RSS

اول مرة اعملها





اول مرة اعملها والف فى محافظتي رغم اني عايشة فيها

بس عمري ما الفيت ولا حاولت اتفسح فيها ليييييه ماعرفش


جايز لاني بيتوتيه زيادة عن اللزوم وخروجي للضرورة فقط

ورغم اني لفيت محافظات كتير وعرفت فيها اماكن كتير



بس بردو محافظتي اللي هي بني سويف ممكن اتوه فيها لقلة


خروجي فيها يمكن عشت سنتين فى محافظة قنا للدراسة


هابقى اكلمكم عنهم بعيدين بس تقريبا حفظت كل شوارعها



نبطل رغي وندخل فى المفيد


قولنا نروح الكورنيش انا وبنت ابيها طبعا هي حكت



عن اليوم دا ومغامراتنا مع الامن فيه مش عارفة ليه الامن ورايا وريا



ماتعرفوش ليييييييييييييه؟ بس هي نسيت تحكي المعاناه



اللي عنيناها فى اليوم دا علشان نصور .طبعا اول ماروحنا



دخلنا وبعد ماتمشينا شوية وبنصور لقيتها بتقولي



احنا نسينا نعد الابواب بعد مسافة مش قليله



قولتلها وماله نرجع نعد الابواب ورجعنا علشان نعد الابواب


شوية كمان يااااااااااااااااااه نسينا نعد التندات


رجعنااااااااااااااا علشان نعد التندات وبعديييييييييييين



انا كنت راجعة اساسا من كورس الماني ودماغي



مليانة كلام مش مفهوم ومش نايمة قبلها




وحالتي صعبة المهم شوية ياااااااااااااااااه تصدقي نسينا


نصور المباني المهمة قولت لاحول ولا قوة الا بالله



طيب بصي نكمل للاخر وبعدين ربنا يدينا الصحة



ونرجع نصور المباني ونبقى نركب من هناك



طبعا كل دا قبل مانعرف ان الممشى بتاع الكورنيش



حوالي 2 كيلو متر شوفوا بقى مشينا ورجعنا كام مرة



خلصنا ال2 كيلو رايح قولنا بقى نرجع علشان نصور


المباني المهمة قولت لبنت ابيها انا لو فى الفيلد


فى رحلة جيولوجية يعني مش هاتعب كدا على الاقل



فيه جبال بنطلعها وننزلها والواحد متعود


حد يبقى يفكرني بردو احكيلكم عن الرحلات دي



وبصورها ان شاء الله شوية وبنت ابيها لقيتني جبت اخري


لدرجة اني ماشية فى وسط العربيات مش سامعة صوت اي حاجة





قالتلي لاااااااااااااااااااا كدا بقى يبقى انتحار قولتلها وماله


بصتلي تقولي كان لازم يعني الكعب العالي النهاردة


قولتلها اعمل ايه الطقم حكم بكدا وبعدين اعرف ازاي



انك هاتمشيني كل دا المهم فضلنا نصور وقربنا نوصل لاخر مبني


عمالين رجل ورا ورجل قدام لقينا عربية بحصان كنا خلاص هانعيط



ونركب معاهم بس قولنا نجمد بقى علشان عييييب وصلنا الحمد لله



لآآآآخر مبني ويلا ياحبيبتي صوري وخلصيني وفجاااااااااة



الموبيل (البطارية لا تكفي) قولت ماشاء الله يامحاسن الصدف


بعد ماوصلنا لحد هنا قولت لبنت ابيها موبيلك ايه قالتلي نوكيا بردو


طيب هاتي بطاريتك الحمد لله يادوب جات على نص الموبيل بتاعي


تحايلنا عليها لحد مالقطنا الصورة وواحنا راجعين بئا


شوفت المنظر اللي قالتلكم عليه بنت ابيها طبعا الظابط لو كان شافني



محدش عارف كان ممكن يعمل ايه وهو كاره نفسه اساسا


طبعا علشان اصور مفيش بطارية ولا فيه بنت ابيها معايا


علشان اخد بطاريتها المهم الرغي دا كله


علشان زي الشطار تطلعو من عندي على مدونة شخابيط


تشوفو الكورنيش بتاعنا وجماله لونه مش هايبقى احلى



من كورنيش قنا ابدا واللي عايز يعرف مغامرة اليوم يعدي



على مدونة بنت ابيها بالمرة بس المهم اللي مش هاشوفه



منكم فى شخابيط هو حر انا مش بخوفكم لا سمح الله


انا بهدد بس وانتو عارفين!! مش عارفة عارفين ايه


بس مش مشكلة معلش انا اصلي بمر بفترة توهان وعدم



تركيز ولخبطة داخلية وعدم قدرة على اتخاذ قرارات مهمة



علشان تدعولي بردو معاكم بس كفاية كدا عليكم النهاردة




اه نسيت اقول ان انا مش ناوية الف فى المحافظة دي تااااااااااااااني



حاجة كمان ماتركزوش مع صور الاطفال دي اصلها بتعبر عن حاجات



جوايا كدا مش بس للتدوينة يعني اتفرجو وانتو ساكتين انا قولت اهو



  • Digg
  • Del.icio.us
  • StumbleUpon
  • Reddit
  • RSS

8 comments:

مشروع انسان said...

ايه التهديدات دى كلها

:)
شوية وكنت هقفل المدونة
هههههههههههههه

ربنا يكرمك يا فندم
ويتقبل منكم

ويعديها دايما لو فيه مرة تانية يعنى على خير

وهنمر على المدونة ونشوف اقاصى الصعيد ولا مش اقاصى

وربنا يتقبل منكم

وجميلة صور الاطفال ومعبرة

بنات افكارى said...

امام الجيل

اهلا بحضرتك شوية تهديدات
على الماشي من االعشم يعني
مش اكتر وطبعا لازم التدوينة
تتقري والمدونة التانية تزوروها
بردو المدونين لبعضيهم يافندم
وربنا يكرمك وربنا يعديها فعلا
عى خير مش كل مرة زي مابيقولو
وان شاء الله هايطلع اقاصي الصعيد
يكسب دا احنا جمبهم ولا حاجة
وصور الاطفال فعلا بتعبر عني كتير
جزاكم الله خيرا يافندم للزيارة

السلام عليكم

AHMED SAMIR said...

تحية مني للصعيد وناسه
تحياتي

Fahd said...

كويس والله بتعملي دعاية لمحافظتك

ماشي

امال فين الصور

عمالين تتكلموا وتشوقونا للصور وفي الاخر مفيش صور


علي فكره انا بفرح قوي لما بدخل علي مدونات شقية

بنات افكارى said...

a.samir

اهلا بحضرتك وجزاكم الله خيرا
ومرحبا بحضرتك كمان فى مدونات
الصعايدة وناسها

السلام عليكم

بنات افكارى said...

fahd

اهلا بحضرتك هي مش دعاية ولا حاجة
دا تعريف بالمحافظة ليس اكثر

والصور فى مدونة المحافظة حضرتك وانا
سبق وهددت انكم تروحو على هناك
يعني المفروض لو حضرتك سمعت الكلام
وروحت كنت شوفت الصور

فامعش بقى حضرتك تتشاقى معانا وتتمشى لحد هناك ينوبك ثواب
وربنا يفرحك دايما
السلام عليكم

محمد عـنـانـى said...

ههههههههههههه
اولا انا بشكرك على عملك الرئع انتى والفريق بتاعك

محمد عـنـانـى said...

اه نسيت
انا عايز اتفرج على الكورنيش بتاع قنا
انتى شكلك خطير جدا