الاول كل سنة وانتوا طيبين ومن ربكم قريبين وفى الجنة ساكنين ان شاء الله
واكملكم الحوار
انا يارمضان عدا اكتر من يومين وانا وبالنيابة عن كل المدونين عليك كده متحايلين كفاية ده انت كريم
قالي كفاية اديكي قولتيها شوفي عدا مني كام شهر وعرفتكم فيه وانتوا طول الليل والنهار نايمين
او ادام الافلام والمسلسلات مستسلمين وفيكم شوية دايما جاعنيين واللي حتى فى التراويح مش منتظمين
ومن التاريخ كمان مش مستفيدين وللقران مش خاتمين وحتى للصدقة مش فاكرين ولحق ربهم ناسيين
الله يكون فى عونكم هاتفتكروا ميييين ولا ميييين ده فيه ناس حتى للصيام مش مؤديين
قولتله لأ لأ يارمضان ده احنا عن الطعام والشراب ممتنعين وبكده احنا اكيد صايمين
قالي ماهو ده عيبكم وانا مش هاتعبكم وهدلكم على اللي يريح قلوبكم ويصحح صومكم والمشكلة انكم
مفهمتوش يعني ايه رمضان وازاي تخرج منه كسبان واناوانا هاقولكم يعي ايه رمضان.....
رمضان زي ماقال عليه الرحمن (ولتكبروا الله على ماهداكم ولعلكم تشكرون) يعني هدية متقدمالكم
وانتوا مش حاسين بقيمة الهدى الميسر فى الايام دي.. ابواب الجنة مفتحة وابواب النارمغلقة
والشياطين مصفدة يعني اعدائك متسلسلين ولا انتوا على نفسكم حتى مش قادرين
وعند كل واحد فيكم فرصة كمان فى رمضان انه يبني شخصيته ويظهر قوته
..اقدر على نفسك ومن قدر على نفسه كان على غيره اقدر خليها بالنهار صيام وباليل قرأن
خليها زي ماقال خير الانام( الصيام والقرأن يشفعان للعبد يوم القيامة ..يقول الصيام اي ربي منعته الطعام والشهوة فشفعني فيه ..ويقوي القرأنرب منعته النوم باليل فشفعني فيه ..قال فيشفعان) عود نفسك فى رمضان روض نفسك فى رمضان وانا بقى هاقولك على معلومة تهمك انت تعرف ان علماء النفس اثبتوا ان فى حاجة اسمها
البرمجة النفسية ودي بقى معناها ان انت تقدر تبطل او تعود نفسك على اي عادة
بمجرد تكرارها من 6_26 مرة متتالية
قولتله وايه علاقت ده بيك يارمضان..باين عليك سهرااان
قالي ده انا ايامي من 29 ل30 يوم يعني كفاية جداااا لتغيير حياتكم كلها وكل ده ارضاء للرحمن
وتأكد انك مع الرحمن استحالة تكون خسران
وكل مايكون همك وراء عمل اي حاجة تهمك هو ارضاء لله تعالى يبقى انت كده حققت
معنى (الاخلاص) وهو ده اللي فقدتوه خلاص ولوخرجت بيه من رمضان يبقى انت كده اكيد كسبان
ولما تحس دايما ان ربنا معاك ومطلع عليك هتلاقي فى حياتك شغل بأتقان واخلاقك هاتبقى تمام
وهتبقى اخر روقان يعني مطيعين ومستسلمين لله دون جدال مش تلاقى دلوقتي
واحده بتصوم رمضان من غير ماتسال ليه الوقت او الشهر او الكيفيه دي بدءت
وتيجي عند الحجاب والصلاه والاختلاط تقولك اقنعني والجداااال شغااااااااال
مع ان اللي شرع وامر بصيام رمضان هو اللي امر بباقى الاحكام
قولتله ياااااه معقول يارمضان يعني الرحمن يميزنا بيك عن كل الانام ونبقى زي اشرهم
