اولا بجد ماقدرتش ارد على تعليقات
البوست اللي فات وبعتذر جدا وربنا
يكرمكم جميعا على كلماتكم
فانظرا للحالة اللي لسه ماخرجتش منها
مش هاتكلم كتير علشان كفاية عليكم
نكد لحد كدا
ونظرا لاني وعدت ناس اني مابعدش
عن المدونة كتير وبحاول بجد اني
مابعدش فعلا
لحد مااستقر ان شاء الله قولت انزلكم
صور من رحلاتي الجيولوجية وهي
من تصويري
اللي هاتشوفهم دول كانو من رحلة البحر
الاحمر منطقة القصير وكان نفسي
اشرحلكم كل صورة فيهم
لكن بجد مش قادرة اتكلم لكن ان شاء الله
موضوع الرحلات والصور وتخصصي
فى الجيولوجيا
الله المستعان ويكون ليه حديث طويل معاكم
لانه يهمني جدا وكان حد اقترح عليا اعمل
مدونة جيولوجية
انزل فيها الصور الخاصة بيا بشرح مبسط
لانها مش بس حاجات علمية لكن كمان كلها
مناظر تساعد جدا
على التفكر فى خلق الله سبحانه وتعالى
لكن الحقيقة مش عارفة هي فكرة كويسة
ولالا لو حد شايف انها هاتنفع ياريت يقولي
اسيبكم مع جزء من صور لمنطقة القصير
فى محافظة البحر الاحمر طبعا ممكن تضغطو
عليها للتكبير
طبعا الصور تحت امر اي حد منكم
كلها بفضل الله تنفع خلفيات
ولو اي حد محتاجها من غير لينك
المدونة يؤمر بس وانا ابعتها على
ايميلاتكم ان شاء الله وفوقيها
صورة هدية على ذوقي :)
لا تنسو الدعاء ولكم مثله ان شاء الله
12 comments:
حلووووووووووووة الصور ياقمر ابعتيهملي كلهم بقي :)))))
ما شاء الله
صور غاية في الروعة
ابعتيهوملي كلهم برضوا
وما شاء الله التصوير جميل
:)
جمييييييييييييييييل يا بنوتى الجميلة
كلها صور رائعة و طبعا مستنياهم
عشان دول مش كانوا فى اللى فاتوا
و مستنية الصور التانيين تنزليهم
عشان بجد هما كمان رائعين جدا
ياللا سلام
ما شاء الله صور جميلة
بس كنا محتاجين لتفاصيل
يعنى الصور مش فى البحر الاحمر
يا ترى فى البحر نفسه ولا جنبه
:)
لا صحيح محتاجين لتفاصيل
وندعو حضرتك الا تستلمى للحزن
اعانك الله
عاشقة القردوس
حلووووة وانتي بالذااااات
هابعتلك عنيا حاضر :)
مش عارفة ايه الناس اللي
جاية وداخلة على طمع دي
بنت ابيها
اهلا حبيبتي شرف ليا
انها تعجبكم ياقمر
وهابعتهملك حاضر بس كدا
ولا اجيبهملك معايا لما اشوفك
:) ولا خلاص ابعتهملك احسن
والتصوير على فكرة بكاميرتي
العادية مش ديجيتل يعني بس
بحبها جدا ومش بعرف اسافر
من غيرها :)
سول ويسبر
اهلا ياقمري ايه النور دا
هي رائعة علشان عجبتكم بس
مش علشان صوري ولا حاجة يعني :))
وهابعتهملك حاضر اول ماشوفك
وبعدين انا بسبب حالة االنت
السيئة ماعرفتش اوريهملك كلهم
اللي شوفتيهم من صور جنوب سينا
مش البحر الاحمر يلا ملحوقة ياجميل
انتي بس تؤمري
والتانين الله المستعان وانزلهم
بس دول كتير اوي لكن ان شاء
الله هاشوفلهم وقت وانزلهم بالتفاصيل
سلا ياحبيبي :)
امام الجيل
اهلا يافندم ربنا يكرمك
وكان نفسي والله اتكلم فى
تفاصيل الصور اكتر بس مش عارفة
بخرج الكلام بصعوبة اليومين دول
لكن عموما انا اقول لحضرتك
حضرتك تقف وتخلي البحر الاحمر
على ايدك الشمال تبص على ايدك
اليمين مش هاتلاقي حاجة تبص
فوق هاتلاقي السما تدعي شوية:)
هاتبص جوا البحر قصدي جوا محافظة البحر الاحمر هاتلاقي منطقة القصير
وصفة سهلة اهي :)
نتكلم جد بئا المنطقة دي يافندم
مدينة تابعة لمحافظة البحر الاحمر
اسمهاالقصير هي منطقة جبلية
ولكنها سكنية بردو في ناس يعني
والاماكن اللي فى الصور دي كانت
على بعد حوالي 5 كيلو متر من المدينة
والمنطقة دي بتقع بين ميناء سفاجة
وبين منطقة مرسى علم دا ع الخريطة
وكل المنطقة دي طبعا فى صحرء مصر
الشرقية اما من الناحية الجيولوجية
كلها منطقة اتكونت فى العصر الحديث
يعني من حوالي مليون سنة بس :)
ودا اقل واحدث عصر من العصور الجيولوجية واللي هو احنا لسه فيه حاليا دا ولو دخلت فى تفاصيل اكتر
هاتكلم عن طبيعة المنطقة وازاي اتكونت
واتكونت من اي انواع من الصخور
وفى كل صورة ليه الجبل اخد الشكل دا
والطبقات ليه واخدة الشكل دا
وميلها وطريقة تكوينها وبالارقام
كمان لو فيه حفريات او لا
يعني شوية وحضرتك هاتقفل المدونة
وماتدخلهاش تاني :)
والاجمل كمان ممكن نربطها بآيات
من القرآن الكريم فاهطول على حضرتك
لكن ان شاء الله اي صور هانزلها بعد
كدا بامر الله يكون بتفاصيل اكتر
وبطريقة مبسطة علشان الناس تستفيد
من غير ماتزهق من المدونة وصاحبتها
وان شاء الله الحالة اللي انا فيها
ماتطولش انا بس مش بتعلم ابدا
ومع كل صدمة جديدة واكني
بتصدم لاول مرة ولكن الله المستعان
هانشوف حل فيا علشان كدا مش كويس
وانا بخير الحمد لله على كل حال
نسالكم الدعاء ولكم مثله ان شاء الله
جزاكم الله خيرا يافندم
الصور جميلة ما شاء الله
وجزاكم الله خيرا
وإحنا فعلا محتاجين اننا نتفكر فى خلق الله وفى عجيب صنعة
لأن التفكر دى عبادة غايبة عن ناس كتير
وبالنسبة للبوست اللى فات
انا فعلا لما قرأت البوست وقت نزولة مقدرتش اعلق بجد متخيلتش الموقف
ربنا يصبر حضرتك ويصبر أمها
وانا دايما متابع المدونة بس تقريبا مبعلقش كتير أو خالص
جميله الصور وفغلا التعليق الوحيد اللى ينفه هو سبحان الله
abdo
اهلا بحضرتك ربنا يكرمك
وجزانا واياك يافندم
فعلا التفكر فى خلق اللهعبادة
جميلة جدا ياريت نقدر نقوم
بيها فى اي وقت
وجزاكم الله خيرا على الدعاء
وحضرتك تشرفنا فى اي وقت
يكفينا وجود حضرتك حتى لو
بدون تعليق
ابو عمار السويفي
اهلا بيكي شرفتنا بالزيارة
وربنا يكرمك فعلا سبحان الله
Post a Comment