الحقيقة كنت ناويه اكلمكم عن حوار دار بيني وبين رمضان بس اجلته لما استكمل الحوار معاه ان شاء الله
طبعا بتقوله حوار ايه ومع رمضان مين ماتشغلوش بالكم هاتعرفوا ان شاء الله فى الوقت المناسب
وبما ان كل الناس بتتكلم عن رمضان قولت اكلمكم بقى انا عن الصيام قال يعني فيه فرق اااااااه فيه فرق
انا اصلي مش هاكلمك عن الصيام الصيام انا بس هاكلمكم عن كلمة (اني صاااائم) هاتقولولي ليه
هاقلكم علشان نتدرب عليها من دلوقتي علشان تخرج من جوانا فى الوقت المناسب ومن غير مجهود
طيب واصل الكلمه دي ايه فى السنه النبوية المشرفة ؟ هاقولكم بس ركزوا معايا شوية
طبعا الاول احنا عارفين الصيام ده سمو روحي واخلاقي بيرفع الانسان الى قمة عاليه من النبل والكرم
يعني المفروض لا تصدر عن الصائم الا المكارم فى سائر احواله حتى ان اعتدى عليه احد يعني الصيام
بيمنعنا من روح الانتقام لنفسنا والانتصار لذاتنا امال هانسيبه يغلط فينا ومانردش لا طبعا ترد بس كل
اللي عليك انك تقول اني صائم وتكررها اذا لزم الامر
فاعن ابي هريرة عن النبي صلى الله عليه وسلم قال (لا تساب وانت صائم فان سبك احد فقل اني صائم وان
كنت قائما فاجلس) صدق رسول الله صلى الله عليه وسلم
اخرجه احمد والنسائي وصححه ابن خزيمة وابن حبان
وعنه قال قال رسول الله صلى الله عليه وسلم(اعفوا الصيام فان الصيام ليس من الطعام ولا من الشراب
ولكن الصيام من المعاصي فاذا صام احدكم فجهل عليه رجل او شتمه فليقل اني صائم) صدق رسولنا الكريم
اخرجه الطيالسي بسند ضعيف لكن يشهد له مابعده
وقال رضي الله عنه قال رسول الله صلى الله عليه وسلم (ان الصيام ليس من الاكل والشرب فقط انما الصيام من
اللغو والرفث فان سابك احد اوجهل عليك فاقل اني صائم) صححه ابن حبان والحاكم
دي كانت الاحاديث الوارده فى هذه المقوله
لكن الواحد بيسال نفسه هو بيقول لمين اني صائم؟ بيقولها لنفسه ولا لمن اخطا فى حقه
في بعض العلماء قال ان الصائم بيقول ذلك فى قلبه دون نطق بها وفى روايه للطبراني
(الصيام جنه فان قاتله احد او شتمه احد فلا يكلمه وليقل اني صائم)
ومعنى ذلك ان الصائم لا يرد على من اذاه بالقول او بالفعل لكن بيصبر على هذا الاذى ويقول فى نفسه ولنفسه اني صائم يانفسي
فلا سبيل الى شفاء غيظك برد الاساءة ومانظهرش قول اني صائم خشية الرياء واطلاع الناس على اعمالنا
لان طبعا الصوم من الاعمال غير الظاهرة ولذلك يجزي الله الصائم اجره بغير حساب
المقصود من الكلام ده كله ايه ياجماعة المقصود هو تربية نفسية سامية لانفسنا وتدريب راقي على الصبر
وكظم الغيظ وياريت ننظر نظرة عاقلة لحقيقة هذه العبادة الكريمة ربنا يرزقنا وايكم حسن الخلق
كمان بعض العلماء زكروا انك ممكن تقول للي هايخطىء فى حقك (اني صائم وصومي يمنعني من الرد عليك
لاني اصون صومي وربنا امرني بكده ولولا ذلك لانتصرت لنفسي برد الاساءة وهكذا) و فيه
حاجة كمان لطيفة ذكرها العلماء وهي انك تقول مرتين اني صائم مره بقلبك علشان تكف لسانك
عن خصمك ومره بلسانك علشان تكف خصمك عنك
في حاجة تانيه ماينفعش تسعى لمصادر الذنوب وترتكبها وبعدين تقول اني صائم واعتقد الصوره هاتوضح قصدي ايه
لكن اعلم يأخي ويأختي
