RSS

ركزو معــايــا


عارفين لما الواحد يبئا يعني
تبص تلاقيه سبحان الله وماتعرفش ايه السبب
وتيجي عليه اوقات يعني كل حاجة مش فاهمة
ليه كدا هــا ليه كدا ماهي دي الدنيا
وبعدين ترجع وتلاقيك كدا يعني واخرتها
طب تصدقو احيانا بتحصل حقيقي يعني
مش قولتلكم وعلى كدا قولتلهم كتير بس محدش
صدقني وبعدين يرجعو طب دا اسمه كلام
هــا دا اسمه كلام ليه اللي بيحصل دا
مفيش حاجة تستاهل دا كله
هو انا قولتلكم ولا ماقولتكمش اه
يبئا ماقولتكمش اصل اللي حصل صراحة
ان الواحد بتيجي عليه اوقات اه بالظبط
زي ماتقوله كدا يعني وبعدين الحمد لله
اصل ربنا كبير اوي وحكمته اكبر
وبعدين ياما بيحصل وياما لسه هايحصل
هو احنا لسه شوفنا حاجة دي تصبيرة
من الدنيا علينا
عارفين نفسي اساله
ليه عملت كدا احنا عملنالك ايه
بس ارجع واقول ربنا عايز كدا
وبفضل الله احنا احسن بكيتر بس بردو
لازم تعدي اوقات كدا يعني مش كلها
راحة ومش كلها كدا لازم نرضا
اقولكم على حاجة كمان معلش
احنا بنتكلم مع بعض يعني نستحمل بعض
ياجماعة انا كدا وانتو كدا مانخلي
كل واحد فى حاله وربنا هايحاسب
كل واحد على كدا بس ليه وفين
ومين وازاي زي مانتو شايفين كدا
بس نرجع ونقول خير
زي مانتو شايفين وملاحظين عليا انه خير
خير اوي يعني مالكم مزبهلين كدا
اوعي يكون فيه حد قاعد مش فاهم حاجة
لالا اللي مش فاهم مايسالش ياجماعة

المدونين لبعضيهم بردو

انتظرونا العدد اللي مش قادم قريبا باذن الله:)

  • Digg
  • Del.icio.us
  • StumbleUpon
  • Reddit
  • RSS

16 comments:

بنت الصالحين said...

هئ هئ هئ هئ
ياعيني
جونااااااااااااان
اتجنيتي يابت ولا ايه

لاحول ولاقوه الا بالله

الحمدلله علي نعمه العقل

هههههههههههههههههههه


:-*

Anonymous said...

هههههههههههههههههههههه
ليه كدة يا بنتى ما كنتى كويسة




بصى انا قريت البوست ده كتيييييير لقيت نفسى مش فاهمة حاجة

بس حقول إن انتى اللى أتجننتى و بتكتبى حجات ملغبطة عشان عيب أطلع أنا غلطانة




ماشى؟؟

متقوليش لحد بقى

مشروع انسان said...

لالالالالا

مش عايزين حلقة تانية
:)

هى حلقة كل كام سنة كده كويس اوى
بوست يشعر الواحد بانه مش فاهم حاجة خالص
::)

أحمد سعيد بسيوني said...

يسر الله لكم اموركم

الفراغ said...

عارفه وانا معديه لقيت الباب مفتوح
ادخل لا ماتدخليش المهم دخلت مالقتش حد طبطبت على نفسى وخرجت بس سمعت صوت وانا خارجه بيقولى بسبسبسبساتاريها قطه داس على رجلها بنى ادم مافيش فى قلبه رحمه
وسبها ياعينى تبكى لوحدها
معلش اللى جاى ان شاء الله احسن

مشروع انسان said...

نسال الله ان يكون خيرا
ان شاء الله

وان يكون خيرا من حيث لا تدرى

فنظرتنا كبشر للاور عادة ما تككون قاصرة
ولا ندرى عواقب الامور
الا بعد ان نلجها

بل وقد نلجها ونخرج منها دون ان ندرى حقيقتها
وندرى حقيقتها بعد حين

بل قد نموت دون ان ندرى كنهها

ولكن يجب دوما وابدا الا نبكى على اللبن المسكوب
فلا ندرى اكان خيرا سكبه ام لا
ولا ندرى اهو سكب اصلا ولا لا :)

بالرغم من انى برضه مش فاهم حاجة
بس اتمنى ان يكون خيرا

بنات افكارى said...

عاشقة الفردوس

:(

وليكي عين تيجي تزعقيلي هنا كمان
مش كفاية شخطي فيا خلتيني عيط بجد

يلا امشي مخصماكي ومش اكلمك
تاني الا لما تصالحيني بس :(

استني عايزة اقولك كلمة غلط
انتي وحشة :( يلا بئا بمناسبة
الجنان

بنات افكارى said...
This comment has been removed by the author.
بنات افكارى said...

انا ودماغي

كنشي العشم ابتا ماتفهمينيش

عموما مش هاقول لحد ماتقلقيش ان
انتي اللي مش بتفهمي وبالمناسبة

مخصوم حصاتك فى الزبيب اللي ببعتهولك
كل شهر الشهر دا علشان الغلطة
الشنيعة دي دا انا حتى كنت بقول حكم

:) نورتيني ياقمر معلش بئا

عندي حبة لخبطة داخلية وطلعت
على المدونة ادعيلنا معاكي

بنات افكارى said...

امام الجيل

اهلا يافندم معلش بئا
وان شاء الله مفيش حلقات تانية

لان الحلقة دي خرجت بصعوبة فاطلعت
بالمنظر اللي حضرتك شوفته دا
فاصعب ان شاء الله تتكرر تاني

بنات افكارى said...

احمد سعيد بسيوني

اللهم امين
اهلا بحضرتك شرفتنا
وجزاكم الله خيرا على الدعاء

بنات افكارى said...

الفراغ

اهلا بحضرتك نورتيني
وعلى فكرة كلمات حضرتك
خلتيني دمعت ربنا يكرمك

صعبت عليا اوي القطة
بس بطمن حضرتك انا بخير

وان شاء الله اكيد اللي جاي احسن
حضرتك شرفتيني بجد وشكرا على احساسك

بنات افكارى said...

امام الجيل

اهلا بحضرتك مرة تانية

وجزاكم الله خيرا على كلماتك
فعلا نظرتنا ديما لامور بتكون
قاصرة ولانعلم الخير فين

واتمنى ان شاء الله
مايكونش فيه بكاء على اللبن
وهو لسه ماسكبش بس ربنا يستر
علشان شكلي كدا هاسكبه بايدي
وعن اقتناع فالله المستعان :)

وان شاء الله كله خير
كانت شوية رواسب لشوية حاجات
بحاول التخلص منها فاطلعت بالشكل
اللي مش مفهوم دا
ان شاء الله ماتتكررش رغم ان الاحساس
بالجنان مش وحش ابدا بالعكس :)

جزاكم الله خيرا يافندم
ولا تنسانا من دعاؤك

قيس بن الملووووح said...

دقات قلب بعد الخمسين
"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة

قيس بن الملووووح said...

دقات قلب بعد الخمسين
"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة

بنات افكارى said...

قيس ابن الملووووح

اهلا بحضرتك شرفت المدونة
وربنا يبارك فى عمر حضرتك