الحقيقة ياجماعة انا حبيت اكتب فى الموضوع ده بسبب المجهود اللي بيقوم بيه شباب المدونين اليومين دول
فى محاوله منهم للتوصل لحل لبعض مشاكل البلد يعني على سبيل المثال
الفكره اللي بيقوم بيها اخونا علاء صاحب مدونة مش انا بمساعدة مجموعة من اخوه اصحاب مدونات اخرى
وهي فكرة المدون خانة
والفكرة دي هدفها هو الدفاع عن حرية راينا والتعبير عن افكارنا ومبادئنا بدون ماحد
يقيدنا او يثبط من عزيمتنا
كمان الحملة اللي بيقوم بيها دلوقتي اخونا صاحب البوابة ربنا يكرمه واللي بعنوان افضحوا تجار الكيف
طبعا هدف الحملة واضح جدا من عنوانها هاتقولولي وده ايه بقى علاقته بعنوان البوست هاقولكم
مانا جايلكم في الكلام اهو بس ماتزهقوش بسرعة
انا ياجماعة الحقيقة بقالي حوالي سنه او اكتر بشوف دايما شعار معا للاصلاح (في الجامعة, فى المكتبات, على النت ,وعلى الشرايط والكثير والكثير) المهم انه انا لا كنت قادرة المس معا ولا كنت بشوف اصلاح بس كل اللي كنت
بلاحظه ان ماحدش حاسس بحد ومشاكل البلد عمال تزيد ورغم ان كله على دماغنا احنا بس برده ماحدش حاسس بحد ولا حد كان بيحاول يحرك اي ساكن
الا القله القليله واللي منهم شباب المدونين حقيقي حاسين بالبلد وبيحاولوا على قد مايقدروا يعبروا عن حبهم ليها لكن للاسف مجهودهم كان بيوصل اكتر للمدونين اللي زيهم بس دي كانت بداية التغيير ويشكروا عليها لكن تعالوا دلوقتي هاتلاقوا محاولاتهم الجاهدة علشان يوصلوا
للي عنده نت واللي ماعندوش وكمان اللي بيعرفوا يقروا واللي مابيعرفوش
يعني بجد حسسوني بمعنى الشعار اللي نفسي من زمان احس بيه
فعلا اصبحوا معا وان شاء الله هايكونلهم بالفعل دور فى الاصلاح
وعلى فكره ياجماعة علشان اللبس اللي بيحصل الشعار ده مش بس اللي بيرفعوا الاخوان الشعار ده لاي حد بيحب بلده ويهمه مصلحتها
في النهايه انا بدعوا كل واحد منكم يكون معاهم ويحاول يكون زيهم يعني ليه كل واحد مننا مايشوفش ايه المشكله اللي يقدر يناقشها ويقود التوصل لحلول ليها واحنا كلنا هانكون معاه الموضوع سهل اوي بس عايز عزيمه قويه وايمان بالمبدء نفسه
يالا ياجماعة عايزين نكون معا وعايزين نشوف اصلاح
وكله فى حب بلدنا الغاليه مصر وكمان من اجل دينا ومبادئنا
لان حب الوطن من الايمان وهانتسال عنه يوم القيامه وياريت
كلنا نجاوب على السؤال ده
هل حولت تغير في شىء غلط بيحصل من حولك ولو حاولت ازاااااااي
(بأيدك -بلسانك -بقلبك وده اضعف الايمان -ولا ماحولتش اصلا)
احتفظ بالاجابة لنفسك
15 comments:
السلام عليكم
جزاكى الله خيرا على الاهتمام ومش هشكر حضرتك تانى خلاص بقيتى من المدون خانة من زمان اما بخصوص افكار حضرتك ومقترحاتك فباذن الله لسه ملصناش كل حاجة وفى استقبال المزيد من الاقتراحات بس نخلص الموقع وينزل وربنا يسهل عشان نبدا الشغل وهو هينزل قريب جدا باذن الله مش هيطول خالص
مش هنهدر تعب حد باذن الله
السلام عليكم
حضرتك شرفتني وفعلا مفيش داعي للشكر العملية بقت واحد خلاص وزي مارديت على حضرتك في مدونتك انا ماكونتش اقصد الافكار الخاصة بيه انا كنت اقصد كل افكار واقتراحات الناس اللي اتبعتت للاخ علاء عن المدون خانة
وعموما الله الموفق ان شاء الله خير وكل حاجة تتظبط
