عنوان بوست كنت قريته زماااااااان لاحد المدونين
وقتها كنت شايفة العنوان صعب وازاي حد ممكن
يوصل لدرجة ان الالم هو اللي يبقى بيشعر بيه
لما يوصل لدرجة انه فعلا يعيش فى الم يشرب
وياكل وحتى يتنفس الم مش بعيد على اي حد فعلا
يجيله الاحساس دا فى اي لحظة والاصعب فيه
لما تكون مش مستعدله ممكن تكون كنت متوقعه
بس لصعوبته ماكنتش مستعدله كويس
اد ايه صعب لما تفقد الثقة فى كل اللي حواليك
اد ايه صعب لما فجاة تلاقي الناس بتسىء الظن بيك
اد ايه صعب لما تغير فى نفسك حاجة علشان حد
وفى النهاية تلاقي نفسك لوحديك
اد ايه صعب الاحساس بالظلم من كتر مالدنيا اساءت ليك
احساس صعب اووووي يارب ماحد يحس بيه حتى لو كان هو سبب فيه
ويبقى فى الاول وفى الاخر الحمد لله فى السراء والضراء
اللهم يامقلب القلوب والابصار ثبت قلبي على طاعتك
معلش ياجماعة على البوست دا بس مفيش غيرالمدونة اتكلم فيها حاليا
كنت ناوية انزل حاجات كتير الفترة دي تهمني لكن قدر الله وماشاء فعل
كل شىء بأوان ان شاء الله استقر وارجع انزلها
ومعلش بردو تدعولي كتير اظاهر ان لسه الدنيا ماخدتش حقها من الواحد كويس
ومعلش كمان هاستاذنكم فى فترة كدا مع نفسي وان شاء الله ارجعلكم
اذا كان فى العمر بقية وتدعولي تمر الفترة دي بخير
وياريت تدعو كمان اقدر ادخل امتحاناتي على خير
وربنا يوفق الجميع ويوفقنا لما فيه الخير
11 comments:
ربنا يقدر كل الخير حيث كان ويبارك لك فيه ويصرف عنك السوء بما شاء
انا عارف انه احساس سيء جدا
لكن علينا بالصبر على المكاره حتى نفوز برضا الله في نهاية الأمر
ترجعي بالسلامة ويارب دايما في سعاده وطاعة
بوسع العقل ان يصنع وهو مكانه نعيما من الجنة او جحيما من النار
اري انك انت من تملكين حياتك وليس احد اخر
وانت من تملكين مشاعرك وليس احد اخر
وانت من تملكين افكارك وليس احد اخر
فلا تسلميها لمن يعبث بها
اختاري ان تكوني سعيده وستصبحين كذلك
اختاري ما تريدن ان تكوني
فانتي كما تفكرين
من سنخرج من كهف الاحزان
وكم تبقى لنا من عمر حتى نضيعه
كثير من الاوقات يمر فيها احدنا بمثل هذا واكثر منه
ويرى ان الدنيا اظلمت فى عينيه
المنى جدا قولك
اظاهر ان لسه الدنيا ماخدتش حقها من الواحد كويس
لست ادرى ما بكى حقا
ولكن ادرى ان الصعاب تهون اذا وكلناها لخالقها
واذا علمنا قدر هذه الدنيا وحجمها
وانها دار فتن وابتلاءات
وانها ملعونة ملعون ما فيها الا ذكر الله وما والاه وعالم ومتعلم
وانها ما خلقت الا لنعبر لها لاخرة
خير وابقى
باذن الله
والله لكثير امر بلحظات احس ان الدنيا ستقف وانه لا فائدة ولكن انظر الى امرى واقول وان ياست وان سلمت فماذا سافعل
هل ابحث عن جبل فاعيش فيه ام جزيرة اقضى بيها باقى عمرى
ولن نسلم من الاذى حتى وضنك العيش بها
اذا فهيى دنيا
دنية حقيرة
يجب ان تاخذ فينا موضعها
ويجب الا ننظر الى الناس انهم ملائكة
فكما نخطئ هم يخطئون
بل يجب ان نحمل انفسنا اننا لو احسنا الدعوة اليهم لما وصلوا الى هذه الدناءات التى اصابتنا منهم
فكما نحن ضحايا اعمالهم
قد نكون مشتركين فيما وصلوا اليه
علمتنى الحياة الا اياس
فلن استفيد شئ بالركون والدعة والاحباط
قد لا اكون افعل الشئ العظيم ولكن يكفى ان نعرف الدنيا على حقيقتها ونعرف كيف نتعامل معها
ولربما نفعل شئ فى يوم من الايام
ولكن العزلة والحزن ةالبكاء على اللبن المسكوب لن يرجع شيئا ولن يصلح
وندب الحظ والامل والظروف
لن يصلح من الامر شئ
لم يتبقى كثير من الوقت لنضيعه
اتحدث الى نفسى قبل ان اتحدث الى حضرتك
بجد والله كفاية نحبس انفسنا ونعيش فى كهف الاحزان فهذا لن يفيد
حزنت لحزنك
وشعرت بشعورك
ولكني عهدتك دائما اقوى من المحن مهما كانت
عهدتك دائما قوية صلبة
وفعلا التقوقع على النفس لمجرد ما آل بها
ليس هو الحل
مش ناويين تعزلوا بقى وتبقوا قريبين مننا
اختاااااااااااااااه
كم دقت كلماتك فى جدران قلبى