ويتقالنا اللي اتقلهم (افتؤمنون ببعض الكتاب وتكفرون ببعض)يااااه يارمضان ده انت طلعت شهر عظيم ده احنا كمان فيك بنبقى متوحدين وبالاخوه حاسين فعلا شهر صيام وقرأن وصدقة................بس ماتكمليش
قالي ماتكمليش ده انا عارف كل حاجة هو انتوا مش عارفين
قولتله لااااا احنا عارفين بس عليك مخبيين هو انت عرفت منيييييين
قالي العصفورة ....عصفورة المدونيين قالتلي وانتوا نايميييييييين
قولتله قولي بسرعة قالتلك ايه يارمضان
قالي ...قالتلي ان 375 الف عامل فلسطيني مشردين ملقوش اللي يساندهم
ولا حتى باللي فى ايدهم لا بالدعاء ولا بالمقاطعة مساهمين
قالتلي .ان 20 مليون مسلم فى اندونسيا وضعفهم بالظبط فى افريقيا استنصروا
علشان ملاقوش اللي يسد حاجتهم
قالتلي ان 600 مليون نسخة من انجيل اتوزعت فى افريقيا مجانا وفى عام واحد
واحنا حتى على حمل المصحف مش قادرين اما بالنسبة لحفظه ولا حتى تلاوته هاجرييييييين
قالتلى ان دعاة الباطل مسنودين وان انتوا دعاة الحق دايما متخليين وانكم دايما محبطين ويأسين
قالتلي كمان على عدد المبشرين(دعاة النصرانية والمسيحية) فى افريقيا
وانه وصل عددهم 20 الف مبشر 1040مستشفى 10600مدرسة
ده غير490 معهد لتربية المبشرين وانتوا نايميييين وفى السينما والمسارح ومع البنات
وعلى النت وفى اختراع الخيم ال ايه الرمضانيه فلوسكم واوقاتكم وطاقتكم مضيعين
وعرفت ان ايرادات الفيلم الواحد ممكن توصل ل40 مليون جنيه وان معظمكم علشان فيلم
ولا شريط لواحد من الهابطين بالعشرة وبالعشرين دافعين لكن عند فلسطين عند تبرع للمحتاجين
ماشاء الله عليكم دايما قايلين طعاطفك لوحده كفاية
ويوم ماتشدوا حيلكم اتبرع ولو بجنيه والله انا خايف احسدكم
يعني الله يكون فى عونكم وربنا يعينكم وفى النهاية اللخص و
كل اللي اقدر اقولهولكم اوعوا تكونوا من اللي قولت عليهم محبطين
ولازم تبقوا للواقع مدركين وبأديكم ليهم مغيرين وللي اتعلمتوه مني منفذين
وتكونوا على اخوتكم حريصين وعلى اللي بيدور فى بلادكم عارفين
وقبل ده كله لرضا الله تعالى وجناته مشتاقين وباذن الله وفضله لاهل الجنه منتميييين
واشوفكم على خير وكل رمضان وانتوا طيبيين
تحزيييييييييير خلوا بالكم من عصفورة المدونيين واعرفوا ان كلكم متراقبين
واي حاجة هاتوصلني واللي هايوصلني هو اللي هابلغوا لربنا لما يسالني عنكم
وعايز كل واحد فيكم كل يوم يقولي يارمضان اذكرني عند ربك ويشوف انا ممكن اذكره بايه
بالخيييييير والااااااا بالخيييييير الكثير
دي كانت نهاية الحوار اخر حاجة هاقولها لحضراتكم اني للاسف مش عارفة هاقدر اتابع
خلال هذا الشهر ولا لا
العام الماضى ماكنتش فى حياتي المدونات وفاكرة اني كنت ببقى محتاجة 24 ساعة زيادة
علشان اقدر اعمل كل اللي انا عايزاه خلال اليوم
بس اوعدكم لو قدرت فى اي وقت اتابع ان شاء الله هاتابع ولو ماقدرتش ياريت تسامحوني
ولي رجااااااااااااااااااااااااااء اخير
