انتي ليه كتومة كد ونفسك معزباكي
ليه هادية اوي كد رغم الكلام الكتير اللي جواكي
ليه مش بتقربي غير من الناس اللي محتجاكي
ليه بتبعدي دايما حتى عن الناس اللي على اسرارها مستئمناكي
ليه لما بتتعبي مش بتقولي حتى للانسانة اللي مربياكي
ليه لما بتزعلي مش بتحاولي حتى تبيني للناس اللي مزعلاكي
ليه لما بتحتاجي حد اوي بتترددي حتى تقولي محتاجاكي
ليه مخبية كتير جواكي
ليه مش بتنسي اي حاجة تعباكي
ليه كدا دا حتى كل الناس حباكي
وزي مابتسمعيها هي كمان نفسها تبقى سمعاكي
وزي مابتحسي بيها اكيد هاتلاقي ناس حساكي
انتي عارفة كدا كويس بس بردو بتكتمي جواكي
خلي بالك دا فيه ناس محتاجاكي
والدنيا ماتستاهلش ابدل تتعبي اللي حواليكي معاكي
كمان عندك شوية مبادىء مجننة الناس معاكي
حاولي تتخلي عنها احسن ناس كتير نفسها تفرح وياكي
كفاية عليكي كدا لما نشوف اخرتها معاكي
16 comments:
ليه كدا دا حتى كل الناس حباكي
وزي مابتسمعيها هي كمان نفسها تبقى سمعاكي
وزي مابتحسي بيها اكيد هاتلاقي ناس حساكي
حاولى انت بس .....وهتلاقى كتير وياكى
الؤلؤة المكنونة
ايه النور دا بس
على الشات وعلى المدونة
كتير علينا والله ربنا يكرمك
ياقمر وان شاء الله احاول
انا وعدتك بس دعواتك معانا
وربنا ييسرلك انتي كمان الخير
السلام عليكم
لأن تقريبا عاوزه يجيلك ضغط
:))
ربنا يكفيكي شره
ربنا خلقنا مجتمعين
وان من عياد الله اناسا اختصهم بقضاء حوائج الناس
ومن نفس عن مؤمن كربه
وغيرها كتير
ففضفضتك
حقك
وواجب الناس عليكي
دكتور حر
امممممم انتو جايين مع بعض ولا ايييييه
ربنا يبارك لحضرتك يافندم وربنا مايجيب ضغط ان شاء الله مع انه موجود
ولله الحمد هي بتنفس عن ناس كتير الحمد لله
لكن المشكلة فيها هي بتنفس بصعوبة شكل الانبوية سليمة والثقب ضيق اوي
دعواتك يافندم ان شاء الله تتغير الله المستعان وجزاكم الله خيرا
السلام عليكم
علشان مش بنعرف نشكى لأحد
والشكوى فن لا يجيدة الا المتخصصون فيه
طيب
اولا نقول نصيحة من واحد مجرب
ولسه مشفيش مية فى المية
:)
بس بقى احسن كتير
والايام هى اللى خلته احسن وتعامله وتفاعله مع الناس خصوصا بعد مرحلة الجامعة خلته احسن ويخرج من قالب الانطواء اللى كان فيه
هو مخرجش اوى بس بقى احسن
المهم
نقول اولا ان كويس ان حضرتك معترفة ان فيه مشكلة ما وعايزة تتغير
وده فى حد ذاته شئ مهم جدا
لان فيه ناس بتستحسن فعلهم ده وبيعتبروه عادى
وبيعيشوا فى وهم المثالية
وان الناس وحشين وانى المفروض اعيش فى جزيرة لوحدى
بعيدا عن هؤلاء الوحوش
سواء وحوش فى كدبهم او خداعهم او مكرهم او او
ويبقى ان الواحد مش هينفع يعيش لوحده وان دينا بيحث على الاختلاط بالبشر
ويبقى ان من يخالط الناس ويصبر على اذاهم خير ممن لا يخالط الناس ولا يصبر على اذاهم
ويبقى ان اصحاب الدعوة كما تربينا انهم ما يكونون الى الناس
وانهم كالاطباء يبحثون فى امور مرضاهم ويعتنون بهم
انا بكلمنى على فكرة عشان انا محتاج الكلام ده قبل حضرتك
ويبقى ان مشاركة الاخرين ليا فى همومى بتزيل عنى الكثير
اولا ممكن اوى الاقى انها مش مصيبة كبيرة ولا حاجة
بس ان ابقى لوحدى كده ومع نفسى بقعد اضخم فيها واكبرها اكتر من حجمها
انا كتير كنت ببمر بحاجة زى كده لما امر بازمة اقول مفيش حد اكبر مصيبة منى
وكنت بعيش فى الوهم ده كتير فعلا
