييييييييييييييييييييييييييييييييييييييييييييييييييييييييييير
زى ما انتى اتكيتى عليه اوووى كدا
الضمير
لو كل واحد فينا راعى ضميرة فى شغله
مش هيكون للكوسه مكان بنا
Post a Comment