ياريت تدعولي كتيييييير ادعولي بالشفاء لاني تعبانة بجد ولاول مره بشتكي او اقول حاجة زي كده
بس اديني قولت
وادعولي علشان عندي مسابقة قران وعايزة ربنا يوفقني فيها
وادعوا للبنانيت بتوعي الصغنتتين علشان هما كمان عندهم مسابقة
وادعوا للفريق بتاعي بتاع الكليه ربنا يعينهم بعد الايحة الطلابية الجديدة
وكل اللي يقدر على دعاء يدعي بيه ولكم مثله ان شاء الله
اراكم على خير دائما واسال الله ان يحفظ الجميع من كل سوء
43 comments:
اللهم يسر لنا من انفسنا وازع يقربنا الى حلالك وينهانا عما حرمت
ويرزقنا الاخلاص فى القول والعمل
وينصرنا على انفسنا وشهواتها
جميل الحوار ورمضان مع كل هذا كريم
اللهم وفقك لما يحب ويرضى
بحجز مكان بس قبل اى حد
وبعد كده هاعلق برواقة
بس كده انا بعد تانى حد
مش مشكلة
رمضان كريم
رمضان كريم
ومتقبل باذن الله
رمضان طلع عارف عننا كل حاجة ما شاء الله
بس جميلة اوى اذكرنى عند ربك
ربنا يستر الواحد مرعوب والله انه ميديش لهذا الشهر حقه
اكتر مرة اكون فيها خايف كده
بس ان شاء الله خوف ايجابى يدفع للامام
ربنا يوفقك ويتم شفاكى على خير ويتقبل صالح اعمالك
ويجعلها فى ميزان حسناتك
وبالله عليكى لا تنسينا من صالح دعائك
وتقبل الله طاعتك فى رمضان
وجعلكى من الفائزين
وجعل هذا الشهر نصرة لامتنا
وصحوة لنا وفلاح باذنه
ربنا يوفقنا جميعا ويوفقك في مسابقة القران ويشفيك ويفتح لكل المدونين أبواب رحمته
قرات البوست
الفكرة رائعة
و شفاك الله و عافك
و بك يقويكى ف مسابقة القران
وكمان البنانييت الصغننين
معلش انا جيت مخصوص اقولك شفاك الله وعافاك بس مفيش وقت اقرأ
ربنا يبارك فيك
وفقك الله وتقبل منا ومنك
ضفاكى الله وعافاكى
وطهرك واصطفاك
واحبك بلا ابتلاء
حسبك اخيتى ان الله يطهرك ويرفع درجاتك فى الجنة
فاصبرى
وانظرى الى اجر الاخرة تهن عليكى الدنيا والمها
دعائك
رمضان كريم
كل عام و أنتم بخير
السلام عليكم
كل سنه والكل بخير ورمضان كريم وربنا يتقبل منا ومنكم صالح الأعمال ويارب الى الله أقرب
ونقول كلنا سأعبدك يارب كما لم أعبدك من قبل
جزاكى الله كل خير على الحوار الرائع والواضح ده علشان كلنا نعرف الحقيقه المره
ربنا يشفيكى ويعافيكى ياااارب وهتوحشينا
تحياتى
الطائر الحزين
اللهم امين ربنا يتقبل دعائك
وحقا رغم كل ذلك رمضان كريم
جزاكم الله خير للزيارة والدعاء
وكل عام وحضرتك بخير
السلام عليكم
امام الجيل
اهلا بحضرتك ورمضان كريم وان شاء الله ربنا هايتقبل ورمضان طلع عارف كل حاجة كله من العصفورة هانعمل ايه بقى
بس ان شاء الله هايذكرنا بالخير
والخوف ده فعلا ايجابي وان شاء الله هايساعد حضرتك كتير وهايدفعك للامام وربنا يتقبل منك صالح الاعمال
واسال الله ان يتقبل منك الدعاء ومنا جميعا جزاكم الله خيرا
السلام عليكم
بنت مصرية
اللهم امين
وربنا يتقبل منك وكل عام وانتي بخير
السلام عليكم
جمعاوي روش طحن
اهلا بحضرتك والله اسعدتنا زيارتك ربنا يبارك فيك