وده عشان مكنتش منفتح مع كتير من اللى جواليا فطول ما انا مع نفسى اكيد هحس انى مفيش اكبر منى مصيبة
لانى ببساطة معرفش مصايب الناس ومشاركتش الناس معايا فى مصايبى
ويبقى ان الانسان كائن اجتماعى بطبعه
يالف ويؤلف
هكذا المؤمن
حضرتك فكرتينى بواحد بلدياتنا زى ما بيقولوا وانا مش بظهر كتير كده فى العيلة لما شافنى وقعد معايا قالى ما انت حلو اهو :)
امال ليه مش بتظهر
ويبقى اننا لازم نبتدى
ونبطل نبكى على اللبن المسكوب
هنستنى ايه
العمر مفيهوش كتير عشان نضيعه فى عزلة
وفى استسلام لانفسنا
ويبقى ان اهل الباطل بينشطوا ويتحركوا ويعملوا
انا بكلمنى والله لسه
واحنا لسه بنتاخر ونتكاسل
وونتكسف
بنتكسف من دعوتنا بالرغم من ان جلاؤها وشرعيتها متاكدين منها
بنتكسف واحنا اهل الحق باذن الله والحق معنا
والله معنا
واهل الباطل بيعملوا وينشطوا ومبيتكسفوش
مع انهم اهل باطل
هى العملية مش هتيجى غير بكده
ترغيب وترهيب
ترغيب بان فيه حسنات وخير كتير اوى بيضيع من ايدينا
وترهيب بان التخاذل والقعود ده بياخر وهنسال عنه يوم القيامة
خصوصا ان ربنا اصطفانا واخترنا من بين ناس كتير عشان نحمل هم الدعوة ومنكتفيش بانفسنا بس بل نعمل للغير ونحمل همه
اذا انا مستفتدش من الكلام ده كتير اعتقد حضرتك ممكن تستفادى منه
وربما يعينا على انفسنا
واعوذ بالله ان اذكر به وانساه
تحياتى
صحيح انتى ليه كدا؟؟؟
بس تعرفي بداية طرح السؤال هي بداية التغييير للافضل
هوا انتى منزلتيش النهاردة للكورس ولا ايه
شدي حيلك يا سكر في المذاكرة والجو ده
هو ليه كده اصلا
معظم المدونين بقت عندهم الحالة دي
حتى انا
ليه
مش عارف
ربنا يزيح همك ويفرج كربك
تحياتي
الطائر الحزين
اهلا بحضرتك وفعلا عند حضرتك حق
الشكوة دي فن مش اي حد يقدر عليها
ومانقدرش عليها لاي حد ربنا يجعلنا
ممكن لا يشكون الا للخالق العظيم
هو القادر والعالم بعبادة والرحيم بهم
السلام عليكم
امام الجيل
اهلا بحضرتك يافندم
وربنا يشفينا ويشفيك من هذا الداء
والحقيقة يافندم مشكلتي مش فاني مش
عايزة اخالط الناس وعايزة انعزل
بالعكس انا بحب الناس جداا وبحب اقرب منهم بس المشكلة اني مش بقدر اخد انا الخطوة بنتظر هما يبدئو يقربوا مني بحس دايما اني مش عايزة اتقل على حد وكمان لله الحمد فى موضوع الدعوة دا انا شخصيتي اختلفت شوية علشان المسؤلية اللي عليا وهي مش بسيطة لله الحمد جايز علشان كدا ربنا بيعيني فيها وبقدر فى الوقت المناسب اتدخل طالما الموضوع فى ايطار الدعوة الى الله لكن بردو مشكلتي هي اني مش بقدر اتكلم فى اللي يخصني انا فى اللي جوايا سواء مشاكل او تعب او اي شىء رغم ان انا بتكلم دايما مع الناس فى مشاكلهم وهما لله الحمد بيحبو دايما يحكولي اللي جواهم وهما بيحاولو معايا انا كمان افضفض معاهم بس للاسف مش بعرف ورغم وجود ناس فعلا مش كويسين كتير الا اني برو مش معتبراهم سبب فى انعزالي لا ابدا انا بيبقى نفسي اختلط بيهم جايز ربنا يجعلني سبب فى هداية حد لكن المشكلة فى اول خطوة للحوار انها تبدء مني انا دي الصعوبة اللي بقابلها مع نفسي فعلا
وفعلا واحنا لوحدنا فى اي مشكلة بنكبرها ونخليها تسيطر علينا لاننا لوحدنا فيها وفى الاوقات دي ببقى عايزة اخد راي حد فعلا حتى الناس القريبة مني بس دايما لاني عارفة ان كل واحد عنده مايكفيه زي مابيقولو فامش بحب اشغل حد بهمومي رغم ان العكس بيحصل فاسبحان الله يعني مش عارفة ليه كدا بس الله المستعان هاحاول ادرب نفسي