من السهل ان الحلم يبقى حقيقة
مادام هناك من يعمل ومن يجتهد
جزاك الله كل خير اختى
السلام عليكم
الى الاخ مؤمن
حمد الله على سلامة حضرتك واهلا بيك فى المدونة وفعلا ان شاء الله الحلم هايبقى حقيقة وقريبا ان شاء الله وربنا يجعلنا من محققينه ان شاء الله
السلام عليكم
سلاماتي
حلاوة أي تجمع ايجابي لا تعادلها حلاوة لأنها دائما ما تبرز الأمور وتعطيها بريقا وانتشارا أوسع
فقط أتمنى أن تكون النقظة التي ذكرتيها بأن الأمر تعدي المدونين على النت إلى الناس في الشارع حقيقية ومنتشرة وألا تكون المدونات خانة أخرى منغلقة
ودمتم بخير
واسمحي لي بوضع رابط للمدونة عندي
جزاكم الله خيرا هلى هذا الاهتمام و الحث على مشاركه المدونين على الحمله و على التجمع الفكرتين ان شاء الله لو نفذوا سوف تتغير اشياء كثيره
تحياتى
ابو مفراح
طيبون يادكتورنا الحر
اشكر لحضرتك مرورك بالمدونه
وان شاء الله المدون خانة توصل للناس لانها ان شاء الله هاتكون لسان حال الناس
وحضرتك هاتشرفني باضلفة الرابط بتاعي عندك ولوني ماستاهلش
اخي ابو مفراح
نورتني وان شاء الله ربنا يعنا على التغيير من احوالنا واحوال البلد كلها
وربنا يعين حضرتك كمان في حملتك وان شاء الله كلنا هانشارك
لحضرتك تاج عندى ارجو التكرم بقبوله
تحياتى
السلام عليكم
طيب وليه الاحراج ده بس مقبول منك ياخي انا مش عارفة اللي زي حضرتك ماينفعش اي حد يتخذه اخ بسهوله ولا ايه لازم يعني ندفع التمن حاضر هانرد
ان شاء الله ولون الموضوع ده صعب عليا بس مش مشكله في سبيل الاخوية نحن للتاج
هانرد ان شاء الله
وجزاكم الله خيرا
عذرا للتحليق خارج السرب
من اجل رفع الظلم عن المظلومين
ادعوك للمشاركةفى حملة رفع الظلم عن طلاب الاسكندرية المختطفين
التفاصيل بمدونتى
سلام الله عليكم أهلا بيكى فى عالم المدونات انتم السابقون ونحن لبكم لا حقون ان شاء الله
فكرة المدونة خانة فكرة كويسة بس المهم التفعيل ووج بها الى حيز التنفيز اعان الله المقيمين عليها ورزقهم النية الصالحة والقبول ان شاء الله
يا ريت تنورينى على مدونتى المتواضعة
www.freedoctorh .blogspot.com
اخي اسلام
ربنا يفك كربهم اللهم امين
وان شاء الله نشارك مع حضرتك
اختي الراغبة فى عفو الله
ربنا يرزقنا جميعا العفو
واهلا بيكي في عالم التدوين وان شاء الله نزورك باستمرار
ربنا ينفع بيكي الامة
واتمنى تشاركينا فى المدون خانة واي استفسار
انا تحت امرك
بنات افكاري
اسمحي لي ان ارسل من هنا رسالة الى كل غيور على هذا البلدرسالة الى كل من يحب هذا البلد رسالة اود ان اقول فيها ان مصرنا الحبيبة تمد يدها الينا طالبة الاستغاثة فهي مسجونة في سجن الظلم والاستبداد تعذب تسلب حريتها يشرد اهلها وانتم ايها المدونيين املها القادم
فاسلحتكم بين ايديكم
لوحة المفاتيح كاميراتكم منتدياتكم تقول مصر انقذوني قبل ان يغرقوني
فهل من مجيب
كان الله في عونكم في فضح الظالمين وفي انقاذ مصر
انتهت الرسالة
شكراً لكم
وشكراً لبنات افكاري على هذا الموضوع الرائع
صاحب مدونة ميخا
هههههههههاى يا امر الموضوع يجنن مرسى عليه ياريت يا امر امر تزورى المدونه بتعتى وتؤلى رايك فيها ومرسى مره تانيه على الموضوع
Post a Comment