وجزاكم الله خيرا ارجوا ان الحوار يكون وصل معلومة جديدة ويساعد على التذكرة فى هذه الايام المباركة
وتقبل الله دعائك والله اهم حاجة البنانييت الصغنتتين ربنا يكرمهم
السلام عليكم
عصفور المدينة
جزاكم الله خيرا واعانك الله فى جميع احوالك
وربنا يتقبل منك الدعاء
واشكرك كثيرا على هذه الزيارة
السلام عليكم
امام الجيل
اشكر لحضرتك الدعاء ربنا يتقبل يارب
وجزاكم الله خيرا ووالله الحمد لله الواحد سعيد بهذه الابتلاءات وزي ماحضرتك قولت الواحد ينظر لاجر الاخرة اهم
هو انا بس اللي بيحزني ان فيه حاجات كنت متعودة اعملها ومابقيتش بقدراعملها دلوقتي بس
ان شاء الله خير تتعوض ان شاء الله
وارجوا الدعاء اني اقدر احضر مسابقة القران ان شاء الله
السلام عليكم
انس الشامي
الله اكرم يافندم
وكل عام وحضرتك بخير
وتقبل الله طاعتكم
السلام عليكم
فتاة الاحلام
اهلا بيكي ياحبيتي كل عام وانتي بخير
ورمضان كريم عليكي وعلينا
وربنا يتقبل منك
وان شاء الله نعبد ربنا كما لم
نعبده من قبل فعلا مش بس هانقول
وانتوا كمان هاتوحشوني
وهاحاول اتابع ان شاء الله
السلام عليكم
كل سنة و انتي طيبة أولا
ثانيا فعلا بوست رائع هو و اللي قبله
حوار جميل و مؤثر
جزاك الله خيرا
وربنا يشفيكي و يعفيكي يا أختي
و بالتوفيق في مسابقة القرآن
و للبنات الصغيرين كمان
تحياتي
رائع يا بنات الافكار الحلوين والله خساره واحده بالدماغ دي تبطل في رمضان
معجبه جدا بحواراتك الرمضانيه ربنا يزيدك علما
احبك في الله
جميل جدا فكره الحوار مع رمضان
وانتى قمتى بها ببراعه
وحوار رائع ومفيد فعلا
ده بيسموه اسلوب النصيحه غير المباشره
وعلى فكره بيكون اكثر فعاليه من النصيحه المباشره خاصة مع الناس اللى بتسد ودانها عن النصايح
وادعوكم لزيارتى
رمضان كريم
السلام عليكم
محمود
جزانا واياكم يافندم
وكل عام وحضرتك بخير شرفت المدونة
وربنا يتقبل دعائك اللهم امين
السلام عليكم
اميرة محمد محمد
احبك الذي احببتيني فيه
انا مابطلتش فى رمضان ولا حاجة ان شاء الله بس هي مشكلة وقت وبحاول اظبطها والله المستعان وجزاكم الله خيرا
على الاطراء اللي ماستهلوش ابدا
ربنا يكرمك ومنوراني دائما
السلام عليكم
الباحث عن الحقيقة
اشكر لحضرتك الزيارة ولاطراء الجميل
جزاكم الله خيرا هذا بعض ماعندكم يافندم
وفعلا اسلوب النصيحة غير المباشر
بينفع وبيكون افضل خاصة للناس
اللي مش من السهل تقبل النصيحة
ولما بتقبلها مش بتقبلها من اي حد
كل عام وحضرتك بخير ورمضان كريم
وان شاء نزور حضرتك اليوم بامر الله
السلام عليكم
شكرا اختى الكريمة لوفائك بالوعد وزيارتك لمدونتى اليوم
اسأل الله ان يتم شفائه عليكم ويمتعكم بالصحه والعافيه
ويوفقك انتى والببناتيت الصغنتتين فى حفظ القران وفريق الكليه كمان
ورمضان كريم عليكم جميعا
تقبل الله منا ومنكم صالح الاعمال
كل سنة وانتى طيبة
كلامك من القلب
كل عام وانتم بخير
بنات افكارى