انا عارفة اني اطالت عليكم لكن انا بدعوكم فى النهايه الى هذا الخلق الكريم وليكن رمضان والصيام سبيل للتدرب
على التسامي فوق مقتضيات الطبع البشري ونزغات الشيطان وواجب علينا اننا نتهىء فى هذا الشهر الكريم خيرا
مما كنا فى غيره واننا نخرج منه احسن اخلاقا واعمالا ان شاء الله ربنا يرزقنا واياكم الاخلاص ويبلغنا هذا الشهر الكريم
وبعتذر مره اخرى اني طولت عليكم وربنا يتقبل منكم صالح الاعمال ان شاء الله
وبقول لكل واحد فيكم
16 comments:
ساعات كمان في صيام التطوع ممكن يكون معروف أن الشخص صائم فمافيش مانع أنه يستخدمها في تلك الحالة
جزاك الله الجنة
جميل فعلا اننا نذكر اخلاقيات الصيام مش كفاية بس يكون شهر عامر بالروحانيات لازم يكون عامر باخلاقيات الصيام اكيد
جزاك الله الجنة
وبلغنا الله رمضان وجعله اللهم شهر للتغيير والعتق من النيران
ننتظر الدعوات المستجابات باذن الله
يا سلام
دايما اسلوبك فى كتابة الحاجة بيفرق كتير
جميل قوى فعلا ناس كتير مش واصلها المعنى ده
والموضوع محتاج تدريب فعلا
جزاك الله خيرا وجزاك الجنة
موضوع جامد وبارك الله فيكي
الي المزيد
عصفور المدينة
شرفتنا يافندم وفعلا
يمكن استخدام هذه الكلمه فى صيام التطوع ايضا للوصول الى نفس الهدف
وربنا يرزقنا واياكم الجنه اللهم امين
السلام عليكم
امام الجيل
اهلا بك ياخي وحقا رمضان شهر لكل الفضائل سواء روحانيات او اخلاقيات او غيرهما بل بالعكس لولا الاخلاقيات لقلت الروحانيات
وجزانا واياك الجنه وان شاء الله هايكون شهر للتغير والعتق من النيران
وان شاء الله تكون الدعوات مستجابة منا جميعا باذن الله ونورت المدونه
السلام عليكم
بنت ابيها
اهلا باستاذتي الجميله دائما رافعة من معنوياتي ربنا مايحرمنا منك
واتمنى ان هذا المعنى فعلا يوصل للناس ونتدرب عليه مش بس لرمضان لا كمان لبعد رمضان ان شاء الله
وان شاء الله يظلنا الله فى ظله يوم لا ظل الا ظله ونكون معا فى الجنة اللهم امين
السلام عليكم
مهبول ومهبولة
اهلا بحضرتك فى المدونه
وجزاكم الله خيرا على الاطراء
ونتمنى استمرار الزيارة
رزقكم الله الجنة
السلام عليكم
شكرا عزيزتي علي هذا الموضوع الرائع
جزاكي الله خيرا علي كل حرف كتبتية
كلام جميل وكلام معقول مقدرش أقول غير جزاك الله خيرا
احمد العربي
جزانا واياكم يافندم واهلا بحضرتك فى المدونة بلغنا الله واياكم رمضان وتقبل منا ومنكم
السلام عليكم
بنت مصر
اهلا باهل بلدي نورتيني
وجزانا واياكم ياحبيبتي ربنا
يتقبل منك
السلام عليكم
جزاكي الله خيرا على البوست اللي يرفع من الهمم ده وعلى التذكرة
وعايز اقولك على حاجة لو سمحتي
انتي تطولي براحتك اوي وبالذات ف المواضيع المهمة اللي زي كده يعني ملوش داعي الاسف
:)
ربنا يجعله في ميزان حسناتك
الام وامال
اهلا بحضرتك فى المدونة
وجزانا واياكم واشكرك على الكلمات الطيبة ان شاء الله تكون تذكرة فعلا لنا جميعا
السلام عليكم
فعلا التدرب شىء مهم
جزاك الله الجنه
السلام عليكم
شكرا الزياره وشكرا التعليق وشكرا على النصائح واتمنى من الله ان يجعل منك منبرللعدل والتسامح وروح الموده
وشكرا
موضوع مهم جدا وخاصة فى هذه الايام لأننا فى الاساس نفتقد تلك الروح القديمه وهى روح التسامح وترك الأخرين يشعرون بخطأهم
Post a Comment