يارب حضرتك تكون فهمت مشكلتي فين
اما بالنسبة لموضوع الدعوة لله الحمد بشهادة ناس كتير انا كويسة ومش بنتظر اي حد ياخد الخطوة بدلي لكن انا كنت اقصد ان مشكلتي هي فى الامور الشخصية او فى مشاكلي انا او فى الافكار اللي جوايا اللي قلما اشارك فيها حد الا لو حسيت ان الحد دا هايستفيد منها يعني انا قليلة الكلام عن نفسي مع الناس لكن كثيرة الكلام مع نفسي عن نفسي وعن الناس مش عارفة وصلت لحضرتك قصدي ولا لا وكلام حضرتك ماشاء الله استفدت منه كتير جزاكم الله خير يافندم ونفع الله بك دائما وشرفتني
السلام عليكم
ويبدو ان زودتها فى التعليق يا فندم
بس والله لانى مريت بس بمثل هذه الظروف ولازالت توابعها عندى بس استطرت فى الحديث
ربنا يكرمك ويتقبل منك يا فندم
وعارف اكيد ان حضرتك مزعلتيش من التعليق
بس زيادة فى الاستحراص بس
:)
امام الجيل
اهلا بحضرتك مرة تانية
وزي ماحضرتك قولت انا مازعلش ابدا
وكلام حضرتك استفدت منه كلمه كلمة
وحضرتك ولا زودتها ولا حاجة وبالفعل
انا كمان مريت بنفس الظروف دي بس زي ماقولت لحضرتك طريق الدعوة هو اللي خلاني اتجرء شوية لكن فى سبيل الدعوة فقط لكن فى الامور اللي تخصني اني اخرجها من جوايا دا اللي لسه مش قادرة اغيره ودا مش من زمان يعني انا لسه مابقاليش 5 سنوات فى الدعوة يعني لسه فى اثار بردو ربنا يعزك يافندم
على زيادة الاستحراص وبعدين حضرتك بتتكلم عن التفاهم والحب بين الناس
والتماس الاعذار لهم ازاي بقى احنا نفهم حضرتك خطا او مانحاولش ان احنا نفهم ان حضرتك تقصد النصيحة علشان تنفع الناس بتجاربك نفع الله بك دائما وجزاكم الله خيرا
بنت ابيها
اهلا بحبيبتي عاملة ايه
مانتي عارفة انا ليه كدا ياقمر
وان شاء الله نتغير بس دعواتك
وانا نزلت الكورس بس مارديتش اعدي
افتكرتك اجازة خير تتعوض الاسبوع
دا ان شاء الله وادعيلي فى موضوع المذاكرة دا اوي ان ربنا يرزقني التركيز
ان شاء الله اشوفك قريب
السلام عليكم
صاجب المضيفة
اهلا بحضرتك ومش عارفة الحالة دي
ايه بس هو انا مولودة بيها الحقيقة
خلقة ربنا يعني مش بسبب التدوين
ويارب يفك كربنا جميعا ويجعلنا
مسلمين حقا شرفتني يافندم
السلام عليكم
هو زمان اتنقشنا فى الموضوع ده انا وصاحبى
وقلتله انك لازم تفضفض لانك لو مفضفتش قلبك هيتحرق
قالى مش مشكله هكتم فى نفس وقلبى يتحرق
قلتله بس لو اتحرق هيسيب فيه علامه
فالى علامة فى قلب اسد احسن من قلب فرخة مفهوش علامات
بصراحة التفكير ده غلط مش صح
لان ببساطه الانسان اجتماعى بطبعه
ده بالنسبة للشق الاول اللى هو الفضفضة لكل الناس
بصراحة مينفعش الواحد يفضفض لكل الناس حتى لو انسان تانى بيثق فيها ويحكيله اسراره ده مش معناه برضه انى بالضرورة احكيله اسرارى
بس الغلط اللى ممكن نقع فيه اننا نحسس الشخص ده فعلا انه غير ذات قيمه او انى بعيد عنه ومش قريب منه رغم ان هو بيحب ان احنا نكون قريبين منه
اخواني مخربش
اهلا بحضرتك لاول مرة فى المدونة
وحضرتك عندك حق الانسان اجتماعي
بطبعه بس بدرجات متفاوته ان بئا
اقل درجة فى بني البشر اجتماعية
لكن باخد على الناس واحدة واحدة
ومش هاتوصل لحرقة القلب ان شاء الله
ربنا يكرمك يافندم على الزياردة
وربنا يعينك فى مشوارك ان شاء الله
السلام عليكم
Post a Comment