شفاك الله وعافك...ويسر أمرك
انا أيضا عندى مسابقة قرآن ادعو لك وتدعو لى
ولكن مسابقتى بعد شهر ونصف
ربنا يحفظ بناتك وييسر امرك ويجعل كله فى ميزان حسناتك
اسأل الله العظيم رب العرش العظيم ان يشفيك ويشفى جميع مرضى المسلمين
جزاكم الله خيرا على الزيارة
وجميل
ان حضرتك هتحضرى مسابقة القران
وفقك الله
واتم شفائك على خير
ووهبك صحة وعافية
وايه موضوع افغانستان ده
مش عارف جه منين بس
بس خلاص ظبطه الحمد لله
لا تنسينى من صالح دعائك
الباحث عن الحقيقة
الشكر لله يافندم
وربنا يتقبل من حضرتكالدعاء ولك مثله ان شاء الله
جزاكم الله خيرا
السلام عليكم
عصفور بلا اجنحة
اهلا بحضرتك يافندم وكل عام وحضرتك
بخير جزاكم الله خيرا للزيارة
السلام عليكم
القسام
وحضرتك بخير يافندم
واهلا بيك فى المدونة
السلام عليكم
ام البنات
حضرتك اسعدتيني جدا بالزيارة وارجوا تكرارها باذن الله
وربنا يتقبل من حضرتك الدعاء وربنا يشفي مرضى المسلمين جميعا
ويوفقك فى مسابقة القران ان شاء الله
ولن انساكي من الدعاء اكيد لسه فاضل شهر ونصف انا بقى خلاص اوشك موعد المسابقة على الاقتراب فى خلال ايام ان شاء الله نسال الله التوفيق
وجميل دعاء ربنا يخليلك بناتك ده
بشرة خير ان شاء الله ان يكون عندي بنات
ربنا يكرم حضرتك انا كنت اقصد بناتي
فى المسجد ولكن انا بعتبرهم بناتي فعلا
وان جيتي للحق انا بتدرب فيهم
ربنا يكرمك اسعدتيني والله
جزاكم الله خيرا كثيرا
امام الجيل
جزانا واياكم يافندم واهلا بحضرتك
ربنا يتقبل دعائك اللهم امين
انا قولت برده موضوع افغانستان ده اكيد غلطة غير مقصودة يلا جات سليمة
الحمد لله ربنا يوفق حضرتك دائما الى مايحب ويرضى اللهم امين
السلام عليكم
يا استاذة
بقترح على حضرتك لو تشاركى فى مدونة حاول تفهمنا
انا عرفت ان المدونة لسه محتاجة جهود من اخواننا واخواتنا
فاعرضى عليهم من خلال المدونة حاول تفهمنا
لو حضرتك موافقة
وربنا يسهل
امام الجيل
الاستاذة دي تبقى انا ربنا يبارك فى حضرتك والله كبيرة اوي الكلمة دي على تلميذة زيي
وبصراحة اقتراح حضرتك ده ثقة انا مش قدها ومسؤلية برضة مش عارفة ممكن اكون قدها ولا لاخصوصا اني مش فاهمة الفكرة اوي خاصة بالنسبة للمشاركين
دورهم هايكون ازاي
بس عموما هاحاول افهم اكتر واحدد ان شاء الله وجزاكم الله خيرا
مش عارفة اقول لحضرتك ايه والله
السلام عليكم
اقول ايه بس
مش عارف ليه بس النظرة القليلة اللى حضرتك بتنظريها لنفسك
حتى اذا افترضنا ان حضرتك مش قد المسئولية اشتركى وحاولى انك تكونى قدها
العملية مش صعبة خالص
احنا هنتكلم بلسانا احنا مش بلسان الجماعة عشان نبقى خايفين كده من المهمة هى اكيد مش سهلة
بس مش مستحيلة برضه
منتظر اشوف اسم حضرتك فى قائمة مدونى
حاول تفهمنا
وتابعى مع الاخت اروى سريعا
من خلال مدونتها وخلال الميل
وربنا يوفقك
الدعاااااء
امام الجيل
مش عارفة حاسة اني مغلبة حضرتك معايا