احسست بصدق ما تحكين
والمس بيدى بعض مما تحدثتى
بالامس كنت اشعر ان لا معنى للحياه
وانها كئيبه مهما فعلت
ولكن ظهر شعور يقرب من معنى تحدث به من علق وكتب اليك قبلى
جعلنى احول حزنى فرحا وجحيمى جنة
سادعو لك
يفرج الله كربنا ويزيل همنا
جزاك الله خيرا تعليقات من كتبوا عندك احييت بداخلى الامل واكدت لدى معنى
جزاكم الله خيرا جميعا
صاحب المضيفة
اللهم امين
وجزاكم الله خيرا اخي فى الله
هو فعلا احساس صعب ومش هاخرج
منه بسهوله لكن قدر الله وماشاء فعل
نرجو رضا الله وعفوه فعلا ليس اكثر
ربنا يرضا عنا جميعا ويرضينا
ويعافينا ويكفينا ان شاء الله
شرفتني حضرتك
fahd
اهلا بيك يااخي
عند حضرتك حق فى كل كلمة
واد ايه كلام حضرتك اثر في
جزاكم الله خيرا ونفع الله بك
وفعلا انا من املك مشاعري وانا
من املك افكاري وان شاء الله
لن اسلمها الى من يعبث بها مرة اخرى
وان شاء الله ساكون مااحب ان اكونه
بفضل الله وطاعته
امام الجيل
اهلا بحضرتك يااخي
كلام حضرتك اثر في جدا
جزاكم الله خيرا وخفف عني ايضا
نفع الله بكلماتك دائما وفعلا
لم يتبق من العمر الكثير لنضيعه
على قد مالموقف صعب لكن لازم يعدي
زي ماغيره سبق وعدى كمان علشان استعد للجاي ماهو الدنيا لسه ماتاعبها كتير
ولسه ياما هانشوف فى حياتنا كتير
واعتذر على لفظ ان الدنيا لسه مااخدتش حقها من الواحد كويس
لكن دا اللي انا حساه فعلا وعلشان
كدا لازم ابدا استعد للي بعد كدا
لكن بشكل ايجابي صحيح مش هاخرج
من الحالة دي بسهولة بس على الاقل
هاقنع نفسي بكدا زي مابعمل حاليا
وحقا الدنيا ملعونه ملعون مافيها
وياريت فعلا الواحد يلاقي جبل يعيش فيه
انامستعدة أأجر جبل واعيش فيه ولو حدي بس مين يسيبني اعمل كدا دا انا حتى ماسيبتش جبل الا ودرسته وعرفته كويس
يمكن اتكلمت مع الصحرا والجبال دي بحكم دراستي كتير ولقيت انها اكتر مكان يقربنا من ربنا فعلا فاليه لا عموما هاشوف الفكرة دي بعدين يمكن الاقي صخرة قريبة من السما تئويني ولا حاجة
وعند حضرتك حق الناس مش ملايكة وممكن
نكون سبب فى حالتهم دي وعلشان كدا
الاصعب لما يكون اللي قدامك حد فاهم وعارف ومش اقل منك فهم ولا التزام
هنا بتكون الطامة الكبرى ربنا يعافينا جميعا ويجعلنا ممن يسمعون
القول فايتبعون احسنه اللهم امين
والحقيقة انا لما بنعزل بيكون علشان اعيد بعض حساباتي ولو غلطت فى شىء
اقدر اصلحة او اعتذر واندم عليه وبكون حزينة فعلا ودا على راي حضرتك لن يفيد بشىء نسال الله يخفف عنا
ويخرجنا من هذه الدنيا قليلي الذنوب
انه على مايشاء قدير جزاكم الله خيرا اخي مرة اخرى ونسالكم الدعاء
بنت ابيها
حبيبة قلبي قد ايه وحشتيني
واسفة ان كلامي كان صعب لكن
غصب عني والله وجزاكم الله خيرا
لتشجيعك لكن مهما كان الانسان
بيتمتع بشخصية قويه لازم تيجي
عليه لحظات ينكسر فيها ويحس بالضعف
لكن ان شاء الله لن تطول وان شاء الله
مش هاتتكرر اوعدك بكدا لاني مش هاسمح بكدا تاني ان شاء الله
ونفسي بجد اعزل واقرب منك لو ينفع
تجيبيلي تكليف بكدا ياريت
اصلها مش هاتيجي غير كدا
نفسي اشوفك اوي وادعي علشان
الامتحانات مش عارفة هاعمل فيها ايه
من القلب
حبيبتي ربنا يكرمك ويخفف عنك
ويخليلك اياد دا بالدنيا كلها
لازم تكوني قويه علشانه وبعتذر
ان كلامي اثر فيكي وسببلك حزن
وبحمد ربنا ان التعليقات اثرت فيكي
وخففت عنك زي ماعملت معايا وانا كمان
بقول للجميع جزاكم الله خيرا ولا حرمنا
الله من اخوتكم دائما وربنا يتقبل دعائك ياحبيبتي ان شاء الله
سيبك انتي انا نفسي اشوفك علشان اخطب منك اياد بيقولو دلوقتي اخطب لنفسك
وماتخطبش مش عارفة لمين كدا ماعلينا
المهم نورتيني وان شاء الله اكلمك
واطمئن عليكي دائما
ربنا يوفقك يا رب
حتى في لحظات الضعف فالقوي يتغلب عليها بقوة ايضا ولا يسمح لها بان تسيطر عليه فترة
بدعيلك كتيييير
يلا خلصي امتحاناتك بقى
Post a Comment