دي اخرت اللي يوافق يكون له اخت فجاة كده
بس والله هو الحكاية مش تقليل لنفسي ولا حاجة رحم الله امرؤا عرف قدر نفسه وانا
بصراحة بخاف اتولى اي مسؤليه ومكونش اد تنفيذها او اكون مقصرة فيها واتحاسب على هذا التقصير والموضوع مش مستحمل حسابات زيادة
لكن انا بشكر حضرتك على التشجيع
واوعد حضرتك ان شاء الله اني اشارك
بس بعد ماتواصل مع الاخت اروى
وافهم اكتر انا دوري هايكون اراي
وفيه مشكلة كمان وهي الوقت اللي اتعرض فيه الموضوع يعني لولا اني بتابع اليومين دول ماكنتش هاعرف وبعدين
اعتقد اخري بكرة فى المتابعة لكن ان شاء الله هاراسل الاخت اروى اليوم ونشوف
ومش عارفة هاقدر اتابع امتى تاني
بس عموما خير ان شاء الله
حضراتكم بس ابدؤا ربنا معاكم
وانا ان شاء الله لو فيه نصيب اكون معاكم بعد رمضان او حسب النصيب
جزاكم الله خيرا يافندم على هذه الثقة
السلام عليكم
انا اسف جدا
على لغة حوارى معاكى اللى كانت شديدة
ولانى حكمت عليكى بامور
انا مش متاكد منها
معلش ارجو ان تقبلى عذرى
بس والله ده من حرصى
خصوصا لما شفت حماسى حضرتك الدائم ده
ومش حضرتك معتبرة نفسك اخت ليا ولا ايه
يبقى معلش لازم تستحملى
شوية
اسف جدا خالص اوى
امام الجيل
يافندم مين اللي قال اني اعتبرت اسلوب حضرتك فى الكلام شديد ولا ان حضرتك كده حكمت عليا بشيء انا لما رديت على حضرتك كان قصدي اوصل ان الواحد فعلا بيتمنى ان حماسه يدفعه للعمل مش بس يكون مجرد كلام
وبعدين انا عارفة ان ده حرص من حضرتك
وتشجيع يعني ربنا يبارك فيك
ومالهاش لازمة الاعتذارات الكتير دي
وطبعا حضرتك اخ ليا ولاااااازم استحمل
اللي يستحمل اخ يستحمل اتنين
مفيش مشكله جدا خالص اوي
السلام عليكم
جزاكم الله خيرا على البوست الجميييييييل ده
فكره جميله جديده
وربنا يشفيك
وينجحك
بس اتحداك تدخلي قدامي مسابقة
ودمت بخير
جزاكم الله خيراعلي الحوار الشيق
دا
ونسأل الله لكى ولكل المسلمين الشفاء من كل داء
نتمنى الفوز فى المسابقة ( فى الدتيا )
و( الاخرة)
وياريت تدعوا لنا
ولكل طلبة الفرقة السادسه
بكلية الطب
أخيرا هنبدأ الامتحنات بعد العيد
وكل سنه وانتم طيبين
دكتور حر
اهلا بحضرتك فى مدونتي بعد غيبة
وكل عام وحضرتك بخير وتقبل الله
منك الدعاء جزاكم الله خيرا
ولو كان اللي بيعرض التحدي ده فى حفظ القران مدوناناية مش مدون كنت قبلت التحدي وصممت عليه لكن لو حضرتك يبقى اعتبر انك كسبت بدون تحدي ولا حاجة
ربنا يبارك فيك ويجعلك اهل لحمل
كتاب الله وربنا يجعله شفيع لينا جميعا
يوم نلقاه اللهم امين
السلام عليكم
ابن عمر
اهلا بحضرتك لاول مره عندنا
وايه ده ربنا كتر الدكاترة عندي
انتوا عارفين اني مريضة ولا ايه
خير ان شاء الله وجزاكم الله خيرا
على هذه الزيارة ونتمنى تكرارها
وربنا يتقبل دعائك اللهم امين
وان شاء الله ندعوا لكم ربنا يوفقكم ويجعلكم من الناجحين دائما
انه على مايشاء قدير
السلام عليكم
Post a Comment